2 Sunda Hamuleinid’a 36:15 - Bible azumeina

¹⁵ Ma didina Alona habuyozi ngolona mi sunï mam suma sunda atazi yam ablaud’a á gazi humaziya, kayam mam min sut sum mama ki yam ma kaka mi.

2 Sunda Hamuleinid’a 36:15 Referans Kwoze

Jeremi 35:15

An nga ni sunugi azungeî man suma djok vuna pet, an nga ni sunugizi burâ ki burâ á dagi ala: Nge nge pî adigagi mi ar tit mam mba tchod’a, mi hulongîya. Agi aragi sun magi d’a tchod’a woyo, ar agi zlabagi tagi kalo ma dingâ á kud’urom mbi. Hina wani, agi mba kagagi kur andaga d’a an hagizi zlapa kabuyogi ngolod’a. Wani agi tinigi nga humagi á humba d’i, agi gagi nga yagi kä ad’un nduo mi.

Jeremi 7:13

An Ma didina nga ni dagiya: Ki tchetchemba, agi lagi wa tcho d’a lara ge pet. An dagi zlad’a, wani agi humun nga d’i; an yagiya, wani agi hulongôn nga humba d’i.

Jeremi 26:5

le agi humugi nga zlad’a hazungeî man suma djok vun suma an nga ni sunugizï sä kur bur ma lara ge suma agi min humuzi zla mazid’a d’uo na mi ni,

Jeremi 7:25

Tin ad’ud’a kur bur ma abuyogi ngolo a buzugï woi kur ambas sa Ezipte-d’ina dei gak ini, burâ ki burâ an ar nga bei sunugi azungeî man suma djok vuna d’i.

Suma ka sariyad’a 10:16

Israel-lâ a tchuk alo ma teteng ma hi suma ding ma nga adigazina woyo, a hulong a nga le sunda mi Ma didina. Ma didina nga mi hat hurum yam ndak mazid’a.

2 Sunda Hamuleinid’a 33:10

Ma didina mi de mi Manase ki sum mama hina kö, wani azi nga hum mbi.

2 Amuleina 17:13

Wan pî, Ma didina mi sun mam suma djok vuna pet ki suma a nga wahle suma a nga mbana pet á ge hum Israel-lâ ki suma Juda-na kad’enga ala: Agi hulongôgiya, agi aragi sun magi d’a tchod’a woyo, ar agi gagi yagi kä ad’u vun man ma hed’a ki zla manda, ar agi tid’igi yam gat ta an he vuna kat mabuyogi ngolo avun azungeî man suma djok vuna ki hurugi pet mi.

2 Amuleina 13:23

Wani Ma didina mi wazi hohowoziya, mi vat hurum mbei kaziya, kayam vun ma djin ma mam djinim ki Abraham ki Isak ki Jakob-ma. Mi min b’lagazi woi d’i gak ini mi arazi nga woi d’uo mi.

Wana ni mbaktumba hi Oze-d’a 11:8

Agi suma Efraim-ma, an ndak á aragi woi zu? Agi Israel-lâ, an ndak á noyôgi woi zu? An ndak á le ki sed’egi d’igi an le ki Atma ki Seboyim na zu? Hurun mi b’lak yam zla ndata, hurun mi zal ngola mi.

Matiye 23:34

Kayam ndata, an nga ni sunugi suma djok vuna azi ki suma ned’a ki suma hat gata. Agi mba tchagi suma dingâ, agi mba b’alagi suma dingâ akulo ata aguna, agi mba togi suma dingâ kur gongîyo magi suma toka, agi mba digigi suma hiuna á lazi ndaka kur azina kur azina mi.

Sunda hi suma a sunuzinid’a 7:52

Ni ma djok vun Alona ma lara ba, abuyogi ngolo a djobom vunam mbuo ge? A tchi suma a tchi wal zla mbad’a hi Ma d’ingêrîna woyo. Ki tchetchemba, agi hum abo suma á tchum mi.

2 Sunda Hamuleinid’a 36:14

Suma nglo suma avok suma ngat buzuna kablaud’a a nga le sun nda tcho d’a ata yat tuo d’a kam kua kam kua, a nga tit yam sun nda ndjendje d’a lara ge pet ta andjaf suma dingâ a nga lata, a mbut gong nga kud’ora hi Ma didina d’a mi tinit irat vat avo Jerusalem-mba ndjendjed’a mi.

Nehemi 9:30

Ang ve tang ki sed’ezi kur bizad’a ablaud’a, ang gigid’ezi ki Muzuk mangâ ki mang suma djok vuna mi. Wani azi tin nga humazi d’i. Ata yi máma ang hazi woi abo andjaf suma dingâ.

Isai 28:10

Vun ma hed’a yam ndram vun ma hed’a, vun ma hed’a yam ndram vun ma hed’a; gata yam ndrat gata, gata yam ndrat gata; ka hî nde, sä hî nde mi.

Isai 65:12

an nga ni hagi woi avun ayîna. Agi pet mba grivigi kä á ngad’agiya, kayam an yagiya, wani agi hulongôn nga humba d’i, an dagi zlad’a, wani agi humugi nga d’uo mi. Wani agi lagi ni sun nda tchod’a avoronu, agi managi ni vama tan lan nga djivi kam mbuo na mi.

Jeremi 11:7

Gagazi, an le glangâsâ mabuyogi ngolo, tinï ad’ud’a ni kur bur ma an ni buzuguzï woi kur ambas sa Ezipte-d’a dei gak ini. An nga ni mba á lazi glangâsâ ala: Agi humundi vunanu.

Jeremi 13:10

Sum ndazina ni suma asa’at suma a noî á hum zla mandina, ni suma a nga tit kur djib’er mazi d’a kuruzi d’a krovo d’a yam mba ad’engid’a, ni suma a nga zlap kalo ma dingâ á lum sunda, á kud’urom mi na. Ar azi mbut ni d’igi d’ik ma mi b’lak kei ma mi ndak á le vama djivi d’uo máma na mi.

Jeremi 32:33

Wani a ar zla d’a a mbut irazi iranda ta, a han ni huyogoziya. A nga had’azi ki yorogo dei wan pî, a nga hum hat ndata d’i.

Jeremi 35:14

Azi ve gata habuzi Jonadap Rekap goroma mi he vuna kat mi groma ala a tche süm guguzlu d’uo d’a, azi nga tche d’uo gak ini. Azi ge ni yazi kä ad’u gata habuzid’a, wani an nga ni dagi zlad’a burâ ki burâ pî, agi nga humun ndi.

Zakari 1:4

Ar agi lagi d’igi abuyogi ngolo suma adjeuna na d’i. Suma djok vuna a dazi ala: Ma didin ma ad’engêm kal petna mi dala: Agi hulongôgï woi kur sun magi d’a tchod’a, kur tit magi d’a ata yat tuo d’a. Wani azi hum nga d’i, a djib’er nga yam zla d’a an Ma didina ni data d’uo mi.

2 Amuleina 21:10

Kayam ndata, Ma didina mi de mazungeî mam suma djok vuna ala a de mi suma ala:

1 Sunda Hamuleinid’a 3:16

Jojakim groma ba wana: Jekoniya ki Sedekiyas.