2 Sunda Hamuleinid’a 9:28 - Bible azumeina

²⁸ Akulumei suma Salomon mi nga ki na, a tcholozi ni Ezipte; suma hiuna, a tcholozi ni yam ambas sa dinga mi.

2 Sunda Hamuleinid’a 9:28 Referans Kwoze

2 Sunda Hamuleinid’a 1:16

Salomon mi feï akulumei mama ni Ezipte ki Silisi. Mam suma mbut abozina a i nadesâ adesâ, a guzuzï nadesâ adesâ ki gus sa a ngata mi.

Isai 31:1

Ni zla d’a hohoud’a yam suma a nga i Ezipte á hal ndjundina. Azi ni suma a deng tazi yam akulumeinina, ni suma a tin huruzi yam pus ma dur ayîna yam ablau mambina, ni suma a tin huruzi yam suma djang akulumeina ala a ad’enga heyû na. Wani azi ni suma a nga tin irazi yam Ma tin tam irat vat yam Israel-lîna d’uo suma a nga hal Ma didina d’uo mi na.

2 Sunda Hamuleinid’a 9:25

Salomon mi nga ki gongîyo suma tchuk akulumeina ki pusâ hakulumeina 4000 ki suma djang akulumeina 12.000, mi ar suma dingâ kä gevem avo Jerusalem, mi i ki suma dingâ kur azì ma nglo ma a tchuguzi kuana.

1 Amuleina 10:28

Salomon mi feï akulumei mama ni Ezipte ki Silisi. Mam suma mbut abozina a i nadesâ adesâ, a guzuzï nadesâ adesâ ki gus sa a ngata mi.

2 Sunda Hamuleinid’a 1:17

Suma mbut abozi ndazina a guzï pus ma dur ayîna ki bege d’a hapa kikisa karagaya, akulum ma tuna a guzumî ki bege d’a hapa kis kam dok vahl. Sum ndazina a hulong a gus suma dingâ woi abo amulei suma Het-na kamulei suma Siri-na mi.