2 Sunda Hamuleinid’a 34:7 - Bible azumeina

⁷ Mi to yima ngal ahle suma ngat buzuna mi fileina ma tetengâ kä woyo, mi kus agu ma murguli ma teteng ma a pum malo d’a a yat ala Asera-d’a ki filei ma teteng ma a tched’ema kä woi kikizek, mi mbud’uzi d’igi andaga d’a gugud’upa na, mi to filei ma afat ma tetengâ kä woi kur ambasa pet, tua ba mi hulong avo Jerusalem.

2 Sunda Hamuleinid’a 34:7 Referans Kwoze

2 Sunda Hamuleinid’a 31:1

Kid’a abozi mi dap le vun tilîd’a, Israel-lâ pet suma a nga ata yi mámina, a i kur azì ma Juda-na, a i to ahina d’a nga tchola gongzonga woi pet, a to gonga halo d’a a yat ala Asera-d’a woi pet, a pleî yima nding ma a tuwal fileina kuana woi pet ki yi mam ma ngal ahle suma ngat buzuna pet. A le hina kur andaga d’a Juda-d’a pet, kur andaga d’a Benjamin-nda ki d’a Efraim-mba ki d’a Manase-d’a. Bugola, nge nge pî, mi i avo hatam kur aziyamu.

Gat ta a hat á mbàd’id’a 9:21

An hle gor amuhl ma lor mala ni sun nda tcho d’a agi lat kabogid’a na, an ngalam mbei kakud’a, an lud’um mbei gak ni mbud’um butna, ni tchugum mbei aduk mbiyo ma nga mi djangî kä yam ahinad’ina.

2 Sunda Hamuleinid’a 34:1

Kid’a Josiyas mi kak amulid’a, bizamî klavandi. Mi tamula avo Jerusalem bizad’a dok hindi yam tu.

Buzuk ka Abud’a 34:13

Wani agi pleyêgi yi mazi ma teteng ma ngal ahle suma ngat buzuna woyo, agi togi filei mazi ma teteng ma tcheta woyo, agi kuzugi filei mazi ma a lum tetengâ woi mi.

Sunda hi suma hi Levi-nid’a 26:30

An mba ni b’lagagi yi magi ma nding ma fileina woyo, an mba ni to filei magi ma afata woyo, an mba tchugugi mad’agi akulo kamu, an mba ni gologi d’igi vama ndjendjed’a na mi.

2 Amuleina 23:19

Josiyas mi to gongîyo suma ata yima nding suma a minizi kur azì ma nglo ma Samari-na suma amulei suma Israel-lâ a minizi á zal hur Ma didina woi hina dedege d’igi mi to suma Betel-lâ woi na mi.

2 Sunda Hamuleinid’a 14:5

Mi min azì ma nglo ma ad’eng ma ngungu ma Juda-na, kayam ambasa ti kak ki halasa, sama durum ayîna kur biza ndatina nga d’uo mi, kayam Ma didina mi hum lovota á tuk tamu.

Isai 17:8

Mba mi mbut iram á gol yima ngal ahle suma ngat buzu ma mam minim kaboma tetengâ d’i, mba mi tin iram yam vama mam lum ki tchitchid’ama, d’oze yam alo d’a a yat ala Asera-d’a ki filei afata tetenga d’uo mi.

Mise 1:7

Filei mam ma tcheta mba mi kus seyo, he d’a hawa d’a mi fata, a mba tchugut aduk akud’a. An mba ni to alo mam ma tcheta woi kikizek, kayam mi gus ahle mam ndazina pet ni ki bege d’a gaulangâ, bege ndata a mba hulong wurak gaulang ma dingâ ki sed’et mi.

2 Amuleina 10:26

A yoï ahina d’a tchet ta kur gonga hi Bäl-lid’a woi abua, a ngalat tei kakud’a.

2 Amuleina 23:15

Josiyas mi b’lak yima ngal ahle suma ngat buzuna ki yima nding ma Jerobowam Nebat goroma mi minim avo Betel á zut ki Israel-lâ á le tchod’ina woyo, mi ngal yima nding máma woyo, mi mbud’um butna, mi ngal agu ma murguli ma a pum mi Asera-na woi mi.

2 Sunda Hamuleinid’a 14:2

Mi to yima teteng ma ngal ahle suma ngat buzuna malona hi suma dingîna ki yam ma nding ma tetengâ woyo, mi to gongîyo suma a minizi mi fileinina kagu ma murguli ma a puma woi mi.