2 Sunda Hamuleinid’a 34:32 - Bible azumeina

³² Amulâ mi le ki suma a mba Jerusalem-ma ki suma hi Benjamin-na á djin vunazi ki sed’em mi. Suma a nga kaka avo Jerusalem-ma a tit yam vun ma djin ma mi djinim kAlona habuyozi ngolonina.

2 Sunda Hamuleinid’a 34:32 Referans Kwoze

Jeremi 3:10

Hina pet pî, b’oziyozi suma Juda suma bei d’engzengâ a hulongî nga geven ki hur ma tuna d’i. An Ma didina ni de na.

Ma tchi wala 8:2

An nga ni dangû, ang ngom vun ma hed’a hamulîna, kayam gun nda ang gunum tang avok Alonid’a.

2 Sunda Hamuleinid’a 33:16

Mi hulong mi min yima ngal ahle suma ngat buzuna hi Ma didinina akulo, mi hahle suma ngat buzu suma zlap darigïd’a kahle suma ngat buzu suma le mersid’a mi, mi de mi suma Juda-na ala a kud’orî Ma didina Alona hi Israel-lîna tu go.

2 Sunda Hamuleinid’a 30:12

Alona mi le sunda ki suma Juda-na, mi hazi hur ma tuna á le sunda yam vun ma hed’a hamulîna ki ma hi mam suma nglo suma sundina d’igi Ma didina mi de na.

2 Sunda Hamuleinid’a 29:29

Ata yima abozi mi dapma, amulâ ki suma a nga zlapa ki sed’ema pet a hud’o kä, a grif kä andaga a kud’or Ma didina.

2 Sunda Hamuleinid’a 14:4

Mi to yima nding ma a ngal ahle suma ngat buzuna malo ma dingîna ki yima a ngal mbul ma his ma afufuîna kuana woi kur azì ma Juda-na pet. Kayam ndata, leu mamba ti kak ki halasa.

Ad’u Tinda 18:19

An manamu, kayam mam mba mi hat groma kandjavam á ngom vun ma he mana á tit yam d’ingêra ata lovod’od’u. Ni hina ba, an Ma didina mba ni ndak vun vun ma hle ma an hlumzina.

2 Sunda Hamuleinid’a 34:31

Amulâ mi ar tchola ata yamu. Mi djin vunam ki Ma didina á tit yam vun ma he mama, yam gat mamba ki hurum tu ki tam pet mi, á tit yam zlad’a hi vun ma djin mám ma a b’irit kur mbaktum ndatinid’a mi.

2 Sunda Hamuleinid’a 34:33

Josiyas mi b’lak sun nda ndjendje d’a kur ambasa hi Israel-lîd’a woi pet, mi tin Israel-lâ pet á kud’or Ma didina Alo mazina. Ata yima mam nga ki irama, Israel-lâ a wal nga woi ki Ma didina Alona habuyozi ngolona d’i.

2 Sunda Hamuleinid’a 15:12

A hle vunazi kur bur máma ala azi le minda hi Ma didina Alona habuyozi ngolona ki hur ma tuna ki tazi pet mi.

Esdras 10:3

Ei i djini vunei kAlo meina á dik arop ndazina ki grozina d’igi ang salana ki suma pet suma a nga le mandara gata hAlo meinid’ina a de na, ar ei lei d’igi gata ti de na mi.