2 Sunda Hamuleinid’a 36:13 - Bible azumeina

¹³ Mi tchol huneîd’a kamulâ Nebukanezar ma mam mi gun tam avorom ki simiyê Alonina mi. Mi ar zlad’a mi hulongî gen Ma didina Alona hi Israel-lîna ta, mi le ni yam mba ad’enga, mi b’al hurum kiki mi.

2 Sunda Hamuleinid’a 36:13 Referans Kwoze

2 Sunda Hamuleinid’a 30:8

Ki tchetchemba, ar agi lagi yam mba ad’enga d’igi abuyogi a lat na d’i, wani agi hagi tagi mi Ma didina, agi mbeyegi kur yi mam ma a tinim iram vam ma gak didina, agi lagi sunda mi Ma didina Alo magina tala kur ayî mam ma bibiliuna hurum vat tei kagiya d’a.

Hebre-na 3:13

Wani agi gigid’egi tagi teteu d’igi mbaktumba hAlonid’a ti de na ala: Ini ar sa adigagi tchod’a lobom á b’al hurum mbi.

Hebre-na 3:8

agi b’alagi hurugi d’igi agi kagagi djangûna ki sed’em kur bur ma agi kugugizi hur fulîna na d’i.

Isai 48:4

Wani an we agi ni suma yam mba ad’enga, agi ni suma delegi ad’enga d’igi kawei ma wurana na na, agi ni suma vorogi ad’enga d’igi kawei ma hleuna na na mi.

Nehemi 9:29

Ang ngobozi á hulong ata gat manga, wani azi nga i avogovok ki yam mba ad’enga, a hum nga gat manga d’i, a nga le tchod’a, a noî vun mang ma he ma sana le mi le sunda kamu ba, mi kak karid’ina woyo. A nga yo djedjerezi akulo avorongû, a nga b’al yazi woyo, a hum nga zla manga d’i.

2 Amuleina 24:20

Ndak ndata ti mba hina ni yam zal la Ma didina hurum mi zal yam suma Jerusalem-ma ki suma Juda-nid’a gak mi digizi woi dei avoromu. Sedekiyas mi tchol huneîd’a kamul ma Babilon-na.

2 Amuleina 17:4

Wani bugola, Ose mi ndjak vunam ki sum mama á tchol huneîd’a ki sed’emu, mi ge sunda ata So amul ma Ezipte-na, mi noî á he tara mamul ma Asiri-na mi. Ata yima Salmanasar mi hum zla ndatina, mi ve Ose, mi djinim ki kindjingâ, mi gum dangeina.

2 Samuel 21:2

Amulâ David mi yï suma Gabawon-na á dazi zlad’a. Suma Gabawon-na a nga nandjafâ hi Israel-lîna d’i; ni suma Amor suma a ar kaka adigazina. Wani Israel-lâ a djin vunazi ki sed’ezi adjeu ala a lazi va d’i. Wani Saul mi min á tchazi woi yam zlezleû d’a kurum mba yam Israel-lâ ki Juda-nid’a.

Josue 9:15

Josue mi djin vunam ki sed’ezi yam halasa ala a lazi va d’i. Suma nglo suma avok sumina a gunuzi tazi mi.

Buzuk ka Abud’a 9:17

Le ang d’el sum mana, le ang arazi a i nga d’uo ni,

Buzuk ka Abud’a 8:15

Ata yi máma suma kumana a de mi Faron ala: Vama le wana nad’enga hAlonid’a! Wani Faron mi b’al hurum kiki, mi hum nga Moise azi ki Aron d’igi Ma didina mi dazi adjeu na d’i.

Gat ta a hat á mbàd’id’a 29:25

A mba hulongôzi zla d’a ded’a ala: Ni kayam ba, azi but vun ma djin ma Ma didina Alona habuyozi ngolona mi djinim ki sed’ezi kid’a mi buzuguzï woi avo Ezipte-d’a woid’a.

2 Sunda Hamuleinid’a 36:14

Suma nglo suma avok suma ngat buzuna kablaud’a a nga le sun nda tcho d’a ata yat tuo d’a kam kua kam kua, a nga tit yam sun nda ndjendje d’a lara ge pet ta andjaf suma dingâ a nga lata, a mbut gong nga kud’ora hi Ma didina d’a mi tinit irat vat avo Jerusalem-mba ndjendjed’a mi.

Esdras 4:12

Amulâ, ang we Juif suma a tcholï hatang a mba adigami ka hî avo Jerusalem-ma ki yam mazi d’a ad’enga kasa’at mazid’a, a nga min azì mazina akulo, a ge nga ad’u gulumuna kä, a nga minim akulo mi.

Jeremi 43:2

Azariya Hosaya goroma, Johanan Kareya goroma ki suma yam mba ad’enga pet a de mi Jeremi ala: Zla d’a ang data ni zla d’a kad’a. Ma didina Alo mamina mi sunung nga d’ala ang dami ala: Agi igi Ezipte á kagagi sä kua d’uo d’a d’i.

Daniel 5:20

Wani ata yima mi hle yam akulo mi b’al hurum ad’enga kiki gak mi de zla d’a subur tad’ina, a zud’um kä woi yam zlam mam mba amula, a pat subur mamba woi mi.

Zakari 7:12

Azi b’al huruzi ad’enga d’igi kaweina na, azi min nga á tit yam gata hi an Ma didin ma ad’engên kal petna d’a an djogozizi kur Muzuk mana avun suma djok vuna adjeud’a d’i. Ata yi máma an hurun zal ngola,

Buzuk ka Abud’a 7:13

Wani Faron mi b’al hurum kiki, mi hum nga Moise azi ki Aron d’igi Ma didina mi dazi adjeu na d’i.

Ndumba 30:3

Le sana mi hle vunam yam va mi Ma didina d’oze mi he tam yam vama mam gun tam kama ni, ar mi b’lak zla mamba d’i, ar mi lahlena pet suma a ndavunama.

2 Sunda Hamuleinid’a 24:19

Ma didina mi sunuzi mam suma djok vuna á hulongôzi gevemu. Mam suma djok vuna a nga lazi glangâsâ, wani azi nga tin humazi yam zla mazid’a d’i.

Sawal la giled’a 15:4

Ni sama nga mi noî sama Alona mi golom isâ woina, wani mi suburî suma a nga le mandara Alonina. Vama mam gun tam kama, le mba ni vama tchona kam pî, nga mi tin vunam kam mbi.