2 Sunda Hamuleinid’a 34:9 - Bible azumeina

⁹ Sum ndazina a i gen ma ngol ma ngat buzuna Hilkiya. A hum bege d’a a yod’ï kur gonga hAlona d’a suma hi Levi suma a ngom vun gonga a i vat abo suma hi Manase-na, abo suma hi Efraim-ma kabo Israel suma dingîd’a, zlapa ki bege d’a a vat abo suma Juda-nid’a ki d’a a vat abo suma Benjamin-nid’a pet ki d’a a vat abo suma avo Jerusalem-mid’a mi.

2 Sunda Hamuleinid’a 34:9 Referans Kwoze

2 Sunda Hamuleinid’a 35:8

Mam suma sunda a hahlena kur min mazid’a ki hur ma djivina mablaud’a, mi suma ngat buzuna, mi suma hi Levi-na mi. Suma a te yam gonga hAlonid’ina, nala, Hilkiya, Zakari ki Jehiyel, a he tumiyôna 2600 kamuzleina 300 á Pa’â mi suma ngat buzuna.

2 Sunda Hamuleinid’a 30:18

Ablau suma a mbut nga tazi yed’et tuo na, ngolozi ni suma hi Efraim-ma, suma hi Manase-na, suma hi Isakar-râ ki suma hi Zabulon-na. Wani a te nga Pa’â ata yam d’igi a b’ir kur gata na d’i. Kayam ndata, Ezekiyas mi tchen Alona kazi ala: Ang Ma didina ni Ma djivina. Ar ang vat hurung ngei

2 Sunda Hamuleinid’a 30:10

Suma a sunuzi ki mbaktumbina a nga i kur azì ma nglona teteng yam ambas sa Efraim-mba, yam ambas sa Manase-d’a, gak a mba yam ambas sa Zabulon-nda, wani a nga san ad’uziya, a nga lazazi mi.

Filip-ma 4:8

B’oziyona, zla d’a ara: Ar agi tinigi djib’er magid’a yam ahle suma djivi suma ndak á giled’ina kahlena pet suma gagazina kahle suma a yorozina kahle suma d’ingêrâ kahle suma yed’etna kahle suma djivi suma ndak á hud’ina.

2 Sunda Hamuleinid’a 34:22

Hilkiya azi ki suma ding suma amulâ mi manazina, a i avo hi d’a djok vun Alona Hulda d’a nga kaka avo Jerusalem kur kartiye d’a awilid’id’a. Natchad’a hi Salum ma Tokehat-na gorom ma Hasra gorom ngolonina ni ma ngom baru ma nga kur gong nga kud’orina. Azi vat ad’u zla d’a azi mba kata.

2 Sunda Hamuleinid’a 34:20

Amulâ mi he vuna mi Hilkiya, Ahikam Safan goroma, Apdon Mise goroma, Safan ma b’ir mbaktumba ki Asaya mam ma sunda, mi dazi ala:

2 Sunda Hamuleinid’a 34:18

Safan mi dum kua ala: Ma ngat buzuna Hilkiya mi han mbaktumba tu. Ata yi máma mi ndumut kä avok amulâ.

2 Sunda Hamuleinid’a 31:1

Kid’a abozi mi dap le vun tilîd’a, Israel-lâ pet suma a nga ata yi mámina, a i kur azì ma Juda-na, a i to ahina d’a nga tchola gongzonga woi pet, a to gonga halo d’a a yat ala Asera-d’a woi pet, a pleî yima nding ma a tuwal fileina kuana woi pet ki yi mam ma ngal ahle suma ngat buzuna pet. A le hina kur andaga d’a Juda-d’a pet, kur andaga d’a Benjamin-nda ki d’a Efraim-mba ki d’a Manase-d’a. Bugola, nge nge pî, mi i avo hatam kur aziyamu.

2 Amuleina 23:4

Bugola, amulâ mi he vuna mi ma ngol ma ngat buzuna Hilkiya ki suma avunama ki suma ngat buzu suma a nga ngom vun gong nga kud’ora hi Ma didinid’ina ala a yo ahle suma kur gonga hi Ma didinid’a suma a nga le ki sunda mi Bäl ki Asera kahle suma akulona woi pet. A i ngalazi sä woi bugol azì ma Jerusalem-ma avun toliyon nda Kedron-nda, a yo butna, a im sä woi Betel.

2 Sunda Hamuleinid’a 34:10

A mba a hat abo suma yam suna gonga hi Ma didinid’ina, a hat mi suma le sunda á le ki sunda kur gonga hi Ma didinid’a, á tcholot ad’enga, á minit yat ma b’lak keina akulo mi.