2 Sunda Hamuleinid’a 6:4 - Bible azumeina

⁴ Bugola, mi dala: An le mersi mi Ma didina Alona hi Israel-lîna, mi ndak wa ini vun zla d’a mi dat mabun David ala:

2 Sunda Hamuleinid’a 6:4 Referans Kwoze

Efes-sâ 1:3

Ar ei gilei Alona Abu Saleina Jesus Christ ma mi b’e vunam kei zlapa tu ki Christ ki vun mam ma b’e ma lara ge pet ma sä akulona.

Matiye 24:35

Akulod’a kandagad’a a mba kal leyo, wani zla manda mba d’i kal lei d’i.

Sawal la giled’a 68:4

Wani suma d’ingêrâ a le furîd’a, a aî avok Alona, a nga lü ndjongâ ki hur ma hapma mi.

Sawal la giled’a 41:13

Wani ang djigin akulo ni yam d’ingêr manda, ang nga ngomon kä avorong teteu.

1 Sunda Hamuleinid’a 29:20

Ata yi máma David mi de mablaud’a kua ala: Ki tchetchemba, agi lagi mersi mAlo magina! Ablau d’a peta a le mersi mi Ma didina Alona habuyozi ngolona, a hud’o kä, a grif kä andaga avok Ma didina, avok amulâ David mi.

1 Sunda Hamuleinid’a 29:10

David mi subur Ma didina avok ablaud’a pet ala: Ma didina Alona habumi ngolo Jakob-ma, ang ndak á giled’a kur atchogoi d’a kala ki d’a tchetchemba gak didin.

1 Sunda Hamuleinid’a 17:12

Ni mam ba, mba mi minin gonga, an mba ni hum ad’enga á tamula gak didin mi.

1 Amuleina 8:15

Bugola, mi dala: An le mersi mi Ma didina Alona hi Israel-lîna, mi ndak wa ini vun zla d’a mi dat mabun David-ta kad’eng mamba ala:

2 Sunda Hamuleinid’a 6:3

Israel-lâ pet suma a nga toka ata yi mámina a tchol akulo. Amulâ Salomon mi mbut iram irazi mi b’e vunam kaziya.

2 Sunda Hamuleinid’a 6:5

Dedei d’a an buzugï sum mana woi yam ambas sa Ezipte-d’a, an man nga azì ma ngol tu aduk andjafâ hi Israel-lîna á min gong nga simiyên mba mi yi kuad’a d’i, an man nga sa á tak lovota mi man suma Israel-lâ d’uo mi.

2 Sunda Hamuleinid’a 6:15

Ang ngom zla mang nga ang dat mazong mangâ abun David-ta ki vama ang dum ki vunangâ, ang ndagam wa vunam ini kad’eng manga.

2 Sunda Hamuleinid’a 6:17

Ki tchetchemba, Ma didina Alona hi Israel-lîna, ar ang ndak vun vun ma hle ma ang hlum mazong mangâ David-na!

Nehemi 8:6

Esdras mi subur Ma didina Alo ma ngolâ. Suma pet a yo abozi akulo, a hulong humba ala: Amin! Amin! A tchok yazi kä, a kud’or Ma didina ki irazi kulupa kä andaga.