2 Timote 2:24 - Bible azumeina

²⁴ Ar azongâ hi Salad’ina mi yal li, wani mbeî mi ka’î sama le yam suma petna. Ni sama ndak á hat suma ki ve tad’ina,

2 Timote 2:24 Referans Kwoze

Wana ni mbaktum mba Paul mi b’irit mi Tit-ta 3:2

Ar azi de zla d’a tchod’a yam sa d’i, a hal huneîd’a d’i, wani a le ni djivid’a, a ka’î luluma ki suma pet mi.

Wana ni mbaktum mba Paul mi b’irit mi Tit-ta 1:7

Mbeî ma gol Toka ni ma bei zlad’a kama, kayam mam mi sama ngom ahlena hAlonina. Ni ma bei subur tama, ni ma bei mbut ayîna atogo na, ni ma bei gurut ki süma, ni ma bei to sana, ni ma bei le d’od’oka á fe mbiyo ma mbut ira ba na.

1 Tasaloni’â 2:7

Wani ami kagami adigagi ki kukud’uka, d’igi atchad’a nga d’i hapona nga d’i ngom grotna adigat na.

1 Timote 6:11

Wani ang sana hAlonina, ang wal lei kahle ndazina. Ang hal d’ingêra, ang le mandar Alona ki he gagazid’a ki od’a ki ve tad’a ki lulumad’a mi.

Kolos-sâ 3:13

Agi vagi tagi yam tagiya, agi vad’agi hurugi woi yam tagi mi. Le sa adigagi mi nga ki zlad’a ki ndrama ni, ar a vat huruzi woi yam tazi d’igi Salad’a hurum vat tei kagi na mi.

Filip-ma 2:14

Ar agi lagi ahlena pet bei gureîd’a, bei tuguyod’a mi,

Filip-ma 2:3

Ar agi lagi va ki tuguyod’a d’oze ki subur ta d’a hawa yaka d’i. Wani agi gagi yagi kä avok tagiya, ar nge nge pî adigagi mi we ndrama ala mi kalamu.

Efes-sâ 4:2

ki lulumad’a ki kukud’uka zlapa ki ve tad’a burâ ki burâ. Agi vagi tagi ad’enga á le od’a yam tagiya.

1 Pierre 3:8

Zla d’a dabid’a ba wana: Ar agi kagagi ki djib’er ra tud’a ki vun ma tuna, ar agi lagi yam tagi d’igi b’oziyo tagi na, agi wagi hohou tagi ki lulumad’a.

Jacques 3:17

Sama Alona mi hum ned’ina ni sama yed’etna avogo. Bugola, ni sama halasâ, ni sama lulumana, ni sama djivina, ni sama we hohowa sumina, ni sama nga mi le sun nda djivid’ina, ni sama bei ka ira, ni sama bei lop ira mi.

Wana ni mbaktum mba Paul mi b’irit mi Tit-ta 1:9

Ni ma ve tam ad’enga kur hat ta gagazid’a á had’amzid’ina, kayam mi ndak á giget suma dingâ kur hat ta gagazid’a, á ngop suma a nga tchi tuguyod’a ki zlad’a hAlonid’ina mi.

2 Korente-na 10:1

Ki tchetchemba, an Paul nga ni tchenegi ki lulumad’a, ki hur ma djivina hi Christ-sâ. Suma dingâ a nga dala ata yima an nga adigagina, an ni sama lulumana, wani ata yima an nga adigagi d’uo na, an nga ni dagi zlad’a bei mandarâ.

Sunda hi suma a sunuzinid’a 7:26

Tcha ndjivinda mi i geveziya, mi fe Israel-lâ mbà a nga to taziya. Mi min á zlabazi adigaziya, mi gad’azi ala: Agi ni b’oziyo tagiya. Ni nana ba, agi lagi tagi sulu’â hina ge?

Matiye 12:19

mba mi tchi tuguyo d’i, mba mi er ad’um akulo d’i, sa mba mi humum delem ir palum mbuo mi.

Jacques 4:2

Agi nga minigi va, wani agi ndak á fum mbi; agi nga tchagi matna, agi nga lagi d’od’oka á fe va, wani agi ndak á fum mbi. Agi nga lagi huneîd’a, agi nga durugi tagiya, wani agi nga fagi vama agi minima d’i, kayam agi nga tchenegi Alona d’i.

