2 Sunda Hamuleinid’a 36:12 - Bible azumeina

¹² Mi le sun nda tchod’a avok Ma didina Alo mama, mi nga mi hum zla d’a Jeremi ma djok vun Alona nga mi dumzi d’a tcholï avun Ma didinid’a d’uo mi.

2 Sunda Hamuleinid’a 36:12 Referans Kwoze

2 Sunda Hamuleinid’a 33:23

Mi hulong nga yam kä avok Ma didina d’igi abum Manase mi hulong yam kä na d’i. Amon nga mi le tchod’a avogovogo, zlad’a nga kam avok Ma didina.

1 Pierre 5:6

Kayam ndata, agi gagi yagi kä ad’u abo ma ad’enga hAlonina, kayam mam mba mi hlagi yagi akulo ata yima mi ngama.

Jacques 4:10

Agi gagi yagi kä avok Salad’a, mam mba mi hlagi yagi akulo.

Jeremi 27:12

An de zla ndata mi Sedekiyas amul ma Juda-na pet. Ni dum ala: Ang ki sum mangâ, agi gagi djuk ma amul ma Babilon-na mi hagizina kelegiya, agi lum sunda ki sum mama. Hina wani, agi mba sud’ugi tagiya.

2 Sunda Hamuleinid’a 35:22

Wani Josiyas nga mi aram bed’em mbi. Mi mbut tam sama dingâ á dur ayîna, mi hum nga zla d’a tcholï avun Alona d’a mi dat mi Neko-d’a d’i, mi i dur ayîna kur hor ra Megido-d’a.

2 Sunda Hamuleinid’a 33:19

Tchen mamba ki hum mba Alona mi humuta ki tcho mam mba mi lata ki sun mam mba ata yat tuo d’a ki yima mi min yima ndingâ kua á kud’or fileinina ki gong nga kud’or ra mi minit malo d’a a yat ala Asera-d’a ki filei ma mam tched’em avok kä bei mam hulong yam kä d’a, a b’irizi nga kä kur Mbaktumba hi Hozai-d’a.

2 Sunda Hamuleinid’a 33:12

Ata yima mi nga kur ndakina, mi tchen Ma didina Alo mama, mi hulong yam kä avok Alona habuyom ngolona.

2 Sunda Hamuleinid’a 32:26

Ata yi máma Ezekiyas mi hulong yam kä ki suma a nga kaka avo Jerusalem-ma, tala ata yima Ezekiyas mi nga ki irama, ar Ma didina hurum mi zal kazi d’uo d’a.

Buzuk ka Abud’a 10:3

Moise azi ki Aron a i gen Faron, a dum ala: Ma didina Alona hi Hebre-nina mi dala: Ang mba noî á ge yang kä avok an Ma didina hina gak mindja ge? Ang ar sum mana a i á kud’uronu.

Jeremi 1:1

Wana ni zlad’a hi Jeremi Hilkiya goromid’a. Mam mi ma ding tu aduk suma ngat buzu suma a nga kaka avo Anatot yam ambas sa Benjamin-ndina.

Jeremi 52:2

Mi le sun nda tchod’a avok Ma didina d’igi Jojakim na.