2 Sunda Hamuleinid’a 8:11 - Bible azumeina

¹¹ Salomon mi i ndeï amam mba Faron gorombid’a woi kur Azì ma ngolâ hi David-na, mi it kur azì ma mi minittchina, kayam mi dala: Amanda ti ndak á kak kur azina hi David amulâ hi Israel-lîna d’i. Kayam yima a tin zandu’â hi Ma didinina kuana ni yima a tinim iram vam mAlonina.

2 Sunda Hamuleinid’a 8:11 Referans Kwoze

1 Amuleina 7:8

Gong nga Salomon mi kak kuruta nata yima dingâ bugol gong nga djol la avun aziyamba. Wani mi min gonga mi Faron gorom mba mi vata ni d’igi gong nga djol la mam minit yam zlambid’a na mi.

1 Amuleina 3:1

Amulâ Salomon mi ve Faron amul ma Ezipte-na goromba. Ni kayam ndata ba, mam zlap ki Faron, mi mba katcha ndata kur Azì ma ngolâ hi David-na á djup dabid’a hi minda hazì mam ma amula ki gong nga kud’ora hi Ma didinid’a ki gulumun ma ngui Jerusalem-ma mi.

1 Amuleina 9:24

Faron goromba ti tcholï kur Azì ma ngolâ hi David-na, ti i kur azì ma amul ma Salomon mi minittchina. Ata yi máma Salomon mi min yima a yum ala Milo-na.

2 Pierre 1:18

Kid’a ami nga ki sed’em yam ahinad’a hAlonid’id’a, ami humumi del la tcholï akulo ndata.

Ezekiyel 21:2

Ang gor sana, ang mbut irang abo ma sutna hambasina, ang djok vuna mi suma a nga kaka aduk agud’a abo ma sutnina.

Buzuk ka Abud’a 29:43

Ni kua ba, an mba ni ngaf ki Israel-lâ; yi máma mba mi mbut ni yima a tinim iram vama abo wile man nda wiwilika.

Buzuk ka Abud’a 3:5

Alona mi dum ala: Ang hud’ï ka hî d’i, ang pat atuguruna woi asengû, kayam yima ang nga tchola kua wana nandaga d’a an tinit irat vata.

2 Sunda Hamuleinid’a 8:10

Suma nglo suma Salomon mi tinizi yam sun mambina, a ni kikisâ mbà yam dok vahl, mi tinizi ná gol sun nda lara ge pet ta suma ablaud’a a nga lata.