Abdiyas 1:12 - Bible azumeina

¹² Agi suma Edom-ma, nga djivid’a agi lagi furîd’a yam b’oziyogi suma Juda-na kur bur ma azi nga kur ndakina d’i, nga djivid’a agi lagi furîd’a ata yima b’laka mba kazina d’oze agi sanagi ad’uzi kur bur ma azi nga kur pupulukina d’uo mi.

Abdiyas 1:12 Referans Kwoze

Mise 4:11

Ki tchetchemba, andjaf suma ablaud’a a tok wa kagi á durâ, a nga dala: Ar azì mazi ma ngolâ mi b’lak keyo, ei golei b’laka hi Jerusalem-mba.

Ezekiyel 35:15

Kayamba ndak le furîd’a yam b’laka hi Israel-lid’a, an mba ni le ki sed’e’î hina dedege mi. Ndak ahina d’a Seir-ra, ndak ki Edom pet, agi mba mbud’ugi hohoud’a. Hina wani, agi mba wagi ala an ni Ma didina.

Zla d’a d’ogolâ 17:5

Sama nga mi las sama houd’ina, mi ngulî Salam ma luma, sama nga mi san ad’u sama ndaka mba kama, a mba ba bei gad’am mbi.

1 Samuel 2:3

Agi zulugi zla d’a hawa d’a subur tad’a d’i, ar zla d’a asa’ata ndavunagi d’i, Kayam Ma didina nAlo ma wahlena petna; mam mi ma nga mi nga sunda hi sumid’a petna.

2 Pierre 2:18

Azi nga de zla d’a subur tad’a ki zla d’a de d’a hawa yaka, azi nga tit kur d’od’oka á le mizeuna hi hliu tad’a á ve suma a ar go á prut tei aduk suma a nga tit kur batrangina ki dauna.

Jude 1:16

Sum ndazina tazi nga d’i lazi djivi d’i, huruzi nga mi zal yam ahle suma a nga mba kazina, a nga tit kur d’od’oka hi hliwizid’a, a nga de zla d’a subur tad’a, a nga lad’u suma á fe mbina ataziya.

Sawal la giled’a 37:13

Wani Salad’a nga mi san ad’umu, kayam mam we bur mam ma dabid’a nga mi mba.

Sawal la giled’a 31:18

Ma didina, ata yima an nga ni yangâ, ang aran an mbut zulona d’i; ar suma asa’atna a mbut zulona, ar azi i kä azulei ki vunazi ma du’â.

Sawal la giled’a 22:17

Suma murud’umba a nga ngui gevenu, a nguyun kä d’igi ades adureina a ngui suma na, a b’alan abon kasenu.

Wana ni mbaktumba hi Job-pa 31:29

An le nga furîd’a yam man ma djangûna ata yima ndaka mba kama, d’oze an pir nga akulo ki furîd’a ata yima zla d’a tchod’a fuma d’uo mi.

Vama ndum mbeina 13:5

Ambur máma, a hum vun ma de zla d’a subur tad’a á ngul Alona. Mi fad’enga á le hina gak tilâ dok fid’i yam mbà.

Jacques 3:5

Hina mi, sinda ni vama gor ma aduk hliu tad’ina, wani nga d’i dahlena ngola. Ar agi djib’eregi yam aku d’a ngiyeû d’a nga d’i ngal agu d’a ngola.

Wana ni Zla d’a Djivi d’a Luc mi b’irita 19:41

Kid’a mi mba go kazì ma ngol ma Jerusalem-mid’a, mi wumu, mi tchi kamu.

Hor ma tchina 4:21

Ndak gor weid’a Edom, ndak ka nga kaka yam andaga d’a Us-sid’a, ndak ayâ, ndak le furîd’a. Wani kop ma sariyad’a nga mi mba kagu. Ndak mba d’i gurut kiya, ndak mba d’i ar gandilad’a.

Isai 37:24

Ang tchugï mang suma sunda á ngulun an Ma didina. Ang dala: Ki pus man ma dur ayî ma ablauna an djak akulo yam ahuniyôna yazi d’a ked’iwurenga gak ni i Liban yat ta dabid’a. An ka agu mat ma fuyogei ma sedrena kagu mat ma sipre ma djivi ma kal teglesâ woyo. An i dabi naduk agu mat ta ndindik ka sa nga mi kal kua d’uo d’a.

Sawal la giled’a 92:11

Ang mbud’un ad’enga d’igi avüna na, ang von mbul ma furîd’a kanu.

Sawal la giled’a 59:10

Alona, ang nad’eng manda, an tin iran ni kang angû, kayam angî yi man ma ngeid’a.

Sawal la giled’a 54:7

Ar tchod’a hulong yam man suma djangûna; yam gagazi manga, ang duguzi vunaziya.

Wana ni mbaktumba hi Job-pa 18:20

Suma abo ma fladegena a mba le atchap yam b’lak mamba, suma abo ma yorogona a mba le mandarâ mi.

Sawal la giled’a 35:15

Wani ata yima an puk kä na, azi tok tazi á le furîd’a, azi tok tazi kan á lan tchod’a bei an we ba, azi nga ton a nga kizagan ndei bei aran ba.

Hor ma tchina 2:16

Mak suma djangûna pet a nga mal vunazi á dak zla d’a tchod’a, a mba tchi feta, a mba et siyazi a dala: Ei b’lagat wa! Gagazi, wana ni bur ma ei tini huri kama! Ei mbei wa kuru, ei weizi wa mi!

Ezekiyel 35:12

Ndak mba d’i wala an Ma didina ni hum wa ngul la ndak ngul ahuniyô suma Israel-lâ ala a mbut wa hohoud’a, a mbut wa va mei ma ved’a d’a.

Ezekiyel 36:5

An Salad’a Ma didina ni dala: Gagazi, kur hur ma zal man ma gugulu’â ki yungôr mana an nga ni de zlad’a mandjaf suma dingâ ki suma Edom-ma pet suma a mbut ambas manda mazid’a ki furî mazi d’a kuruzid’a ki gol is mazid’a tala a hurumut ahligiyed’u d’a.