Sunda hi suma a sunuzinid’a 10:45 - Bible azumeina

⁴⁵ Juif suma a he gagazid’a suma a mba ki Pierre-râ a le atchap, kayam Alona mi vo Muzuk ma bei tchod’a ba na yam andjaf suma dingâ mi.

Sunda hi suma a sunuzinid’a 10:45 Referans Kwoze

Sunda hi suma a sunuzinid’a 10:23

Ata yi máma, Pierre mi kal ki sed’ezi avo, mi hazi yima burâ. Tcha ndjivinda Pierre mi tchol mi i ki sed’eziya. B’oziyod’a suma hiu suma Joppe-na a i ki sed’em mi.

Sunda hi suma a sunuzinid’a 2:38

Pierre mi dazi ala: Agi mbud’ugi hurugi yam tcho magid’a, nge nge pî adigagi mi le batemba ki simiyê Jesus Christ, kayam Alona mi vat hurum mbei yam tcho magid’a. Hina wani, Alona mba mi hagi Muzuk ma bei tchod’a ba na hawa.

Efes-sâ 2:11

Kid’a adjeu agi nandjaf suma dingâ tua d’a, Juif-fâ a nga yagi ala agi ni suma bei ngat bayâd’a. Ni bayâ d’a suma a nga ngad’ata. Kayam ndata, ar agi djib’eregi yam kak magi d’a adjeud’a.

Galat-na 2:15

Ata vut mamid’a, ami tami ni Juif-fâ, ami ni suma tchona aduk andjaf suma dingâ d’i.

Sunda hi suma a sunuzinid’a 2:33

Alona mi hlum sä akulo, mi tinim ata bigam mba ndjufa. Mi ve Muzuk ma bei tchod’a ba ma Abum mi hlum vunam kama, mi vomizï kami d’igi agi wagizi agi humugizi na mi.

Sunda hi suma a sunuzinid’a 11:3

Ni kayam me ba, ang kal avo hi suma bei ngat bayâd’a, ang te ki sed’ezi mi ge?

Sunda hi suma a sunuzinid’a 11:2

Kid’a Pierre mi i Jerusalem-mba, Juif suma a he gagazid’ina a yalam ala:

Romê-na 5:5

Hur mei ma tinda ni lop ira d’i, kayam Alona mi vo o mamba kuri ngola ni yam Muzuk mam ma bei tchod’a ba ma mi heizina.