Sunda hi suma a sunuzinid’a 11:24 - Bible azumeina

²⁴ Mam mi sama djivina. Muzuk ma bei tchod’a ba na ki he gagazid’a a nga oîd’a kurum mi. Suma ablaud’a a mbut suma hi Salad’ina.

Sunda hi suma a sunuzinid’a 11:24 Referans Kwoze

Sunda hi suma a sunuzinid’a 11:21

Ad’enga hi Salad’id’a ti nga ki sed’eziya, suma ablaud’a a he gagazid’a, a mbut huruzi yam Salad’a.

Sunda hi suma a sunuzinid’a 5:14

Suma a he gagazi mi Salad’ina a nga zul kam kua kam kua ablaud’a, andjofâ karopma mi.

Sunda hi suma a sunuzinid’a 6:5

Zla ndata le suma toka tazi djivid’a heî. A man Etienne sama gagazi ma oîd’a ki Muzuk ma bei tchod’ina, Filip, Prokor, Nikanor, Timon, Parmenas ki Nikola ma Antiyos ma mbut Juif-fîna.

Romê-na 15:15

Wani kur mbaktum manda, an nga ni dagi zlad’a bei mandarâ ba á gagi humagi yam ve d’a Alona mi van sumad’a

Sunda hi suma a sunuzinid’a 9:31

Kayam ndata, suma toka hi Christ suma yam ambas sa Jude-d’a ki d’a Galile-d’a ki d’a Samari-d’a petna, tazi d’i tchuk simetna, a fad’enga, a nga i avogovok á le mandara Salad’a, Muzuk ma bei tchod’a ba na nga mi ndjunuzi mi.

Sunda hi suma a sunuzinid’a 6:8

Etienne ma Alona mi b’e vunam kam mi hum ad’enga mi na, mi lahle suma atchapma kahle suma simata ngola aduk suma.

Sunda hi suma a sunuzinid’a 6:3

Kayam ndata, agi b’oziyomina, agi managi suma kid’iziya ni suma suma a nga le glangâs ma djivina kazina, ni suma oîd’a ki Muzuk ma bei tchod’a ki ned’ina, ami hazi sun ndata aboziya.

Sawal la giled’a 112:5

Sama nga mi we hohowa suma, nga mi hazi balâ, nga mi le sun mamba ata lovod’ot na, nga mi le ni sun nda djivid’a.

2 Samuel 18:27

Ma ndjola mi dala: Ringâ hi sama avo’îna, an wumî d’igi ringâ hi Ahimas Sadok goromina na. Amulâ mi dum ala: Ni sama djivina; mi mba kä ni ki zla d’a djivid’a.

Romê-na 5:7

Nad’enga heî á sana mi mit yam sama d’ingêrâ. Dam, sama ding mba mi ve tam á mit yam sama djivina.

Sunda hi suma a sunuzinid’a 24:16

Kayam ndata, an nga ni b’at tan teteu á kak ki djib’er ra tchod’a kurun avok Alona d’oze avok suma d’uo mi.

Jean 7:12

Ablau suma a kud’us tazi ngola yam zla mamba. Suma dingâ a dala: Ni sama djivina. Suma dingâ ala: Hawa! Ni ma vit suma woina.

Wana ni Zla d’a Djivi d’a Luc mi b’irita 23:50

Sana nga, simiyêm ala Josef ni ma Arimate-na. Arimate nazì ma ngol ma yam ambas sa Juif-fina. Josef ni ma nga aduk suma b’ak zlad’a, ni sama djivina, ni ma d’ingêrâ mi.

Matiye 19:17

Jesus mi dum ala: Ni kayam me ba, ang djobon yam vama djivina ge? Ma djivina ni tu go. Wani le ang min kal kur arid’a ni, ang ge yang kä ad’u vun ma hed’a hAlonina.

Matiye 12:35

Sama djivina mi nde ni kahle suma djivi suma mi togozi kuruma woi abua, sama tchona mi nde ni kahle suma tcho suma mi togozi kuruma woi abu mi.

Zla d’a d’ogolâ 14:14

Sama bateina mba mi fe ndaka yam sun mamba, wani sama djivina mba mi hop kahle suma avo hatama mi.

Zla d’a d’ogolâ 13:22

Sama djivina mba mi ar djona mi grom ngolona, wani ndjondjoîd’a hi suma tchonid’a mba d’i arî mi suma d’ingêrâ.

Zla d’a d’ogolâ 12:2

Sama djivina, Ma didina nga mi wum hohowomu, wani Ma didina nga mi ka sariyad’a yam sama mi nga ki djib’er ra tchod’a kuruma.

Sawal la giled’a 37:23

Ni Ma didina ba, nga mi ndjun sana kur tit mamba, tam nga d’i lum djivid’a yam lovot mamba mi.

Sunda hi suma a sunuzinid’a 2:4

Azi pet a oî ki Muzuk ma bei tchod’a ba na, a nde de zlad’a ki vuna hi sumina teteng d’igi Muzu’â mi hazizi á ded’a na.

Sunda hi suma a sunuzinid’a 2:47

a nga gile Alona mi. Suma pet a nga yoroziya. Burâ ki burâ Salad’a nga mi sut suma dingâ kazi kua kazi kua kur Toka.