2 Sunda Hamuleinid’a 6:18 - Bible azumeina

¹⁸ Gagazi, na ni ang Alona ndak á kak zlapa ki suma yam andagad’a ka hina zu? Akulod’a ki ngolot pet pî, ti ndak nga kang nguo d’ou d’a d’igi gong nga an minit ngiyeû wanda ba mba d’i ndagang zu?

2 Sunda Hamuleinid’a 6:18 Referans Kwoze

Isai 66:1

Ma didina mi dala: Akulod’a ni zlam man nda amula, andagad’a ni vama an tin asen kama. Nandjaf gongâ me ba, agi mba minindji ge? Ni yima lara ba, an mba ni tuk tan kua ge?

2 Sunda Hamuleinid’a 2:6

Ni nge ba, mi nga kad’enga á minim gonga ge? Kayam akulod’a ki ngolot pet pî ti ndak nga kam mbi. An ni nge ko ba, ni minim gonga ge? An minit ná ngal dubang ma his djivid’ina avorom wü d’a!

2 Korente-na 12:2

An we sana hi Christ-sâ tu ma a hlum sä kur akulo d’a hindid’ina, ini ni bizad’a dogo yam fid’i. Le mi ni kur hliu tad’a, an we d’i; le ni bei hliu tad’a ni, an we d’i, wani nAlona ba, mi we.

Sunda hi suma a sunuzinid’a 17:24

Alo ma le duniyad’a kahle suma kurutna petna, mam mi Sala akulod’a kandagad’a. Mam nga mi kak kur gongîyo suma tok suma suma a minizi kabozina d’i.

2 Sunda Hamuleinid’a 32:15

Ar Ezekiyas mi lobogi vunagi ki zla d’a ded’a hina d’a d’i. Agi tinigi hurugi kam mbi! Kayam alona handjaf ma ding ngoze ma kur leu d’a ding ma ndak á prut sum mama woi abon an kabuyon ngolona mi nga d’i. Hina mi, Alo magina mi ndak á prud’ugi woi abon nduo mi!

Matiye 7:11

Le agi suma tchona agi wagi á hahle suma djivina mi grogina na ni, Abugi ma sä akulona mba mi hahle suma djivina mi suma a nga tchenema kal luo zu?

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Sawal la giled’a 68:18

Pus ma dur ayîna hi Ma didinina mablaud’a heî, mi ni dudubud’a ablaud’a mi. Salad’a mi tcholï ki sed’em Sinai, mi mba ata yam ma kak ma a tinim iram vama kur Siyon.

Wana ni mbaktumba hi Job-pa 9:14

An mba ni hulong ded’a nana ge? Zla d’a an mba ni manat ni dumzid’a ni d’a lara ge?

Wana ni mbaktumba hi Job-pa 4:19

mba mi fe tchod’a ata suma a nga kaka kur azì ma andagad’ina kal luo zu? Azi ni sumala a tcholï naduk andaga d’a gugud’upa suma a nga hazlazi woi d’igi ndjuvul ma gureina na na!

1 Amuleina 8:27

Gagazi, na ni ang Alona ndak á kak yam andagad’a ka hî zu? Akulod’a ki ngolot pet pî, ti ndak nga kang nguo d’ou d’a d’igi gong nga an minit ngiyeû wanda ba mba d’i ndagang zu?

Jeremi 23:24

Ma didina mi de kua ala: Na ni sama mi ndak á ngei tam ata yima bei an wuma nga zu? An ni oî nga hur akulod’a, an ni oî nga yam andagad’a mi d’uo zu?

Matiye 12:6

Wani an nga ni dagiya, ma kal gong nga kud’ora hAlonid’a ki ngolina mi ka wana.

2 Sunda Hamuleinid’a 6:17

Ki tchetchemba, Ma didina Alona hi Israel-lîna, ar ang ndak vun vun ma hle ma ang hlum mazong mangâ David-na!

2 Sunda Hamuleinid’a 6:19

Wani Ma didina Alo mana, ang mbud’ï irang kanu, ang hum tchen nda an azong mangâ nga ni tchenenga, ang hum yi d’a an nga ni yanga mi.

2 Sunda Hamuleinid’a 2:5

Gong nga an nga ni minita ni gong nga ngola, kayam Alo mamina nAlo ma ngol ma kal alona petna.