Sunda hi suma a sunuzinid’a 1:3 - Bible azumeina

³ Bugol mat mama, mi nde tam mbei ir sum ndazina á tagazi woi ala mam nga karid’a gagazi. Mi le burâ dok fid’i ki sed’eziya, mi dazi zla d’a yam leud’a hAlonid’a mi.

Sunda hi suma a sunuzinid’a 1:3 Referans Kwoze

Sunda hi suma a sunuzinid’a 13:31

Jesus mi tak tam mbei burâ ablaud’a mi suma a tcholï ki sed’em Galile a i ki sed’em Jerusalem-ma, ni suma a nga le glangâsâ kam mi Israel-lâ ki tchetchembina mi.

Jean 20:26

Dimas sa mbàd’a, suma hata hi Jesus-na a nga klavi kua, vun azina nga duka mi. Toma mi nga ki sed’eziya. Ata yi máma, Jesus mi mba, mi tchol adigaziya, mi dazi ala: An gagi depa.

1 Jean 1:1

Ami nga b’irigi yam Zla d’a Ari d’a nga avok ahle suma lazina peta. Ami humud’u, ami wamizi ki iramiya, ami golod’u, ami dot kabomi mi.

Jean 21:14

Wana ni tak ka Jesus mi tak tam mbei ir mam suma hata yam á hindid’a, bugol la mi tchol akulo aduk suma matnid’a.

Jean 21:1

Bugol ahle ndazina, Jesus mi hulong tak tam mbei ir mam suma hata avun apo d’a Tiberiyat-ta. Wana ni tak ka mi tak tam mbei irazid’a:

Matiye 28:9

Ata yi máma na wat, Jesus mi ngavaziya, mi dazi ala: An gagi depa. Azi mba, a vum asem a kud’uromu.

Sunda hi suma a sunuzinid’a 28:31

Nga mi tchazi wala yam leud’a hAlonid’a, nga mi had’azi ad’u ahlena yam Salad’a Jesus Christ bei mandarâ ba, sama d’elem nga d’uo mi.

1 Tasaloni’â 2:12

Ami gigid’egiya, ami b’lengêgi kurugiya, ami zud’ugi kam kua kam kua ala agi tid’igi ndak ata minda hAlo ma nga mi yagi á igi kur leu mamba ki subur mambina.

Kolos-sâ 1:13

Ni Ma pad’ei woi kur leu d’a nduvunda hi Seitan-ndina, mi tini kur leud’a hi Gorom ma mam le kam heînid’a.

Romê-na 14:17

Kayam leud’a hAlonid’a nga ni yam vama te d’oze vama tche d’uo mi, wani ni d’ingêra, b’leng nga halasa ki furî d’a Muzuk ma bei tchod’a ba na mi heizid’a.

Matiye 21:43

Ni kayam ndata ba, an nga ni dagiya, Alona mba mi hle leu mamba woi abogiya, mba mi hat mandjaf ma mba mi le sun nda Alona mi minitina. [

Gat ta a hat á mbàd’id’a 9:9

Kid’a an djak akulo yam ahinad’a á veï ahina d’a bebed’e d’a tchet ta Ma didina mi djin vunam ki sed’egi kura, an le burâ akulo yam ahinad’a dok fid’i falei kandjege bei ni te tena, bei ni tche mbina ba mi.

Matiye 4:2

Ata yi máma, mi le burâ dok fid’i falei kandjege bei te tena; meid’a ti nde tchumu.

Matiye 3:2

Mi dala: Agi mbud’ugi hurugi yam tcho magid’a, kayam Alona mi mba wa go á te leu mamba yam andagad’a.

1 Amuleina 19:8

Elie mi tchol akulo, mi te, mi tche, mi fad’enga ki te máma, mi tit gagak burâ dok fid’i falei kandjege, mi mbaza yam ahinad’a hAlona d’a Horep-pa.

Gat ta a hat á mbàd’id’a 9:18

Moise mi de kua ala: Bugol ahle ndazina, an grif kä avok Ma didina, an le burâ dok fid’i falei kandjege d’igi an ladjeu na bei ni te tena, bei ni tche mbina ba, kayam tcho d’a pet ta agi lata, kahle suma tcho suma agi lazi avok Ma didina á zalam huruma.

Marik 16:19

Bugol la Salad’a Jesus mi dazi zla ndata dad’a, a hlum sä akulo, mi kak ata Alona bigam mba ndjufa.

Sunda hi suma a sunuzinid’a 8:12

Wani kid’a azi he gagazid’a yam Zla d’a Djivi d’a Filip mi tchat walat yam leud’a hAlona ki simiyê Jesus Christ-sa, andjofâ karopma, mi lazi batemba.

Sunda hi suma a sunuzinid’a 19:8

Paul mi kal kur gong nga toka hi Juif-fîd’a, mi nga mi de zlad’a bei mandarâ ba tilâ hindi. Mi tchazi tuguyod’a, mi nga mi vazi ad’ud’a yam leud’a hAlonid’a.

Sunda hi suma a sunuzinid’a 28:23

Kid’a azi ngam burîd’a, suma ablaud’a a mba fum ata yima mam nga kaka kuana. Mi vazi ad’u zla ndata, mi lazi glangâsâ yam leud’a hAlonid’a, nga mi vazi ad’ud’a kur gata hi Moise-sa, kur mbaktumba hi suma djok vun Alonid’a yam Jesus. Mi tin ad’ud’a ki yorogod’a dei gak afata niga.