Sunda hi suma a sunuzinid’a 10:33 - Bible azumeina

³³ Ata yi máma na wat, an sundja kang wana, ang le djivid’a ang mba wa. Ki tchetchemba, ami pet nga ka hî avok Alona á hum ahlena pet suma Salad’a mi hang vuna kazi á ded’ina.

Sunda hi suma a sunuzinid’a 10:33 Referans Kwoze

Jacques 1:19

B’oziyon suma an le kagi heîna, agi wagi djiviya. Ar nge nge pî mi hum zlad’a atogo, wani mi le lilinga á ded’a. Ar mi mbut ayîna atogo zak kuo mi,

Galat-na 4:14

Tugud’ei d’a ata hliwinda ni vama kuka kagiya. Hina pî, agi golon nga is si, agi noyôn nga d’uo mi. Wani agi van atagi d’igi malaikana hAlonina na, d’igi Jesus Christ tamba na mi.

Jacques 1:21

Kayam ndata, agi aragi ahle suma ndjendjed’a ki sun nda tchod’a pet teyo. Agi vagi zla d’a Alona d’a a zaragizi kurugid’a ki lulumad’a, ni d’a ndak á sud’ugid’a.

1 Korente-na 3:18

Ar sa mi lop tam mbi. Le sama ding adigagi mi djib’er ala mam mbut sama ned’a kur duniyad’a ka hî ni, ar mi mbut tam lilid’a kayam mam mbut sama ne ma gagazina.

Sunda hi suma a sunuzinid’a 28:28

Paul mi dazi kua ala: Agi wagiya, Alona mi sun wa zla mam mba suta mandjaf suma dingâ, azi mba humut mi. [

Marik 10:15

Gagazi, an nga ni dagiya, sama lara pî, le mi ge yam kä yam leud’a hAlonid’a d’igi gogorâ hina d’uo ni, mba mi kal kurut ti.

Matiye 18:4

Kayam ndata, nge nge pî ma mi hulong yam kä d’igi gogor ma wana na na, mba mi kak ma ngolâ kur leu d’a akulod’a.

Zla d’a d’ogolâ 25:12

Ngop pa ndavun sama ned’a d’a sana mi humut ki humamba, ti ni d’igi ngangam ma lor ma humba d’oze d’igi hed’eu ma lor ma bei zozota ba na na mi.

Zla d’a d’ogolâ 1:5

Ar sama wed’a mi hum d’ogol máma kayam we mamba ti i avogovogo, ar sama wad’ud’a mi hum d’ogol máma á we lovot ta tit ta irata mi.

2 Sunda Hamuleinid’a 30:12

Alona mi le sunda ki suma Juda-na, mi hazi hur ma tuna á le sunda yam vun ma hed’a hamulîna ki ma hi mam suma nglo suma sundina d’igi Ma didina mi de na.

1 Tasaloni’â 2:13

Kayam ndata, ami nga lami mersi mAlona teteu kayamba agi vagi zlad’a hAlona d’a ami tchagizi walata, nga d’igi zlad’a hi sumid’a na d’i, wani d’igi zlad’a hAlona d’a gagazid’a na. Kayam zla ndata nga d’i le sunda kur agi suma hagi gagazid’ina.

Matiye 19:30

Ablau suma avo’â a mba mbut suma danana, ablau suma danana a mba mbut suma avo’â mi.

Zla d’a d’ogolâ 18:15

Sama wad’ud’a nga mi hal wed’a, sama ned’a nga mi hal á hum wad’ud’a mi.

Sunda hi suma a sunuzinid’a 10:32

Kayam ndata, ang sun suma Joppe a yï Simon ma a yum ala Pierre-râ, mi nga tchuka avo hi Simon ma yap bogoyona avun alum ma ngolâ.

Sunda hi suma a sunuzinid’a 10:34

Pierre mi mal vunam mi dala: An we gagazi Alona nga mi pat sana ni yam iram go d’i.

Gat ta a hat á mbàd’id’a 30:13

Mi sä nabo alum ma ngolâ abo hî ba, agi mba dagi ala: Ni nge ba, mba mi djak alum ma ngolâ, mba mi veizï ei mba humum á lei sunda kam ge d’uo mi.