2 Sunda Hamuleinid’a 36:22 - Bible azumeina

²² Kur biza d’a avok ka Sirus amul ma Perse-na nga mi tamulid’a, Ma didina mi min á ndak vun zla d’a mi dat avun ma djogom vunama Jeremi-d’a, mi zut Sirus amul ma Perse-na mi tchi wala ki delem akulo kur leu mamba, mi b’ir kur mbaktumba ala:

2 Sunda Hamuleinid’a 36:22 Referans Kwoze

Jeremi 25:12

Ma didina mi de kua ala: Wani fata biza d’a dok kid’iziyad’a ndaka, an mba ni mba ni ngop amul ma Babilon-na ki sum mama yam tcho mazid’a, an mba ni b’lak ambas mazi d’a Babilon-nda woyo, an mba ni mbud’ut djona gak didin.

Jeremi 29:10

Gola! Ma didina mi dala: Fata biza d’a dok kid’iziya d’a ngat yam Babilon-nda ndaka, an mba ni mba á d’ugiya, an mba ni ndak vun zla d’a djivi d’a an hlagi vunan kata, an mba ni mbagi ka hî.

Isai 44:28

An nga ni de yam amulâ Sirus ala: Mam mi man ma pola, mba mi ndak vun nga hur mana pet, mba mi de yam Jerusalem ala: A mba hulong a minit akulo, mba mi de yam gong man nda kud’ora ala: A hulong a gat ad’ud’u.

2 Sunda Hamuleinid’a 36:21

Ahle ndazina a le ná ndak vun zla d’a Ma didina mi dat avun ma djogom vunama Jeremi-d’a, kayam mi dala: Ambasa mba d’i ar djona gak bizad’a dok kid’iziya, gak ti dap yima ngattchi á tuk tat á ndak vun biza d’a ndat fe nga tuk tad’a kua d’uo d’a mi.

Daniel 10:1

Kur biza d’a hindi d’a Sirus amul ma Perse-na nga mi tamulid’a, a ndäd’u zlad’a woi mi Daniel ma a yum ala Beltasar-râ. Zla ndata ni zla d’a gagazid’a. A dum ala: Ayî ma ngolâ nga mi mba. Daniel mi ve zla ndata, mi wäd’u vama nde tam mbei irama mi.

Esdras 1:5

Ata yi máma suma nglo suma avok ades andjafâ hi Juda-nina ki suma avok ades andjafâ hi Benjamin-nina ki suma hi Levi-nina pet suma Alona mi malazi djib’er mazid’a woina, a tchol a i á min gong nga kud’ora hi Ma didin ma nga avo Jerusalem-ma.

Hebre-na 10:23

Ei vei tei ad’enga bei gigeta ba yam hur mei ma tin ma ei nga dei woi kama, kayam Alo ma hle vunama ni Ma d’engzengâ.

Wana ni mbaktumba hi Aze-d’a 1:14

Ma didina mi mal djib’era hi Zorobabel Salatiyel gorom ma nga mi te yamba avo Juda-na ki djib’era hi ma ngol ma ngat buzuna Josue Josadak goroma ki djib’era hi suma a arâ pet. Ni kur bur ma dok mbà yam fid’ina hi til ma karagayana kur biza d’a mbà d’a Dariyus nga mi tamulid’a, azi mba, a nga le sunda kur gong nga kud’ora hi Ma didin ma ad’engêm kal petna, Alo mazinid’a.

Jeremi 25:14

Kayam andjaf ma ablauna kamulei suma gangrangâ a mba le suma Babilon ndazina magomba. An mba ni wuragazi yam sun mazid’a, yam sun nda azi lat kabozid’a mi.

2 Sunda Hamuleinid’a 30:5

A he vuna ala a tchi wala kur azì ma Israel-lâ pet, a tinï ad’ud’a Berseba gak mba avo Dan, tala a mbeï Jerusalem á le vun til ma Pa’â á he ngola mi Ma didina Alona hi Israel-lîna d’a. Kayam suma a lum avo’â a nga ablaud’a d’igi a b’irim kur gata na d’i.

2 Sunda Hamuleinid’a 24:9

A tchi wala kur ambas sa Juda-d’a, kur azì ma Jerusalem-ma mi ala ar suma a mba ki bege d’a Moise azongâ hi Ma didinina mi ngat yam Israel-lâ kid’a a nga abagei hur fulîd’a mi Ma didina.

2 Sunda Hamuleinid’a 21:16

Ma didina mi zut suma Filistê-na ki suma Arap suma go ki suma Etiyopi-na á dur ayîna ki Joram.

1 Sunda Hamuleinid’a 5:26

Alona hi Israel-lîna mi zut amulei suma Asiri-na, Pul ki Tiglat-Pileser, a yo suma hi Ruben-na, suma hi Gad-na kabo andjafâ hi Manase-na hurumba, a izi Hala, Habor, Hara kavun alum ma Gozan-na, a ar sä kaka kua gak ini.

1 Amuleina 11:23

Alona mi tchol ki sama dingâ; mi kak djangûna ki Salomon. A yum ala Rezon ni Eliyada goroma; ni sama ring ngei avo hi salama Hadadezer amul ma Soba-na goromina.

1 Amuleina 11:14

Ma didina mi tchol ki sama dingâ tu mi kak djangûna ki Salomon; ni ma Edom ma a yum ala Hadat, mi nad’u andjaf mamul ma Edom-ma mi.

1 Samuel 26:19

Ki tchetchemba, salana amul mana, ang hum zlad’a hi an azong mangîd’a. Le Ma didina mi zud’ung á kak djangûna ki sed’en ni mamu ni, ar mi ve he d’a hawad’a. Le d’i tcholï nata suma ni, ar Ma didina mi gazi vuna, kayam ni azi ba, a nga digin ini á walan ndei kandaga d’a Ma didina mi hat mi sum mamid’a. Ni d’igi azi nga dan ala: Ang i kud’or alo ma dingâ na.

2 Sunda Hamuleinid’a 36:23

Gola! Vama an amul ma Perse-na duma ba wana: Ma didina Alo ma akulona mi han leud’a yam andagad’a pet, mi han vuna ala an minim gong nga kud’ora avo Jerusalem yam andaga d’a Juda-d’a. Suma pet suma a nga adigagi suma ala ni sum mama na, ar azi hulong avo Jerusalem. Ar Ma didina Alo mazina mi kak ki sed’eziya.

Isai 45:13

Ma didin ma ad’engêm kal petna mi dala: Ni an ba ni tchol Sirus akulo yam d’ingêr manda, an mba ni blas lovot mamba kä avoromu. Mam mba mi minin azì man ma ngolâ akulo, mba mi tchuk man suma dangeina akulo bei wuraka bei ve he d’a hawad’a ba mi.

Daniel 6:28

Bugol ahle ndazina, Daniel mi i avogovok kur atchogoi d’a Dariyus nga mi tamulid’a. Bugola, mi i avogovok kur atchogoi d’a Sirus amul ma Perse-na nga mi tamulid’a mi.