2 Sunda Hamuleinid’a 34:3 - Bible azumeina

³ Wani kur biza d’a klavandi d’a mam nga mi tamulid’a, ata yima mam nga kazongôm tua na, mi tin ad’ud’a á hal Alona habum ngolo David-na. Kur biza d’a dogo yam mbàd’a, mi nde to yima nding ma a tinim iram vama ki gong nga kud’or ra a minit malo d’a a yat ala Asera-d’a ki filei ma a tched’ema ki filei ma kawei ma a yoroma woi kur ambas sa Juda-d’a ki suma kur azì ma Jerusalem-mina woi mi.

2 Sunda Hamuleinid’a 34:3 Referans Kwoze

2 Sunda Hamuleinid’a 33:22

Amon mi le sun nda tchod’a avok Ma didina d’igi abum Manase na d’ei. Mi kud’or filei ma abum Manase mi tched’ema pet, mi lum sunda mi.

2 Sunda Hamuleinid’a 15:2

Mi nde mi i fe Asa, mi dum ala: Amulâ Asa, agi ki suma Juda-na ki suma Benjamin-na pet, agi humugiya! Ata yima agi nga ki Ma didinina, mam nga ki sed’egiya. Le agi halamu ni, agi mba fumu. Le agi aram mbeyo ni, mam mba mi aragi woi mi.

Zla d’a d’ogolâ 8:17

An nga ni le yam suma a le kana, suma a nga halana a mba fan mi.

2 Sunda Hamuleinid’a 33:17

Wani suma a nga hahle suma ngat buzuna yam yima nding ma a tinim iram vam ma kur ambasina, wani a hazi ni mi Ma didina Alo mazina hol.

2 Timote 3:15

Kid’a ang gogora tua d’a, ang we mbaktumba hAlona d’a ndak á hang ned’a á ing kur suta yam gagazi d’a ang hat yam Jesus Christ-sa.

Matiye 6:33

Wani ar agi halagi leud’a hAlonid’a ki d’ingêr mamba avok tua. Hina wani, Alona mba mi hagi ahle suma a arâ kam kua.

Ma tchi wala 12:1

Ang azongâ, ang le furîd’a kur azong manga, ang le furîd’a kurung krovo ata yima ang nga kazongina, ang le vama hurung minima, ang tit kur lovot ta ang wat djivid’a iranga. Wani ang we woi tetet ala Alona mba mi yang ata yima ka sariyad’a.

Sawal la giled’a 119:9

Ni nana ba, azongâ mba mi tit tit ta irata ge? Nata yima nga mi ngom zla mangina.

2 Sunda Hamuleinid’a 30:14

A tchol akulo, a pleî yima ngal ahle suma ngat buzu ma tetengâ ki yima ngal dubang ma his djivid’a ma teteng ma avo Jerusalem-ma woyo, a tchuguzi sä woi kur toliyon nda Kedron-nda.

1 Sunda Hamuleinid’a 29:1

Amulâ David mi de mablaud’a suma pet suma a nga ata yi mámina ala: Ni gorona Salomon ba, Alona mi manamu, wani mi ni gogorâ tua, mi ne nga d’uo tua mi, wani sun ndata ti kal ngola heî. Kayam gong nga djif fa a mba minit ndata nga ni mi sa d’i, wani ni mi Ma didina Alona.

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

1 Sunda Hamuleinid’a 22:5

David mi dala: Gorona Salomon mi ni gogorâ tua, mi ne nga d’uo tua mi, wani gong nga a mba minit mi Ma didinid’a, simiyêt mba mi nde yina ki subura yam andagad’a pet. Ni kayam ndata ba, an min minim ahlena kad’u. Ni hina ba, David mi min ahlena ngola avok mat mama.

2 Amuleina 23:14

Mi to ahina d’a tcheta woyo, mi kus agu ma murguli ma a pum mi Asera-na kä woyo, mi oî asok suma yam yi máma mi.

2 Amuleina 23:4

Bugola, amulâ mi he vuna mi ma ngol ma ngat buzuna Hilkiya ki suma avunama ki suma ngat buzu suma a nga ngom vun gong nga kud’ora hi Ma didinid’ina ala a yo ahle suma kur gonga hi Ma didinid’a suma a nga le ki sunda mi Bäl ki Asera kahle suma akulona woi pet. A i ngalazi sä woi bugol azì ma Jerusalem-ma avun toliyon nda Kedron-nda, a yo butna, a im sä woi Betel.

