Abdiyas 1:13 - Bible azumeina

¹³ Nga djivid’a agi kalagi avo hi sum mana kur bur ma b’laka mba kazina d’i, nga djivid’a agi sogi iragi kazi kur bur ma azi nga kur ndakina d’i, nga djivid’a agi tinigi abogi ata ndjondjoî mazid’a kur bur ma azi nga kur ndakina d’uo mi.

Abdiyas 1:13 Referans Kwoze

Zakari 1:15

Wani hurun mi zal ngola yam andjaf suma a nga subur tazina, kayam an hurun mi zalî hina nde ganang yam Israel-lâ, wani azi lazi tchod’a ngola.

Ezekiyel 35:10

Ndak dala: An mba ni hlandjaf ma mbà ma Ma didina mi nga kaka adigazina.

Ezekiyel 35:5

Kayam ndak nga d’i i ki d’ugur maka avogovogo, kayam ndak tchi Israel-lâ ki mbigeu d’a fiyaka kur bur ma azi nga kur ndaka ata yima tcho mazid’a ti oî tchetchepma,

Sawal la giled’a 22:17

Suma murud’umba a nga ngui gevenu, a nguyun kä d’igi ades adureina a ngui suma na, a b’alan abon kasenu.

2 Samuel 16:12

Dam Ma didina mba mi ngomon kur hohou manda, mba mi vrak djivid’a balum ge vun mam ma inina kanu.

Jeremi 46:21

Azigar suma le sun nda beged’a mi Ezipte-na a nga kurut d’igi gor amuhl ma d’orâ na, wani a hulong kazigaziya, a ring ki zla tazi pet, a tchol nga ad’enga ngingring ngi. Kayam bur mazi ma b’laka mi mba wa kaziya, ni yima an Alona ni ngobozi kuana.

Ezekiyel 36:2

Salad’a Ma didina mi dala: Magi suma djangûna a de kagi ala: Ahâ! Ahâ! Yima nding ma dedei máma mi mbut wa va meina.

Ezekiyel 36:3

Kayam ndata, ang djogozi vuna, ang dazi ala: Salad’a Ma didina mi dala: Gagazi, suma a min á b’lagagi woi ata yina pet, á ligigi mi, tala agi mbud’ugi nahlena handjaf suma dingâ agi mbud’ugi ni vama ndala ki vama ngula hi sumina mi d’a.

Wana ni mbaktumba hi Job-pa 31:29

An le nga furîd’a yam man ma djangûna ata yima ndaka mba kama, d’oze an pir nga akulo ki furîd’a ata yima zla d’a tchod’a fuma d’uo mi.