2 Timote 1:13 - Bible azumeina

¹³ Ar ang mbut ni vama taka yam zla d’a gagazi d’a an dangzid’a. Ar ang tchol djivid’a kur he gagazid’a ki o d’a ei nga zlapa tu ki sed’et yam Jesus Christ-sa.

2 Timote 1:13 Referans Kwoze

Wana ni mbaktum mba Paul mi b’irit mi Tit-ta 1:9

Ni ma ve tam ad’enga kur hat ta gagazid’a á had’amzid’ina, kayam mi ndak á giget suma dingâ kur hat ta gagazid’a, á ngop suma a nga tchi tuguyod’a ki zlad’a hAlonid’ina mi.

2 Timote 3:14

Wani ang tanga, ang kak ngingring kur ahle suma ang hat kuruzi suma ang wazi tetetna, kayam ang we suma a had’angzina.

Filip-ma 4:9

Ahle suma agi had’agizina kahle suma agi vagizina kahle suma agi humugizina kahle suma agi wazi atana, ar agi laziya. Hina wani, Alo ma b’leng nga halasa mba mi kak ki sed’egiya.

Romê-na 6:17

Wani an le mersi mAlona, kayam me adjeu agi ni magumeina hi tchod’ina, wani ki tchetchemba, agi gagi yagi kä ki hur ma tuna d’igi hat ta a had’agizid’a na.

2 Timote 2:2

Ahle suma ang humuzi avunan avok suma glangâsâ ablaud’ina, ang hahle ndazina abo suma d’engzeng suma a ndak á had’azi mi suma dingîna mi.

Vama ndum mbeina 3:11

An nga mba atogo zak, ang ngom vama ang nga ki na, ar sa mi prut wurak manga d’i.

Vama ndum mbeina 3:3

Ar ang djib’er yam hat ta ang had’ata ki vama ang humuma. Ang ge yang kä ad’u hat ndata, ang mbut hurung yam tcho manga. Le ang kak nga ki ndjola d’uo ni, an mba ni mba kang dumzi d’igi sama kula na, ang mba we yima an mba ni mba kuana d’i.

1 Timote 1:14

Saleina mi van sumad’a ngola, mi han lovota á he gagazid’a á le o d’a ei zlabei tu kat yam Jesus Christ-sa.

Jude 1:3

Buniyôna, an min tan ngola á b’irigi mbaktumba yam sut ta ei fata. Wani le ni nana pî, an b’irigi mbaktum ndata á siragi ngingring á dur ayîna yam he gagazi d’a Alona mi hat yam tu mi sum mama peta.

Hebre-na 10:23

Ei vei tei ad’enga bei gigeta ba yam hur mei ma tin ma ei nga dei woi kama, kayam Alo ma hle vunama ni Ma d’engzengâ.

2 Timote 1:14

Ang ngom hat ta djivi d’a a hangzid’a abonga kad’enga hi Muzuk ma bei tchod’a ba ma nga kaka kurina.

Romê-na 2:20

Ang nga hat suma bei wed’a, ang nga hat gugureina, ang we tetet ala wed’a ki gagazid’a a nga ni kur gata.

Wana ni mbaktum mba Paul mi b’irit mi Tit-ta 2:1

Wani ar ang dazi ni vama ndak yam hat ta d’ingêrina.

1 Timote 6:3

Le sana nga mi hat hat ta ding nga ndjak nga ki zla d’a gagazid’a hi Saleina Jesus Christ-sa d’uo, le hat mamba ndjak nga ki hat ta yam he gagazi meid’id’a d’uo miyu ni,

Filip-ma 1:27

Wani vama kal teglesâ, agi tid’igi ni tit ta ndak yam Zla d’a Djivid’a hi Christ-sa. Hina wani, le an i á d’ugiya, d’oze le an i á d’ugi d’uo pî, an mba hum ala agi nga kagagi ngingring kur djib’er ra tud’a, agi nga durugi ayîna ki hur ma tuna yam he gagazi d’a yam Zla d’a Djivid’id’a.

Zla d’a d’ogolâ 23:23

Ang gus gagazid’a, ned’a, hata ki wad’ud’a, ar ang guzuzi woi d’i.

1 Timote 1:10

yam suma mizeuna, yam suma bur ki ndrozi andjofîna, yam suma kul suma, yam suma ka zlad’a, yam suma gun tazi ir gurzulina, yam suma a lahle suma kak djangûna ki hat ta gagazid’ina pet mi.

Zla d’a d’ogolâ 3:21

Gorona, ar ang ngom zla d’a irata ki djib’era, ar a wal lei ki sed’eng ngi.

Vama ndum mbeina 2:25

Wani ar agi vagi vama agi nga ki sed’ema ad’enga ngingring gak mba manda.

Hebre-na 4:14

Ei nga ki ma ngol ma kal ma ngat buzu ma kal sä akulo avok Alonina. Ni Jesus, Alona Goroma. Kayam ndata, ar ei vei he gagazi meid’a ad’eng ngingring.

Hebre-na 3:6

Wani Christ ni Ma d’engzengâ, ni Gor ma Alona mi tinim yam gong mambina. Le ei nga vei tei ad’enga ngingring, le ei dengeî tei yam hur mei ma tinda ni, ei ni gong ndata.

Wana ni mbaktum mba Paul mi b’irit mi Tit-ta 2:8

Ang de ni zla d’a irata bei sana mi vang ki zla d’a bad’a, kayam mang suma djangûna a mbut zulona tala a de zla d’a tchod’a kei d’uo d’a.

1 Tasaloni’â 5:21

Agi kugugi ahlena pet, agi vagi ahle suma djivina.

Kolos-sâ 1:4

kayam ami humumi zla he gagazi magi d’a yam Jesus Christ-sa ki o d’a agi nga lat yam suma hAlonina peta mi.

Zla d’a d’ogolâ 4:13

Ang ve hat manda, ang tchuk abong ngei atat ti; ang ngomod’u, kayam ndat nari manga.

Zla d’a d’ogolâ 3:18

Ndat nagu ma harina yam suma a vabozi atatna; suma a vatna a le furîd’a.

Zla d’a d’ogolâ 8:14

D’alâ ki zla d’a irata a ni mana, an ni wad’ud’a, ad’enga ni manda.

2 Timote 1:1

Ni an Paul ma a sunuma hi Jesus Christ-sâ kur minda hAlonid’a. Mi tinin á tchi wal zla d’a ari d’a Alona mi hle vunam kat mi ei suma zlabei tu ki Jesus Christ-sâ.

2 Timote 4:3

Kayam yina mba mi mba, suma a mba hum hat ta gagazid’a d’i, wani tazi mba lazi zlezleû á hum zla d’a azi min á humuta. Kur d’od’ok mazid’a azi mba yi suma hat suma ablaud’a yam taziya.