Sunda hi suma a sunuzinid’a 10:4 - Bible azumeina

⁴ Kornei mi so iram gola atamu, mandara tchum su. Mi dum ala: Salana, a ni me ge? Malaikana mi dum ala: Alona mi hum tchen manga ki ndjun nda ang nga ndjun suma hohoud’id’a, mi djib’er kangû.

Sunda hi suma a sunuzinid’a 10:4 Referans Kwoze

Filip-ma 4:6

Ar djib’eregi ti b’lak yam va tu d’i, wani kur ahlena pet ar agi tagagi Alona vama agi kid’agagizina. Ar agi tchenegi Alona ki hud’a, agi lum mersi mi.

Hebre-na 6:10

Kayam Alona ni Ma d’ingêrâ, nga mi mar yam sun magid’a ki o magi d’a kam mba agi tagat tei yam simiyêm ata yima agi lagi sunda mi b’oziyogi suma hAlonina d’igi agi nga lagi gak ini na mi d’a d’i.

Malatchi 3:16

Wani suma a ring mandara Ma didinina, a de tazi zlad’a; Ma didina mi kak hina tchugot, mi huma. A b’ir mbaktum mba djib’era avorom yam suma a ringîm mandaram a suburum simiyêm mi na.

Sunda hi suma a sunuzinid’a 10:31

Mi dan ala: Kornei, Alona mi hum tchen manga, mi djib’er yam ndjun nda ang nga ndjun suma hohoud’id’a mi.

Vama ndum mbeina 8:4

Andosâ hi dubang ma his djivid’a ma malaikana mi ngalama mi i akulo avok Alona zlapa ki tchenda hi suma hAloninid’a.

Sawal la giled’a 141:2

Ar tchen manda ti i akulo avorong d’igi andosâ hi dubang ma his djivid’ina na; abon ma an yom akulo á tchendina, mi i akulo avorong d’igi vama ngat buzu ma fladegena na mi.

Filip-ma 4:18

Kayam an fe he d’a hawa magi d’a agi sunundji abo Epafrodit-ta pet ndaganu. An nga kahle suma ndagana pet da’. He d’a hawa magid’a ni his ma afufuîna, ni vama ngat buzu ma djivi ma Alona tam mbi lum djivid’a kama.

Hebre-na 13:16

Agi maragi á le djivid’a mi suma á ndjunugi tagi d’uo mi, kayam vama ngat buzu ma hina na ni vama lAlona tam djivid’ina.

Wana ni Zla d’a Djivi d’a Luc mi b’irita 1:29

Wani vunadigat ti pat fek yam zla ndata, ti djib’er kurut ala ad’u dep ndata nana ge?

Matiye 26:13

Gagazi, an nga ni dagiya, ata yima lara ge pet ma a mba tchi wal Zla d’a Djivid’a kua yam andagad’a petna, a mba de yam vama atcha ndata ti luma á djib’er kad’u.

Daniel 10:11

Bugola, sama mi tchuk baru d’a luluîd’a atama, mi dan ala: Daniel, ang ma Alona mi le kang heîna, ang hum zla d’a an nga ni dangzid’a, ang tchol akulo ata yima ang nga kuana. Ki tchetchemba, a sunun ni gevengû. Ata yima an hum zla ndatina, an tchol akulo, nga ni zlaga.

Isai 43:26

Agi djib’eregiya. Ar ei halei ad’u zlad’a. Agi dagi zla d’a agi pad’agi ki zlad’a woi kagid’a.

2 Sunda Hamuleinid’a 32:24

Kur atchogoi ndata Ezekiyas mi ve tugud’eid’a á matna. Mi tchen Ma didina. Ma didina mi hulongôm zla d’a ded’a, mi tagam vama simata.

2 Sunda Hamuleinid’a 6:33

ang Ma didin ma sä akulona, ata yima ang nga kaka kuana, ang huma, ang hangei máma vama mi tcheneng kama. Hina wani, suma yam andagad’ina pet a mba wangû, a mba hat á lang mandarang d’igi Israel-lâ a nga lang mandarang na mi. Ar azi wala azi tchenengî kur gong nga an minit wanda.

1 Samuel 3:10

Ma didina mi mba, mi tchol gevem mi yum d’igi mi yum avoka na ala: Samuel! Samuel! Samuel mi hulong dum ala: Ang de; an azong mangâ nga ni huma!

Sunda hi suma a sunuzinid’a 22:10

Ata yi máma, an djobom ala: Salana, an le ni me ge? Salad’a mi hulong dan ala: Ang tchol akulo, ang i Damas. A mba tagang ahlena pet suma Alona mi hang vuna kazi á led’ina.

Wana ni Zla d’a Djivi d’a Luc mi b’irita 24:5

Aropma a le mandarâ, a tchok yazi kä. Sum ndazina a dazi ala: Ni kayam me ba, agi halagi sama arina aduk suma matna ge?

Isai 45:19

An de nga zlad’a kur yima ngeid’a d’oze kur yima nduvunda d’i, an de nga mandjafâ hi Jakob-ma ala a halan hawa yagu d’i. An Ma didina ni de ni zla d’a d’ingêra, ni de ni zla d’a irata mi.

Sunda hi suma hi Levi-nid’a 2:2

mi it mi suma ngat buzuna Aron groma. Ar ma ngat buzuna adigazi tu mi yo afut ta adiged’i d’a a vo mbulâ kat zlapa ki dubang ma his djivid’ina hur abom tu, mi ngalat tei yam yima ngal ahle suma ngat buzuna d’igi vama ge humba na. Wana ni he d’a hawa d’a ngal la his sa afufuî d’a avogon an Ma didinid’a.

Sawal la giled’a 20:3

Ei kur gong mam mba kud’ora dei mi ndjunungû, ei kur Siyon dei mi djiging akulo mi.

Sunda hi suma a sunuzinid’a 3:4

Pierre azi ki Jean a so irazi kamu, a dum ala: Ang golomiya!

Sunda hi suma a sunuzinid’a 14:9

Mi hum wal la tchid’a hi Paul-la. Ata yi máma, Paul mi so iram kamu, mi wum ala mi he gagazid’a á fe lafiya d’a.