2 Sunda Hamuleinid’a 36:17 - Bible azumeina

¹⁷ Kayam ndata, Ma didina mi sunï amul ma Babilon-na ataziya. Mi tchi azungeî mazina ki mbigeu d’a fiyaka kur gong mazi d’a kud’ora. Alona mi ar nga gor azong ngoze gor wei d’oze mamar roze ma yam abus si, mi hazi woi abo amul ma Babilon-na pet.

2 Sunda Hamuleinid’a 36:17 Referans Kwoze

Sawal la giled’a 74:20

Ang djib’er yam vun mang ma djinda, kayam yima nduvun ma i’îlik ma yam andagad’ina, mi mbut ni yima kaka hi suma tchi matnina.

Esdras 9:7

Kur atchogoid’a habuyomi ngolod’a dei gak ini zlad’a vamiya. Ni kayam tcho mami ndata ba, ang hami woi kamulei mamina ki mami suma ngat buzuna abo amuleina hi suma dingîna, á tchamiya, á lami magomba, á hurumumi d’igi a nga lami irami houd’a gak ini na mi.

Jeremi 40:3

Ma didina mi mba wa, mi ndak wa vun zla d’a mam data. Kayam agi lagi tchod’a avoromu, agi humum nga vunam mbi, ahle suma mam dazina a mba wa mi.

Daniel 9:14

Ma didina, ang nga mbami ndak ndata kami teteu, kayam ang Ma didina Alo mamina ni Ma d’ingêrâ kur sun nda ang nga lata pet. Wani ami humung nga vunang ngi.

Jeremi 32:42

Ma didina mi de kua ala: D’igi an mba ki ndak ka ngola yam sum ndazina hina, an mba ni mba ki djivi d’a an dat kazid’a hina dedege mi.

Jeremi 18:21

Kayam ndata, ang ar baktarad’a ti mba yam grozina, ang tchuguzi azi tazid’a avun ayî ma durâ. Ar amiyôzina a kak hawa bei grona, a ar modonod’a! Ar matna mi tchazi andjuviyoziya, ar azungeî mazina a tchazi woi avun ayîna ki mbigeu d’a fiyaka!

2 Sunda Hamuleinid’a 33:11

Ata yi máma Ma didina mi mba ki azigar suma nglo suma hamul ma Asiri-na atam á durâ. A vumu, a tchom atchinam ki kawei ma vunam gundina, a djinim ki kindjing ma hleuna, a mbam avo Babilon.

2 Sunda Hamuleinid’a 24:21

Ata yi máma a ndjak vunazi kamu, a durum kahinad’a yam vun ma hed’a hamulîna, a tchum kur gulumuna hi gong nga kud’ora hi Ma didinid’ina.

Gat ta a hat á mbàd’id’a 30:18

an nga ni dagi ini, agi mba dabagi woi ki iragi fafat, agi mba kagagi tatâ yam ambas sa agi nga djagagi alum ma Jurdê-na á hlat wanda d’i.

Esdras 5:12

Wani bugol la abuyomi ngolo a zal Alo ma akulona hurumba, mi hazi abo Nebukanezar amul ma Babilon ma Kalde-na. Ni mam ba, mi to gong ndata kä woi mi yozi mi izi Babilon.

Sawal la giled’a 79:1

Ni sawal la gile d’a Asaf mi hlata. Alo mamina, andjaf suma dingâ a kal wa kur ambas manga, a mbut wa gong mang nga kud’ora ndjendjed’a, a b’lak wa Jerusalem mbei kakazeî mi.

Isai 13:18

Azi mba tchi gro azungeîna woi ki yeû mazid’a, a mba we hohowa grozi suma kuruzina d’i, hohowa gogor nga mi lazi d’i.

Jeremi 9:21

Kayam matna mi djak wa ir fenetre meid’a, mi kal wa kur azì mei ma nglona, nga mi tchi kemba ir palumba, nga mi tchi azungeîna avun graka kä glovod’o.

