2 Sunda Hamuleinid’a 35:6 - Bible azumeina

⁶ Agi mbud’ugi tagi yed’et, agi ngad’agi tumiyôna á Pa’â, agi minigi ahle mama yam b’oziyogi suma Israel-lâ, agi lagi ni d’igi zla d’a Ma didina mi dat avun Moise-sa na.

2 Sunda Hamuleinid’a 35:6 Referans Kwoze

2 Sunda Hamuleinid’a 29:5

mi dazi ala: Agi suma hi Levi-na, agi humunu! Ki tchetchemba, agi mbud’ugi tagi yed’et, agi mbud’ugi gong nga kud’ora hi Ma didina Alona habuyogi ngolonid’a yed’et mi, agi tchugugi ahle suma ndjendje suma a nga ata yima a tinim iram vama woi abua.

2 Sunda Hamuleinid’a 29:15

Azi tok andjaf tazi mud’ok, a mbut tazi yed’et. Bugola, a tchuk klavi kur gong nga kud’ora hi Ma didinid’a á mbud’ut yed’et yam vun ma hed’a hamulîna d’igi Ma didina mi min na mi.

Joel 2:16

Agi togogi suma á togogi tok ka a tinit irat vata, agi togogi suma nglona ki kemba ki gugurei suma tchapona mi. Ar sama tel atchad’a awilina kamam mba mi teleta a buzuk kei kur gong mazi d’a burâ.

Sawal la giled’a 51:7

Gola! Ata yima asun van wirîna pî, an ni kur tchod’a; ata yima a vud’una pî, an ni kur tchod’a mi.

Wana ni mbaktumba hi Job-pa 1:5

Ata yima lü ma nguid’a dapma, Job mi ge sunda, mi halï groma á mbud’uzi yed’et. Mi nde iram yorogo tcholol, mi hahle suma ngat buzu suma ngala yam nge nge pî adigagiya, kayam Job mi dala: Dam grona a le wa tchod’a, a ngul wa Alona kuruzi krovo kla ge! Job nga mi le hina teteu mi.

Buzuk ka Abud’a 12:6

Agi ngomom gak bur ma dogo yam fid’ina hi til ma wanina, toka hi Israel-lâ pet a ngat ahu ma a manam máma ki fladege d’a afata i nikid’a.

Ad’u Tinda 35:2

Jakob mi de mi suma avo hatama ki suma a nga zlapa ki sed’ema ala: Agi tchugugi filei ma nga avo hatagina woyo, agi mbud’ugi tagi yed’et, agi tchugugi baru ma dingâ atagiya.

2 Sunda Hamuleinid’a 30:3

Kayam azi ndak á lum kur bur ma a ngama d’i, kayam suma ngat buzu suma a mbut tazi yed’etna a nga ngol li, suma a tok nga avo Jerusalem mbuo mi.

2 Sunda Hamuleinid’a 29:34

Wani suma ngat buzuna a nga ablau d’i, a ndak nga á ze ahle suma ngat buzu suma ngal ndazina pet ti. Wani b’oziyozi suma hi Levi-na a mba, a ndjunuziya, gak a dap sun ndata, gak suma ngat buzu suma dingâ a mbut tazi yed’et, kayam suma hi Levi-na, huruzi min a mbut tazi yed’et kal suma ngat buzu suma hiuna.

Buzuk ka Abud’a 19:15

Mi dazi ala: Agi minigi tagi gak burâ hindi, ar agi zlabagi kamiyôgina d’uo mi.

Buzuk ka Abud’a 19:10

Ma didina mi de mi Moise ala: Ang i gen Israel-lâ, ang tinizi irazi vazi ini kavini, ar azi mbus baru mazina woi yed’et mi.

1 Sunda Hamuleinid’a 15:12

Mi dazi ala: Agi suma avok suma hi Levi-nina, agi ki b’oziyogina, agi mbud’ugi tagi yed’et, agi i hlagï zandu’â hi Ma didina Alona hi Israel-lîna ata yima an minimzi kama.

2 Sunda Hamuleinid’a 35:1

Josiyas mi le vun til ma Pa’â avo Jerusalem á he ngola mi Ma didina. A ngat tumiyôna á Pa’â kur bur ma dogo yam fid’ina hi til ma avo’îna.

2 Sunda Hamuleinid’a 35:7

Josiyas mi he d’uwar ma gureina mablau suma a nga toka ata yi mámina. Tumiyôna ki b’ogeina á Pa’â ablawazi pet ni 30.000 kamuzleina 3000 mi. Wan pet nahle suma a yozï avo hamulîna.

2 Sunda Hamuleinid’a 35:11

A ngat ahle suma a hazi á Pa’îna, suma ngat buzuna a yam buzu ma a vum abo suma hi Levi-nina kä yam yima ngal ahle suma ngat buzuna. Suma hi Levi-na a nga ze ahle suma a tchazina woyo.

2 Sunda Hamuleinid’a 5:11

Suma ngat buzuna pet suma a nga ata yi mámina, a buzuk kei ata yima a tinim iram vama. Sum ndazina pet a mbut ni tazi yed’et avok bei tit yam nguid’a hades mazinid’a.