2 Sunda Hamuleinid’a 9:29 - Bible azumeina

²⁹ Sunda hi Salomon-nda ara, d’a avoka ki d’a dananda, a b’irit nga kä kur Mbaktumba hi Natan ma djok vun Alonid’a ki D’a hi Ahiya ma Silona ma djok vun Alonid’a ki Zla d’a a ndat tei mi ma wahle suma a nga mbana Jedo yam Jerobowam Nebat goromid’a mi.

2 Sunda Hamuleinid’a 9:29 Referans Kwoze

1 Sunda Hamuleinid’a 29:29

Sunda hamulâ David ta avoka ki d’a dananda, a b’irit nga kä kur Mbaktumba hi Samuel ma mi wahle suma a nga mbana, kur Mbaktumba hi Natan ma djok vun Alonid’a ki D’a hi Gat ma djok vun Alonid’a mi,

1 Amuleina 11:29

Bur tu Jerobowam mi nde woi kur Jerusalem, mi ngaf ki ma djok vun Alona Ahiya ma Silo-na glovod’o; azi ni vazi mbà abageya. Ahiya mi nga ki baru d’a ngol la awilid’a kelemu,

2 Sunda Hamuleinid’a 13:22

Sunda hi Abiya d’a ara kahle suma mi lazina ki zla d’a mi data, a b’irit nga kä kur Mbaktum mba ge humba hi Ido ma djok vun Alonid’a.

2 Sunda Hamuleinid’a 12:15

Sunda hi Robowam mba avoka ki d’a dananda, a b’irit nga kä kur Mbaktumba hi Semaya ma djok vun Alonid’a ki D’a hi Ido ma nga mi wahle suma a nga mbanid’a. Kid’a Robowam mi nga ki iramba, nga mi dur ayîna ki Jerobowam teteu.

2 Samuel 12:1

Ma didina mi sun Natan gen David. Natan mi mba gen David, mi dum ala: Suma mbà azi ni kur azì ma ngol ma tuna, tu ni ma ndjondjoîna, tu ni ma houd’a mi.

1 Amuleina 14:2

Ata yi máma Jerobowam mi de mamamba ala: Ndak mbut tagu, ar a wak ala nda’î amanda d’i. Bugola, ndak i Silo ata yima Ahiya ma djok vun Alona mi sä kuana; ni sama mi dan ala an mba ni tamula yam Israel-lâ na.

1 Amuleina 1:8

Wani ma ngat buzuna Sadok ki Benaya Jehojada goroma ki ma djok vun Alona Natan ki Simei ki Rei ki azigar suma a nga ngom David tambina pet a nga zlapa ki Adoniya d’i.

2 Samuel 12:25

mi sun ma djogom vunama Natan gen David ala: Ami yum ala Jedidiya. (Nala, Ma didina nga mi le kamu.)

1 Amuleina 11:26

Ata yi máma Jerobowam azongâ hi Salomon-na mi tchol huneîd’a ki sed’emu. Jerobowam ad’u andjavam ba wana: Mi ni Nebat ma Efraim ma kur azì ma Sereda-nina goroma. Asumî modonod’a, a yat ala Seruwa. Wana nad’u zla d’a mam tchol huneîd’a kata: Kur atchogoi d’a Salomon mi min yima a yum ala Milo-na ki ir gulumun ma b’lak kei ma ngui Azì ma ngolâ habum David-nina,

2 Sunda Hamuleinid’a 10:2

Ata yi máma Jerobowam Nebat goroma mi sä ni Ezipte tua, kayam mi ring ngei adjeu abo amulâ Salomon á sut tamu. Kid’a mi hum ala suma a tok nga Sikem-mu d’a, mi tcholï Ezipte mi mba.