Jacques 1:1

Ni an Jacques, azongâ hAlonina, ma hi Salad’a Jesus Christ-sâ mi. An nga ni gagi agi andjaf suma hAlona suma dogo yam mbà suma a b’rau woi kur duniyad’a petna depa.

Isai 40:11

Mam mi d’igi ma pola na. Mi mba mi pol tumiyô mama, mba mi kod’ozi kabomu, mba mi yo suma gureina akulo didigamu, mba mi tit ki suma a nga he grozina aponina lalam mi.

Jude 1:3

Buniyôna, an min tan ngola á b’irigi mbaktumba yam sut ta ei fata. Wani le ni nana pî, an b’irigi mbaktum ndata á siragi ngingring á dur ayîna yam he gagazi d’a Alona mi hat yam tu mi sum mama peta.

Sunda hi suma a sunuzinid’a 23:9

Yalâ tchol akulo ngola. Suma ding suma hat gata hi Fariziyênina a tchol ki tuguyod’a, a dala: Ami wami nga vama tcho yam sa máma d’i. Le ba muzu’â d’oze malaikana mi dum zlad’a ni, agi mba lagi ni nana d’ang nge?

Daniel 6:20

Kid’a mi mba go avun zulid’a, mi yi Daniel ki hur ma hata, mi dum ala: Daniel, azongâ hAlo ma bei matna ba na, Alo mang ma ang nga lum sunda ki ve tad’ina, mi ndak á prud’ung nga woi avun azlona d’uo zu?

Wana ni mbaktum mba Paul mi b’irit mi Tit-ta 1:1

Ni an Paul, azongâ hAlonina, ni ma a sunuma hi Jesus Christ-sâ. Mi tinin á mba ki suma he gagazid’a suma Alona manazina á we zla d’a gagazid’a, á had’azi yam he gagazi meid’a mi,

Galat-na 5:22

Wani vuta hi Muzu’â hAlonid’a ni od’a, furîd’a, b’leng nga halasa, ve tad’a, mun kad’a, djivi d’a led’a, d’engzenga,

2 Korente-na 10:4

Ahle mami suma dur ayîna a nga nahlena hi suma bei he gagazid’ina d’i, wani nahle suma dur ayî suma ad’eng suma hAlonina á to gulumun ma ad’eng ma ngunguna hi ma djangûnina kä woyo. Ami pleyêmi tuguyo d’a hawa yaka hi sumid’a

Sunda hi suma a sunuzinid’a 15:2

Ata yi máma, Paul azi ki Barnabas a tchi tuguyod’a ki sed’eziya, a yal tazi ngola. B’oziyoina a man Paul azi ki Barnabas ki b’oziyoi suma ding suma Antiyos-sâ á i Jerusalem gen suma a sunuzina ki suma nglona á djobozi yam zla ndata.

2 Sunda Hamuleinid’a 24:6

Amulâ mi yi ma ngol ma ngat buzuna Jehojada, mi dum ala: Ni kayam me ba, ang nga de mi suma hi Levi-na á i ve beged’a abo suma Juda-na ki suma Jerusalem-ma d’uo ge? Ni bege d’a Moise azongâ hi Ma didinina mi ngat yam ablaud’a hi Israel-lîd’a á min ki zlub’u d’a zandu’â hi Ma didinina nga kuad’a d’uo zu?

Gat ta a hat á mbàd’id’a 34:5

Moise azongâ hi Ma didinina mi mit sä kolâ yam ambas sa Mowap-pa d’igi Ma didina mi de na.

Jean 6:52

Kayam ndata, Juif-fâ a nde tchi tazi tuguyod’a ala: Ni nana ba, sa máma ndak á hei hliwim á ted’a ge?

Josue 1:1

Kid’a Moise azongâ hi Ma didinina mi mit da d’a, Ma didina mi de mi Josue Nun goroma azongâ hi Moise-sâ ala:

2 Korente-na 6:4

Wani kur ahlena pet, ami nga tagami woi ala ami nazungeîna hAlonina. Ami nga vami tami kur ndaka, kur yor tad’a, kur hur ma hata mi.