2 Sunda Hamuleinid’a 9:21 - Bible azumeina

²¹ Amulâ mi nga ki batod’a ablaud’a nga d’i i Tarsis zlapa kazungeîna hi Hiram-ma. Kur bizad’a hindi bato ndata nga d’i mba ki lora ki kawei ma hapma ki sï ahlo’â ki virâ kalei pawona mi.

2 Sunda Hamuleinid’a 9:21 Referans Kwoze

Wana ni mbaktumba hi Job-pa 39:13

Ang ndak á gat dju’â kelet á zumung zu? Ti ndak á tor asuna woi blogong ki hersena aduk zuma zu?

1 Amuleina 22:48

Wani kur biza ndata amul nga avo Edom mbi, wani ni ma ngol ma te yam ma amul ma Juda-na mi tinima hol.

1 Amuleina 10:22

Amulâ mi nga ki batod’a ablaud’a kur alum ma ngolâ d’a nga d’i i Tarsis-sa zlapa ki d’a hamulâ Hiram-mba. Kur bizad’a hindi bato ndata nga d’i mba ki lora ki kawei ma hapma ki sï ahlo’â ki virâ kalei pawona mi.

2 Sunda Hamuleinid’a 9:20

Kopma hamulâ Salomon-na pet a lumî ki lora, ahle suma sun suma kur gong nga a yat ala Gonga hagu d’a Liban-nda d’a pet a lazi ni ki lor ra bei zozota ba d’a mi. A le nga va ki kawei ma hap pi. Kur atchogoid’a hi Salomon-nda a gol kawei ma hapma ni va d’i.

Sawal la giled’a 72:10

Amulei suma Tarsis-sâ ki suma yam tilina, a mba mbam ki he d’a hawad’a, amulei suma Saba-na kamulei suma Seba-na a mba hum he d’a hawad’a mi.

2 Sunda Hamuleinid’a 8:18

Amulâ Hiram mi sunumî batod’a abo azungeî mam suma a we suna batod’ina. A i kazungeîna hi Salomon-na avo Ofir, a yoï lora tonna dogo yam hindi mamulâ Salomon.

Jeremi 10:9

A nga d’udjo filei máma ki kawei ma hap ma a yorom ma a yomï Tarsis soze lor ra a yod’ï Ufas-sa mi. Ni sun nda sama d’alâ mi lata, ni sunda hi ma yor lora mi. A nga tchuk filei máma baru d’a hleu d’a sisila ki d’a hleu d’a kekenga atamu. Azi pet ni sunda hi sama d’alîd’a.

Ezekiyel 27:12

Suma Tarsis-sâ a mbut abozi ni kahle mang suma a sam mbei atang duzîna, a gus ahle mangâ ki bege d’a hapa ki kawei ma wurana ki dorona ki kawei ma anek ma a nga kahlenina.

Ezekiyel 27:15

Suma Dedan-na a mbut abozi ni ki sed’engû, suma kur tilina ablaud’a a mbut ni suk mangâ, a nga mbang ki sï ahlo’â kagu ebena á gus ahle mangâ.

Jonas 1:3

Wani Jonas mi tchol á ring Tarsis woi dei avok Ma didina. Mi i Jafa, mi fe bato d’a i Tarsis-sa, mi wurak beged’a, mi ful kur batod’a ki suma a le sunda kurutna á i Tarsis woi dei avok Ma didina.