Sunda hi suma a sunuzinid’a 1:13 - Bible azumeina

¹³ Kid’a azi kal avod’a, azi djak kur gong nga yam ndrata akulod’a, ata yima azi nga kaka kuana, nala, Pierre azi ki Jean, Jacques, Andre, Filip, Toma, Bartelemi, Matiye, Jacques Alfe goroma, Simon ma kak djangûna ki gata hi Romê-d’a avo’â ki Judas Jacques goroma mi.

Sunda hi suma a sunuzinid’a 1:13 Referans Kwoze

Sunda hi suma a sunuzinid’a 20:8

Lalamba ablaud’a ti nga kur gong nga fiyak ka yam ndrata akulo d’a ami nga toka kuad’a.

Wana ni Zla d’a Djivi d’a Luc mi b’irita 22:12

Mam mba mi simad’agi gong nga ngol la yam ndrata akulo d’a a min ahlena pet nga kuad’a. Agi minigi ahlena kua.

Marik 14:15

Mam mba mi simad’agi gong nga ngol la yam ndrata akulo d’a ahlena pet a nga minda kuad’a; agi minigi te mei ma Pa’â kua.

Marik 2:14

Kid’a nga mi kala, mi we Levi Alfe goroma mi nga kaka kä kur gong nga tar dalalana. Jesus mi dum ala: Ang mbeï ad’unu. Mi tchol akulo, mi i ad’umu.

Jacques 1:1

Ni an Jacques, azongâ hAlonina, ma hi Salad’a Jesus Christ-sâ mi. An nga ni gagi agi andjaf suma hAlona suma dogo yam mbà suma a b’rau woi kur duniyad’a petna depa.

Sunda hi suma a sunuzinid’a 12:17

Mi lazi abom ala a ba, mi vazi ad’ud’a ni nana ba, Salad’a mi pad’amï woi kur dangeina ge. Mi dazi ala a de mi Jacques ki b’oziyod’a suma dingâ. Ata yi máma, mi i yima dingâ.

Sunda hi suma a sunuzinid’a 2:38

Pierre mi dazi ala: Agi mbud’ugi hurugi yam tcho magid’a, nge nge pî adigagi mi le batemba ki simiyê Jesus Christ, kayam Alona mi vat hurum mbei yam tcho magid’a. Hina wani, Alona mba mi hagi Muzuk ma bei tchod’a ba na hawa.

Jude 1:1

Ni an Jude ma sunda hi Jesus Christ ma Jacques wiyemina. An nga ni b’ir mbaktumba mi agi suma Alona Abui mi yagi suma nga mi le kagi heî suma nga mi ngomogi zlapa ki Jesus Christ-sâ.

Galat-na 2:9

Wani Jacques azi ki Pierre ki Jean, ni suma suma a golozi d’igi suma avok suma na na, ata yima azi wala Alona mi van wa sumad’a na, ami ki Barnabas, azi gami depa kabozi ma ndjufâ á tak kei ala azi le darigïd’a ki sed’emiya, kayam ami mba imi tchami wala mandjaf suma dingâ, azi mba i tchi wala mi Juif-fâ mi.

Galat-na 1:19

Wani an we nga sama a sunum ma ding ngi, ni Jacques Salad’a wiyema hol.

Sunda hi suma a sunuzinid’a 15:13

Kid’a azi dap zla mazi d’a dapa, Jacques mi dazi ala: B’oziyona, agi humugi zla manda.

Sunda hi suma a sunuzinid’a 4:19

Wani Pierre azi ki Jean a hulong dazi ala: Na ni ni d’ingêr avok Alona tala ami gami yami kä avorogi kal la ami gami yami kä avok Alonid’a zu? Agi kagi ir zla ndata.

Sunda hi suma a sunuzinid’a 4:13

Kid’a suma b’ak zlad’a a we Pierre azi ki Jean a nga ki hur ma ade’esîd’a, a le atchap, kayam azi ni suma bei hat mbaktumba, azi ni suma hawana. A we tetet ala azi ni suma a nga zlapa ki Jesus adjeuna.

Sunda hi suma a sunuzinid’a 2:14

Wani Pierre mi tchol akulo zlapa ki suma ding suma a sunuzi suma dogo yam tuna, mi er ad’um akulo, mi dala: Agi Juif-fâ, agi pet suma nga kaka kur Jerusalem-ma, ar agi wagi djiviya, agi tinigi humagi á hum zla manda.

Jean 21:2

Simon Pierre, Toma ma a yum ala Ngoneîna na, Natanayel ma Kana d’a Galile-d’ina, Zebede groma ki suma hata hi Jesus suma dingâ mbà, a nga zlapa ata yima tuna.

Jean 18:17

Wei d’a ngom vun azina ndata, ti de mi Pierre ala: Angî ma aduk suma hata hi sa mámina mi d’uo zu? Mi dat ala: An nga adigazi d’i.

Jean 11:16

Toma ma a yum ala Ngoneîna, mi de mi ndrom suma hata ala: Ar ei i boi ki Ma hat suma mi.

Marik 14:33

Mi yo Pierre azi ki Jacques ki Jean ki sed’emu, vunadigam mbi pat fek, tam mbi nde lum a’alî ngola.

Marik 9:2

Bugol kur bur ma karagayana, Jesus mi yo Pierre azi ki Jacques ki Jean, mi i ki sed’ezi akulo yam ahina d’a fiyak ka ked’iwurenga woi vaziya. Tam mbi mbut vat zenen avoroziya.

Marik 5:37

Mi ar nga sama ding mi i ki sed’em mbi, wani ni Pierre azi ki Jacques ki wiyema Jean hol.

Matiye 9:9

Jesus mi tchol ata yi máma, nga mi kala, mi we sana simiyêm ala Matiye, mi nga kaka kä kur gong nga ve lombod’a. Jesus mi dum ala: Ang mbeï ad’unu. Mi tchola, mi i ad’umu.

2 Jean 1:1

Atcha d’a manda, an ma ngolâ ni b’irik mbaktumba mi ndak ki grok suma an le kagi gagazina. Ni an hol ba, ni le kagi d’i, wani ki suma pet suma a we gagazid’ina mi,

1 Korente-na 15:7

Bugola, mi nde tam mbei ir Jacques; bugola, mi nde tam mbei ir mam suma a sunuzina pet mi.

Jean 14:22

Judas, nga ni Iskariyot ti, mi dum ala: Salamina, ni me mba mi le ba, mbeî ang mba tak tang mi amiya, wani ang mba tak tang mi suma duniyad’a d’uo ge?