2 Amuleina 18:4

Mi pleî yima ndingâ woyo, mi to ahina d’a tcheta kä woyo, mi kus agu ma murguli ma azi pum malo d’a a yat ala Asera-d’a woyo. Mi kus gugui ma kawei ma hleu ma Moise mi yoroma woi mbambak, kayam tinï ad’ud’a kur atchogoid’a hi Moise-sa dei gak kur atchogoi ndata, Israel-lâ a nga ngalam dubang ma his djivid’ina. Gugui máma a yum ala Nehustan.

1 Amuleina 13:2

Mi de zlad’a hi Ma didinid’a mi yima ngal ahle suma ngat buzuna ala: Ang yima ngal ahle suma ngat buzuna, ang yima ngal ahle suma ngat buzuna, ang hum zla d’a de d’a Ma didina mi data. Mi dala: Gor mandjufâ mba mi vut aduk suma hi David-na, a mba yum ala Josiyas. Mam mba mi ngal suma ngat buzu suma a tinizi ata yima nding mámina woyo! A mba ngal asok suma kang mi!

Sunda hi suma hi Levi-nid’a 26:30

An mba ni b’lagagi yi magi ma nding ma fileina woyo, an mba ni to filei magi ma afata woyo, an mba tchugugi mad’agi akulo kamu, an mba ni gologi d’igi vama ndjendjed’a na mi.

Buzuk ka Abud’a 34:13

Wani agi pleyêgi yi mazi ma teteng ma ngal ahle suma ngat buzuna woyo, agi togi filei mazi ma teteng ma tcheta woyo, agi kuzugi filei mazi ma a lum tetengâ woi mi.

2 Sunda Hamuleinid’a 34:33

Josiyas mi b’lak sun nda ndjendje d’a kur ambasa hi Israel-lîd’a woi pet, mi tin Israel-lâ pet á kud’or Ma didina Alo mazina. Ata yima mam nga ki irama, Israel-lâ a wal nga woi ki Ma didina Alona habuyozi ngolona d’i.

Mise 1:5

Ahle ndazina a mba hina pet ni yam so vuna handjafâ hi Jakob-mina, ni yam tchod’a hi Israel-lîd’a. Ni me ba, mi zut andjafâ hi Jakob-ma á so vuna ge? Ni suma Samari-na d’uo zu? Ni me ba, mi zut suma hi Juda-na á tuwal fileina ge? Ni suma Jerusalem-ma d’uo zu?

2 Amuleina 10:27

Azi to ahina d’a tcheta hi Bäl-lâ kä woyo, a to gonga hi Bäl-la tata kä woi mi, a mbud’ut ni yima o sutna gak ini.

2 Amuleina 20:5

Ang hulong gen Ezekiyas amulâ hi sum manina, ang dum ala: Ma didina Alona habung ngolo David-na mi dala: An hum tchen manga, an we simi mangâ mi. Gola! An nga ni tcholong akulo. Kur bur ma hindina ang mba fad’enga á i kur gong man nda kud’ora.

2 Sunda Hamuleinid’a 14:6

Mi de mi suma Juda-na ala: Ei mini azì ma nglo máma, ei nguyum ki gulumuna ki gongîyo suma fuyogei suma ndjola, ei dugi bapma avun ki kawei ma murgulina, kayam ambasa ti nga aboi tua. Ei ni suma d’engzengâ avok Alo meina. Ni kayam d’engzeng ndata ba, mi hei tuk tad’a ata yina pet wana! A min azì ma nglo máma akulo ki djivid’a.

2 Sunda Hamuleinid’a 33:15

Mi yo alona handjaf suma dingîna ki filei ma a tched’ema woi kur gong nga kud’ora hi Ma didinid’a, mi to yima ngal ahle suma ngat buzu suma mam minim yam ahina d’a gonga hi Ma didinid’a nga kua avo Jerusalem-ma woyo, mi tchugum sä woi bugol azì ma ngolâ.

Sawal la giled’a 71:5

Salad’a, Ma didina, an tin hurun ni kang angû, an tin hurun kangî ki gogoron dei.

Zla d’a d’ogolâ 20:11

Gogorâ le tit mamba ni yed’et toze ni d’ingêru ni, suma a wumî ata sun mam mba led’a.