Jeremi 11:22

Ni kayam ndata ba, Ma didin ma ad’engêm kal petna mi dala: Gola! An nga ni mba á ngoboziya. Azungeî mazina a mba bo avun ayîna, grozi suma andjofâ ki grozi suma aropma, baktarad’a mba d’i tchazi mi.

Jeremi 16:6

Suma nglona ki kemba a mba bo kur ambas ndata. Sa mba mi tozozi d’i, sa mba mi tchizi d’i, sa mba mi ze hurum kahle suma sïna kazi d’i, sa mba mi wel yam mbei á dodora kazi d’uo mi.

Jeremi 21:1

Ata yima Sedekiyas mi sun Pasehur Malkiya goroma ki Sofoni Mäseya gorom ma ngat buzuna gen Jeremi-na, mi dazi ala: Agi i dum ala: Ang djop Ma didina kamiya, kayam Nebukanezar amul ma Babilon-na nga mi durumi ayîna. Dam Ma didina mba mi dur kamiya, mba mi lahle suma simat suma atchapma teteng tala Nebukanezar mi arami bei durâ d’a kla. Ma didina mi de mi Jeremi ala: Ang dazi zla d’a an dangzi wanda.

Jeremi 21:7

Bugola, an mba ni he Sedekiyas amul ma Juda-na kazungeî mama zlapa ki suma kur azì ma ngolâ suma a mba sut abo tugud’ei d’a tcho d’a tchi matna kayî ma durâ ki baktarad’ina, abo amul ma Babilon-na, abo mazi suma djangûna, abo suma a nga halazi á tchid’ina mi. Nebukanezar mba mi tchazi bei wazi hohowoziya, mba mi keng sa woi tu d’i, mba mi djib’er kazi d’uo mi. An Ma didina ni de na.

Jeremi 32:28

Kayam ndata, an Ma didina ni dala: Gola! An nga ni hazì ma ngol ma wana abo suma Babilon-na, abo Nebukanezar amul ma Babilon-na. Mam mba mi hlumu.

Jeremi 51:22

Ni ki ndak ba, an kus ki mandjufâ katchad’a, ni ki ndak ba, an kus ki mamarâ ki gogorâ, ni ki ndak ba, an kus kazongâ ki weid’a woi mi.

2 Sunda Hamuleinid’a 34:24

Mi dala: Gola! An Ma didina mba ni mba ki ndaka yam yima wana ki suma a nga kaka kuruma d’igi vun ma ge ma pet ma a b’irim zlam kur mbaktum mba a ndumut avok amul ma Juda-nid’a na.

Isai 43:28

Kayam ndata, an mbut suma nglo suma ata Yima a tinim iram vama vama ndjendjed’a, an ni mbut suma hi Jakob-ma ni vama a gum vunina, an mbut Israel-lâ vama ngula mi.

Isai 47:6

Gola! An hurun zal adjeu ata sum mana, an mbut man suma an tazi djonina zulona, an haksi hur abogu. Ndak wazi nga hohowozi d’i, ndak ge djuk mak ma ane’â kel momorogeina.

Ezekiyel 16:40

A mba tok suma kak á durâ, a mba duruk kahinad’a, a mba kizagak kei ki mbigeu d’a fiyaka.

Ezekiyel 21:28

Suma Jerusalem suma a gun tazina a gol zlad’a hi vama tak lovot máma ni zla d’a hawad’a iraziya, wani amul ma Babilon-na, mi gazi humazi yam tcho mazid’a ala a mba yozi magomba.

Zakari 1:6

Wani zla manda ki vun ma hed’a suma an hazi mazungeî man suma djok vunina, a vabuyogi ngolo ki zlad’a. Azi hulongî gevenu, a djok tit mazid’a, a dala: Ma didin ma ad’engêm kal petna mi le ki sed’ei ni ngad’a yam sun meid’a ki tit meid’a d’igi mi nga hurum na.