2 Sunda Hamuleinid’a 34:8 - Bible azumeina

⁸ Kur biza d’a dogo yam klavandi d’a Josiyas nga mi tamulid’a, mi tin ad’ud’a á mbut ambasa ki gong nga kud’ora yed’et. Mi sun Safan Asaliya goroma, Mäseya ma ngol ma hur azinina ki Jowa Jowahas gorom ma b’ir zla d’a led’a kä na á min gong nga kud’ora hi Ma didinid’a Alo mama yat ma b’lak keina akulo.

2 Sunda Hamuleinid’a 34:8 Referans Kwoze

2 Samuel 8:16

Jowap Seruya gorotna ni ma ngolâ hi azigarîna. Josafat Ahilut goroma ni ma b’ir zla d’a led’a kä na.

Ezekiyel 8:11

Suma nglo suma Israel-lâ dok kid’iziya a nga, adigazi Jäzaniya Safan goroma mi nga mi. Azi pet a nga tchola avok filei ma tetengâ, nge nge pî mi nga ki va mam ma ngal dubang ma his djivid’ina abomu, a nga ngal dubang ma his djivid’ina. Andosâ nga mi rip kazi kä ririp mi.

Jeremi 40:11

Juif suma a nga avo Mowap-ma ki suma a nga avo Amon-na ki suma a nga avo Edom-ma ki suma a nga kur ambas sa tetengina, a hum ala: Amul ma Babilon-na mi ar nga suma a arâ kur ambas sa Juda-d’a, mi tin wa Gedaliya Ahikam gorom ma Safan gorom ngolonina á te kaziya.

Jeremi 39:14

a sun a veï Jeremi kur gulumuna hi suma a ngom yinina, a mbam mi Gedaliya Ahikam goroma Safan gorom ngolona ala mi i ki sed’em avo hatamu. Jeremi mi ar kaka aduk suma.

Jeremi 36:10

Baruk mi ndum zlad’a hi Jeremi d’a mi b’irit kur mbaktum mba d’utid’a avok suma kur gong nga kud’ora hi Ma didinid’a, kur gonga hi Gemariya Safan ma b’ir mbaktumba goroma, kur atrang nga akulo ndinga avun Agrek ma Awilina hi gong nga kud’orina mi.

Jeremi 29:21

Wana ni zla d’a Ma didin ma ad’engêm kal petna, Alona hi Israel-lîna, mi dat yam Ahap Kolaya goroma ki Sedekiyas Mäseya goroma suma a nga djok vun ma ka zlad’a ki simiyêma. Mi dala: An mba ni hazi abo Nebukanezar amul ma Babilon-na. Mam mba mi tchazi kä iragiya.

Jeremi 29:3

Mi he mbaktum ndata abo Elasa Safan goroma ki Gemariya Hilkiya goroma suma Sedekiyas amul ma Juda-na mi sunuzi gen Nebukanezar amul ma Babilon-nina. Mi de kur ala:

Jeremi 26:24

Wani Ahikam Safan goroma nga mi ngom Jeremi. Ni kayam mam ba, Jeremi mi nde nga abo ablaud’a á tchum mbuo ni na.

Jeremi 21:1

Ata yima Sedekiyas mi sun Pasehur Malkiya goroma ki Sofoni Mäseya gorom ma ngat buzuna gen Jeremi-na, mi dazi ala: Agi i dum ala: Ang djop Ma didina kamiya, kayam Nebukanezar amul ma Babilon-na nga mi durumi ayîna. Dam Ma didina mba mi dur kamiya, mba mi lahle suma simat suma atchapma teteng tala Nebukanezar mi arami bei durâ d’a kla. Ma didina mi de mi Jeremi ala: Ang dazi zla d’a an dangzi wanda.

2 Sunda Hamuleinid’a 18:25

Ata yi máma amul ma Israel-lâ mi dazi ala: Agi vagi Mise, agi im mi Amon ma ngol ma hur azinina ki Jowas amulâ goroma.

1 Sunda Hamuleinid’a 18:15

Jowap Seruya gorotna ni ma ngolâ hi azigarîna. Josafat Ahilut goroma ni ma b’ir zla d’a led’a kä na.

2 Samuel 20:24

Adoram ni ma ngolâ hi suma ve tarina. Josafat Ahilut goroma ni ma b’ir zla d’a led’a kä na.

Jeremi 25:3

Tinï ad’ud’a kur biza d’a dogo yam hindi d’a Josiyas Amon goroma amul ma Juda-na nga mi tamulid’a dei gak ini, nda’î bizad’a dok mbà yam hindi, an ar nga bei ni dagi zla d’a Ma didina mi handji abonda d’i. Wani agi min humut ti.

2 Sunda Hamuleinid’a 24:5

Mi tok suma ngat buzuna ki suma hi Levi-na, mi dazi ala: Agi igi kur azì ma nglo ma Juda-na, agi taragi beged’a abo Israel-lâ pet bizad’a ki bizad’a á min ki gong nga kud’ora hi Ma didinid’a yat ma b’lak keina akulo. Agi i lagi ahle ndazina atogo! Wani suma hi Levi-na a le nga ahle ndazina atogo d’i.

2 Sunda Hamuleinid’a 24:12

Amulâ ki Jehojada a he bege ndata mi suma a tinizi á le suna gonga hi Ma didinid’ina, á wurak ki suma tchet ahinad’a ki suma tchet aguna ki suma a le suna kawei ma wuranina ki suma a le suna kawei ma hleunina á min ki gonga hi Ma didinid’a yat ma b’lak keina akulo.