2 Sunda Hamuleinid’a 35:11 - Bible azumeina

¹¹ A ngat ahle suma a hazi á Pa’îna, suma ngat buzuna a yam buzu ma a vum abo suma hi Levi-nina kä yam yima ngal ahle suma ngat buzuna. Suma hi Levi-na a nga ze ahle suma a tchazina woyo.

2 Sunda Hamuleinid’a 35:11 Referans Kwoze

2 Sunda Hamuleinid’a 29:34

Wani suma ngat buzuna a nga ablau d’i, a ndak nga á ze ahle suma ngat buzu suma ngal ndazina pet ti. Wani b’oziyozi suma hi Levi-na a mba, a ndjunuziya, gak a dap sun ndata, gak suma ngat buzu suma dingâ a mbut tazi yed’et, kayam suma hi Levi-na, huruzi min a mbut tazi yed’et kal suma ngat buzu suma hiuna.

2 Sunda Hamuleinid’a 30:16

A nga tchola ata yi mazi ma sunda d’igi a b’ir kur gata hi Moise sana hAloninid’a na. Suma ngat buzuna a nga yam buzu ma a vum abo suma hi Levi-nina kä yam yima ngal ahle suma ngat buzuna.

Ndumba 18:7

Ang ki grongâ agi ngomogi sun magi d’a ngat buzuna kahlena hi yima ngal ahle suma ngat buzunina kahle suma krovo bugol baru d’a ka irina pet, agi lagi sun magi d’a ngat buzuna. Wana ni sun nda an hagizi he d’a hawad’id’a. Sama ding ma mi tchila atatna, a mba tchum mbeyo.

Ndumba 18:3

Azi ngom vun mang ma hed’a, a ngom ahlena hi zlub’ud’ina pet mi. Wani azi hut go kahle suma a tinizi irazi vazina d’oze ki yima ngal ahle suma ngat buzuna d’uo kayambala agi ki azi bogi woi d’uo d’a.

2 Sunda Hamuleinid’a 35:1

Josiyas mi le vun til ma Pa’â avo Jerusalem á he ngola mi Ma didina. A ngat tumiyôna á Pa’â kur bur ma dogo yam fid’ina hi til ma avo’îna.

2 Sunda Hamuleinid’a 35:6

Agi mbud’ugi tagi yed’et, agi ngad’agi tumiyôna á Pa’â, agi minigi ahle mama yam b’oziyogi suma Israel-lâ, agi lagi ni d’igi zla d’a Ma didina mi dat avun Moise-sa na.

2 Sunda Hamuleinid’a 35:12

A tchuk hliu ma a hum á ngalina iram vam á hum mi suma ablaud’a ad’u andjavazi ad’u andjavaziya, tala azi hum mi Ma didina d’igi a b’ir kur gata hi Moise-sa na d’a, a le kamuzleina ni hina mi.

Esdras 6:20

Suma ngat buzuna ki suma hi Levi-na djak a mbut tazi yed’et, azi pet a mbut yed’et. A ngat tumiyôna yam vun til ma Pa’â yam suma a yozi magomba adjeuna, yam b’oziyozi suma ngat buzuna, yam azi tazid’a mi.