2 Sunda Hamuleinid’a 35:3 - Bible azumeina

³ Mi de mi suma hi Levi suma a nga hat Israel-lâ pet suma a tin tazi irat vat yam Ma didinina ala: Agi djogogi zanduk ma a tinim iram vama kur gong nga Salomon David amul ma Israel-lâ goroma mi minita, agi hlagizi kelegi d’uo d’a. Ki tchetchemba, agi lagi sunda mi Ma didina, mi mam suma Israel-lâ mi.

2 Sunda Hamuleinid’a 35:3 Referans Kwoze

1 Sunda Hamuleinid’a 23:26

Suma hi Levi-na a dok yo zlub’ud’a kahle mat suma sunda burâ ki burâ d’uo d’a.

Malatchi 2:7

Kayam suma a wan an Alona nata ma ngat buzuna, suma a had’an gat manda natam mi, kayam mam mi ma an Ma didin ma ad’engên kal petna ni sunumina.

2 Sunda Hamuleinid’a 30:22

Ezekiyas mi had’enga mi suma hi Levi suma a nga ki wad’ud’a yam sunda hi Ma didinid’ina. A mut ahle suma a tchazi á vun tilîna gak burâ kid’iziya, a hahle suma ngat buzu suma zlap darigïd’a, a gile Ma didina Alona habuyozi ngolona mi.

Gat ta a hat á mbàd’id’a 33:10

Ni azi ba, a nga hat vun mang ma hed’a mi suma hi Jakob-ma, a nga hat gat manga mi Israel-lâ, a nga he dubang ma his djivid’ina kahle suma ngat buzu suma ngala yam yi mang ma ngal ahle suma ngat buzuna mi.

2 Korente-na 4:5

Kayam ami nga tchami wala ni yam ami tami d’i, wani ami nga tchami wala ni yam Jesus Christ ala mam mi Salad’a. Ami nga dagi ala ami nazungeî magina yam Jesus mi.

2 Sunda Hamuleinid’a 5:7

Bugola, suma ngat buzuna a i ki zanduk ma vun ma djinda hi Ma didinina mi nga kuana ata yima a tinim iram vam ma kal teglesâ krovo kur gonga kä ad’u giging tcherebêna.

2 Sunda Hamuleinid’a 34:14

Ata yima a yoï beged’a kur gonga hi Ma didinid’a woina, ma ngat buzuna Hilkiya mi fe mbaktum mba gata hi Ma didina d’a mi hat mi Moise-sa.

2 Sunda Hamuleinid’a 8:11

Salomon mi i ndeï amam mba Faron gorombid’a woi kur Azì ma ngolâ hi David-na, mi it kur azì ma mi minittchina, kayam mi dala: Amanda ti ndak á kak kur azina hi David amulâ hi Israel-lîna d’i. Kayam yima a tin zandu’â hi Ma didinina kuana ni yima a tinim iram vam mAlonina.

Ndumba 8:19

An ni he suma hi Levi-na ki zla tazi pet mi Aron azi ki groma aduk Israel-lâ, kayam azi le sunda kur zlub’u d’a ngaf tad’a mi Israel-lâ tala a zlubuzi yam tcho mazid’a d’a. Hina wani, tugud’ei d’a tchod’a mba d’i tum Israel-lâ ata yima azi mba hud’ï go ata yima a tinim iram vamina d’i.

2 Sunda Hamuleinid’a 17:7

Kur biza d’a hindi d’a mi nga mi tamulid’a, mi sun mam suma sunda, nala, Ben-Hayil, Obadiya, Zakari, Natanel ki Mikaya á hat suma kur azì ma nglo ma Juda-na.

Buzuk ka Abud’a 32:29

Moise mi dazi ala: Agi tinigi wa ini tagi iragi vagi mi Ma didina, kayam nge nge pî adigagi mi ngat wiyema d’oze goroma. Kayam ndata, ar Ma didina mi b’e vunam kagi ini.