2 Sunda Hamuleinid’a 36:23 - Bible azumeina

²³ Gola! Vama an amul ma Perse-na duma ba wana: Ma didina Alo ma akulona mi han leud’a yam andagad’a pet, mi han vuna ala an minim gong nga kud’ora avo Jerusalem yam andaga d’a Juda-d’a. Suma pet suma a nga adigagi suma ala ni sum mama na, ar azi hulong avo Jerusalem. Ar Ma didina Alo mazina mi kak ki sed’eziya.

2 Sunda Hamuleinid’a 36:23 Referans Kwoze

Romê-na 8:31

Ei mba dei nana yam zla ndata ge? Le Alona mi nga ki sed’eya ni, sama ndak á kak djangûna ki sed’ei ni nge ge?

Daniel 5:23

Wani ang hle yang akulo avok Alo ma sä akulona, ang yo kop ma a tinim iram vam ma kur gong mam mba kud’orina, ang ki mang suma nglona, amiyôngâ kamiyông suma gureina, agi tchagi ki süm guguzlud’a. Bugola, ang gile alo ma a lumî ki kawei ma hapma, ki lora, ki ma kawei ma hleuna, ki ma kawei ma wurana, kaguna kahinad’a suma a nga we d’i, a nga hum mbi, a nga wad’ud’a d’uo mi na. Ang subur nga Alo ma muzuk manga ki sun mang nga led’a pet nga aboma d’i.

Daniel 4:35

Suma a nga kaka yam andagad’ina pet mi golozi ni d’igi vama hawana na. Nga mi le kahle suma akulona kahle suma yam andagad’ina d’igi hurum min na. Sama d’elem á le va nga d’i, sama mi ndak á djobom ala: Ang le ni me na ge na nga d’uo mi.

Daniel 2:37

Amulâ, angî ma kal amuleina petna! Alo ma sä akulona mi tining amula, mi hang ad’enga ki sib’ika ki subura mi.

Daniel 2:21

Ni ma nga mi mbut atchogoid’a kahle suma a nga le kurutna, ni ma nga mi pat amuleina woi yam zlam mazi d’a amula, nga mi tin suma dingâ blangâzina, ni ma nga mi he ned’a mi suma ned’ina, nga mi he wad’ud’a mi suma wad’ud’ina mi.

Daniel 5:18

Amulâ, Alo ma kal teglesâ mi tin abung Nebukanezar amul ma ngolâ, mi hum ngola ki hud’a ki subura mi.

Esdras 7:13

An ni he vuna ala a arang lovota ang i ki Israel-lâ ki mazi suma ngat buzuna ki mazi suma hi Levi suma a nga kur leu mandina pet suma a tin huruzi á i Jerusalem-ma.

1 Sunda Hamuleinid’a 29:5

Lora ni ngad’a yam ahle suma a mba lazi ki lorina, kawei ma hapma ni ngad’a yam ahle suma a mba lazi ki kawei ma hapmina tala suma d’alâ a mba le ki sun nda teteng nga lara ge ped’u d’a. Ki tchetchemba, ni nge ba, adigagi kur min mamba mi he tam á he he d’a hawad’a mi Ma didina ge?

1 Sunda Hamuleinid’a 22:16

Lora, kawei ma hapma, kawei ma hleuna ki kawei ma wurana, a ndak á ndumba d’i. Ang tchola, ang le sunda ki sed’eziya! Ar Ma didina mi kak ki sed’eng mi!

2 Sunda Hamuleinid’a 36:22

Kur biza d’a avok ka Sirus amul ma Perse-na nga mi tamulid’a, Ma didina mi min á ndak vun zla d’a mi dat avun ma djogom vunama Jeremi-d’a, mi zut Sirus amul ma Perse-na mi tchi wala ki delem akulo kur leu mamba, mi b’ir kur mbaktumba ala:

Esdras 1:1

Kur biza d’a avok ka Sirus amul ma Perse-na nga mi tamulid’a, Ma didina mi nga hurum á ndak vun zla d’a mi dat avun mam ma djok vuna Jeremi-d’a. Mi mal djib’era hi Sirus amul ma Perse-nid’a woyo. Sirus mi tchi wala ki vunamu, mi b’ir mbaktumba mi suma kur leu mambina pet ala:

Sawal la giled’a 136:26

Agi gilegi Alo ma sä akulona, kayam o mamba nga d’i dap pi.

Isai 41:2

Ni nge ba, mi tcholï ki ma abo ma yorogo ma ayî ma kusa nga mi tit blogoma ge? Ni nge ba, mi hum andjaf suma, mi hulongôm yam amuleina kä avorom ge? Mbigeu mam mba fiyaka ti mbud’uzi d’igi andaga d’a gugud’upa na, yeû mamba ti mbud’uzi d’igi kuza d’a simetna nga mi felet teid’a na.

Isai 45:13

Ma didin ma ad’engêm kal petna mi dala: Ni an ba ni tchol Sirus akulo yam d’ingêr manda, an mba ni blas lovot mamba kä avoromu. Mam mba mi minin azì man ma ngolâ akulo, mba mi tchuk man suma dangeina akulo bei wuraka bei ve he d’a hawad’a ba mi.

Daniel 6:28

Bugol ahle ndazina, Daniel mi i avogovok kur atchogoi d’a Dariyus nga mi tamulid’a. Bugola, mi i avogovok kur atchogoi d’a Sirus amul ma Perse-na nga mi tamulid’a mi.

Isai 44:5

Ma dingâ mba mi dala: An ni ma hi Ma didinina, ma hina mba mi yi tam ki simiyê Jakob, ma hina mba mi b’ir simiyê Ma didina huyok abomu, ma hina mba mi yi tam ki simiyê Israel-lâ mi.

Jeremi 27:6

Ki tchetchemba, an nga ni hambas sa wanda pet abo Nebukanezar azong mana, amul ma Babilon-na, an nga ni hum azurei suma abageina á lum sunda.

Daniel 5:28

PERES ad’ut nala Wala: Leu manga a walat kä mbà á he abo tu mi suma Mede-na, abo tu mi suma Perse-na mi.

Mise 4:10

Agi tchagi tata abo ndaka, agi zamagi tagi d’igi atcha d’a ti nde vutid’a na, agi buzugugi woi kur azì ma ngolâ, agi i kagagi sä abageya, agi igi gak Babilon. Ata yi máma Ma didina mba mi prud’ugi woyo, mba mi prud’ugi woi kua abo magi suma djangûna.