2 Tasaloni’â 2:10 - Bible azumeina

¹⁰ á lop suma a nga ba woina pet, kayam azi noî á le yam gagazid’a á fe suta.

2 Tasaloni’â 2:10 Referans Kwoze

1 Korente-na 1:18

Kayam wal la tchid’a yam matna hi Christ ma ata agu ma b’alina ni vama lilid’a ir suma a nga ba woina, wani ir ei suma fei sutina, ndat nad’enga hAlonid’a.

Zla d’a d’ogolâ 1:7

Le mandara Ma didina nad’u tinda hi wad’ud’id’a. Suma lilid’a a nga gol ned’a ki hata is.

2 Pierre 2:12

Wani sum ndazina a nga tit kur djib’er mazid’a d’igi ahle suma abagei suma a vud’uzi á vazi á tchid’ina na. Azi nga ngul vama azi wum nga ad’um mbuo na, azi mba ba woi d’igi ahle suma abageina na mi.

1 Korente-na 16:22

Sama nga mi le yam Salad’a d’uo na, ar Alona mi gum vuna. Maranata, nala, Salamina, ang mbeya!

Romê-na 16:18

Kayam suma hina na a le ni sunda hi Christ Saleinid’a d’i, wani ni yam huruzi go. Ki zla mazi d’a de d’a djivid’a ki vunazi ma mbulâ a nga mbut hur suma bei ned’ina kä.

2 Korente-na 11:15

Kayam ndata, le azungeî mama a mbut tazi d’igi azungeî suma d’ingêrâ hina pî, nga ni vama ngol li. Dabi mazid’a mba d’i nda’î yam sun mazi d’a azi lata.

Zla d’a d’ogolâ 8:17

An nga ni le yam suma a le kana, suma a nga halana a mba fan mi.

1 Timote 2:4

ni Ma mi min ala suma pet a fe suta a we gagazid’a mi na.

Efes-sâ 4:14

Kayam ndata, ar ei kagei d’igi kem suma simet ma lara ge pet nga mi tchazi tata kur hata hi suma kur lop ira ki lem mba vitina na d’uo d’a.

2 Korente-na 2:17

Kayam ami nga ni d’igi suma hiu suma a nga mbut abona ki zlad’a hAlonid’ina na d’i. Wani Alona mi sunumi ni mamu, ami nga dami zla d’a irata avorom d’igi azungeîna hi Christ-sâ na.

2 Korente-na 2:15

Kayam ami ni d’igi his ma djivi ma afufuîna hi Christ-sâ na avok Alona, aduk suma a nga fe sutina, aduk suma a nga ba woina mi.

Romê-na 10:1

B’oziyona, kur djib’er manda pet, an nga ni tchen Alona kayam Juif-fâ a fe suta.

Romê-na 6:17

Wani an le mersi mAlona, kayam me adjeu agi ni magumeina hi tchod’ina, wani ki tchetchemba, agi gagi yagi kä ki hur ma tuna d’igi hat ta a had’agizid’a na.

Jean 5:34

An nga ni hal glangâsa hi sa d’i, wani an dagi hina kayam agi fagi suta.

Jean 3:17

Kayam Alona mi sunï Goroma kur duniyad’a ka hî ná ka sariyad’a yam suma d’i, wani kayam mi sud’uziya.

2 Pierre 2:18

Azi nga de zla d’a subur tad’a ki zla d’a de d’a hawa yaka, azi nga tit kur d’od’oka á le mizeuna hi hliu tad’a á ve suma a ar go á prut tei aduk suma a nga tit kur batrangina ki dauna.

Hebre-na 3:13

Wani agi gigid’egi tagi teteu d’igi mbaktumba hAlonid’a ti de na ala: Ini ar sa adigagi tchod’a lobom á b’al hurum mbi.

1 Tasaloni’â 2:16

A hal á d’elemi á tchi wala mandjaf suma dingâ yam zla d’a ndak á sud’uzid’a. Hina azi nga ndak vun tcho mazid’a. Wani ayîna hAlonina mi mba wa kazi gagazi.

2 Korente-na 11:13

Kayam azi ni suma a sunuzi suma ka zlad’a, ni suma lop suma, azi mbut tazi d’igi azi ni suma a sunuzi suma hi Christ-sâ na.

Matiye 13:11

Mi hulong dazi ala: Alona mi hagi wad’ud’a á we zla d’a mudurid’a yam leu d’a akulod’id’a, wani mi hazizi nga mi azi d’i.

2 Tasaloni’â 2:12

Kayam suma pet, suma a he nga gagazid’a yam gagazid’a d’uo wani tazi d’i lazi djivid’a ni yam tchod’ina, Alona mba mi kazi sariyad’a kaziya.

2 Tasaloni’â 2:13

B’oziyomi suma Salad’a mi le kagi heîna, ami nga lami mersi mAlona teteu kagiya. Agi ni suma Alona mi managi avok dei á fe suta yam ad’enga hi Muzuk mam ma mbud’ugi sum mama yam gagazi d’a agi hatina.