2 Sunda Hamuleinid’a 36:21 - Bible azumeina

²¹ Ahle ndazina a le ná ndak vun zla d’a Ma didina mi dat avun ma djogom vunama Jeremi-d’a, kayam mi dala: Ambasa mba d’i ar djona gak bizad’a dok kid’iziya, gak ti dap yima ngattchi á tuk tat á ndak vun biza d’a ndat fe nga tuk tad’a kua d’uo d’a mi.

2 Sunda Hamuleinid’a 36:21 Referans Kwoze

Jeremi 29:10

Gola! Ma didina mi dala: Fata biza d’a dok kid’iziya d’a ngat yam Babilon-nda ndaka, an mba ni mba á d’ugiya, an mba ni ndak vun zla d’a djivi d’a an hlagi vunan kata, an mba ni mbagi ka hî.

Zakari 1:12

Ata yi máma malaika máma mi dala: Ma didin ma ad’engêng kal petna, ni mindja ba, ang mba we hohowa suma Jerusalem-ma ki suma kur azì ma nglo ma Juda suma ang hurung zal kazi gak bizad’a dok kid’iziyana ge?

Daniel 9:2

an Daniel ni gol kur mbaktum mba a tinit irat vata. Ata yi máma an wäd’u zla d’a Ma didina mi dat mi mam ma djok vuna Jeremi ala: Jerusalem mba d’i ar djona gak bizad’a dok kid’iziya d’a.

Sunda hi suma hi Levi-nid’a 26:43

Ata yima azi mba ar ambasa blogozi djona woi deina, mba d’i mbut awilid’a yam biza mat ta sabat ta tuk tad’a. Ata yi máma azi mba fe ndaka kayamba azi noî vun man ma hed’a, a gol gat manda is mi d’a.

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Jeremi 1:1

Wana ni zlad’a hi Jeremi Hilkiya goromid’a. Mam mi ma ding tu aduk suma ngat buzu suma a nga kaka avo Anatot yam ambas sa Benjamin-ndina.

Zakari 7:14

An ni ndjoyôzi woi aduk andjaf suma ding suma azi wazi nga d’uo na. Ambas mazid’a ti b’lak kei blogoziya. Sama mi nde woi kua mi hulong mi kal kuana nga d’i, ambas sa djivid’a, azi mbud’ut djona.