Abdiyas 1:1 - Bible azumeina

¹ Wana ni vama Salad’a Ma didina mi ndum mbei mi Abdiyas yam zla d’a mi dat mi suma Edom-mid’a: Ami humumi zlad’a tcholï ata Ma didina; mi sun sana aduk andjaf suma, mi dala: Agi tchologi akulo, ei i ndeï suma Edom-ma durâ.

Abdiyas 1:1 Referans Kwoze

Joel 3:19

Ezipte mba d’i mbut djona, Edom mba d’i mbut ni hur fulâ, kayam murud’um mba azi lat mi suma Juda-na á tchi suma bei zlad’a kazina yam andaga mazid’a adjeud’a.

Isai 30:4

Le magi suma nglona a iya wa Sowan, le suma agi sunuzina a kala ni Hanes pî,

Isai 21:11

Wana ni zla d’a a dat yam Duma-d’a: An hum dela d’i tcholï Seir, ti dan ala: Ma ndjola, va mi le andjege ni me ge? Ma ndjola, va mi le andjege ni me ge?

Sawal la giled’a 137:7

Ma didina, ang djib’er yam suma Edom suma kur bur ma a b’lak Jerusalem-ma a dala: Tot kä woyo! Tot kä woi gak ad’ut ta ged’a na.

Marik 13:7

Fata agi humugi siwela hayî ma durâ, agi mba humugi zla ayîna ni, ar vunadigagi d’i pat ti, kayam ahle ndazina mbeî a mba le, wani nad’u dabid’a hi duniyad’id’a d’i.

Matiye 24:6

Agi mba humugi siwela hayî ma durâ, agi mba humugi zla ayîna mi. Wani agi gologi tagi djiviya, ar vunadigagi d’i pat ti, kayam ahle ndazina mbeî a mba le, wani nad’u dabid’a hi duniyad’id’a d’i.

Mise 2:13

An ma mba ni mal lovotina mba ni tit avorogiya, agi mba malagi lovota á i avun agre’â, agi mba buzugugi woi abua. An Ma didina amul magina mba ni tit avorogiya.

Jeremi 51:46

Ar vunadigagi d’i pat ti, ar agi lagi mandarâ abo gandjau d’a mba d’i le kur ambasid’a d’i. Kayam biza d’a wanda, gandjaud’a mba d’i le kur ambasa; biza d’a avok hid’a, gandjaud’a mba d’i le kua d’ei, murud’umba mba d’i te yam ambasa, ma te yamba mba mi tchol dur ki ma te yam ma dingâ mi.

Jeremi 25:21

An hum mi suma Edom-ma, mi suma Mowap-ma ki suma Amon-na mi.

Jeremi 25:17

An ve kop ma süma abo Ma didina, an hum mandjaf ma lara ma Ma didina mi sunun atama á tched’a.

Isai 21:12

Ma ndjola mi hulong humba ala: Yorogod’a nga d’i mba, wani andjeged’a ti nga tua. Le agi min humba ni, agi mbeyegï bur ma dingâ.

Ad’u Tinda 25:30

mi de mi Jakob ala: Meid’a tchan heî. Ang aran an te te ma hleu ma wana. Ni kayam ndata ba, suma a yi Esau ala Edom.

Ad’u Tinda 36:8

Esau ma a yum ala Edom-ma, mi kak yam ahina d’a Seir-ra.

Ad’u Tinda 36:9

Edom suma a kak yam ahina d’a Seir-ra abuzi ngolo ma a yum ala Esau-na andjavam ba wana:

Ezekiyel 35:1

Ma didina mi dan ala: