2 Sunda Hamuleinid’a 34:27 - Bible azumeina

²⁷ Ang hum zla d’a an dat yam azì ma Jerusalem-ma ki suma a nga kaka kurumid’a woi tetet. Kayam ndata, ang mbut hurungû, ang ge yang kä avoronu, ang haû baru mang ma atangâ woyo, ang tchi ki simina irang mi. An pî ni, ni humungû. An Ma didina ni de na.

2 Sunda Hamuleinid’a 34:27 Referans Kwoze

2 Sunda Hamuleinid’a 32:26

Ata yi máma Ezekiyas mi hulong yam kä ki suma a nga kaka avo Jerusalem-ma, tala ata yima Ezekiyas mi nga ki irama, ar Ma didina hurum mi zal kazi d’uo d’a.

Ezekiyel 9:4

Mi dum ala: Ang i kur azì ma ngol ma Jerusalem-ma pet, ang b’ir vama taka avor suma a nga hat huruzi suma a nga tchi yam ndjendje d’a lara ge pet ta suma a nga lat kurumba.

Sawal la giled’a 34:18

Ata yima suma d’ingêrâ a nga tchi ala mi ndjunuziya na, Ma didina nga mi humuziya, nga mi pad’azi woi kur ndak mazid’a pet mi.

Isai 65:24

An mba ni humuzi avok bei azi tchenenu, an mba ni humuzi ata yima azi de nga zlad’a d’uo tua na.

Isai 66:2

Ma didina mi de kua ala: Ahle suma agi wazi pet wana, ni an ba ni lazi kabonu. An nga ni dagiya, azi pet ni mana. Sama tan lan djivid’a kama ni ma hohou ma nga mi hum zla manda ki mandarâ nga mi zlak avorotna.

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Sawal la giled’a 51:17

Salad’a, ang malan vunan ndeyo, an mba ni suburungû.

Sawal la giled’a 10:17

Ma didina, ang nga hum zla d’a suma lulumana huruzi minita, ang nga hazi ad’enga, ang nga tin humang

2 Sunda Hamuleinid’a 34:19

Ata yima amulâ mi hum zlad’a hi gatid’ina, mi haû baru mama woi atamu.

2 Sunda Hamuleinid’a 33:12

Ata yima mi nga kur ndakina, mi tchen Ma didina Alo mama, mi hulong yam kä avok Alona habuyom ngolona.

2 Sunda Hamuleinid’a 12:7

Ata yima Ma didina mi we d’ala a hulong wa yazi kä d’a, mi hulong de mi Semaya ala: Sum ndazina a hulong wa yazi kä. Kayam ndata, an mba ni b’lagazi woi d’i, an mba ni le lovota á sut suma dingâ adigazi tcha, an mba ni i ki hur man ma zala gak ar Sisak mi b’lak Jerusalem mbei d’uo mi.

2 Sunda Hamuleinid’a 33:19

Tchen mamba ki hum mba Alona mi humuta ki tcho mam mba mi lata ki sun mam mba ata yat tuo d’a ki yima mi min yima ndingâ kua á kud’or fileinina ki gong nga kud’or ra mi minit malo d’a a yat ala Asera-d’a ki filei ma mam tched’em avok kä bei mam hulong yam kä d’a, a b’irizi nga kä kur Mbaktumba hi Hozai-d’a.

Ezekiyel 36:26

An mba ni hagi hur ma awilina, an mba ni hagi muzuk ma awilina kurugiya, an mba ni pat hurugi ma ad’enga d’igi ahinad’a na na woyo, an mba ni hagi hurâ hi sanina kurugiya.

Buzuk ka Abud’a 10:3

Moise azi ki Aron a i gen Faron, a dum ala: Ma didina Alona hi Hebre-nina mi dala: Ang mba noî á ge yang kä avok an Ma didina hina gak mindja ge? Ang ar sum mana a i á kud’uronu.

2 Samuel 1:11

David mi haû baru mam ma atama woyo. Suma ki sed’ema pet a haû baru ma atazina woi mi.

2 Sunda Hamuleinid’a 34:26

Wani agi i dagi mamul ma Juda ma mi sunugï á djobona ala: Zla d’a an Ma didina Alona hi Israel-lâ ni dat yam zla d’a ang humuta ba wana:

2 Sunda Hamuleinid’a 34:28

An mba ni arang ang mba mit ki halasa, a mba tozong kur zul manga bei ang we ndak ka an nga ni mbat yam azì ma Jerusalem-ma ki suma a nga kaka kurumid’a ba. Ma ngol ma ngat buzuna Hilkiya ki ndrom suma ki sed’ema a mba väd’u zla ndata mamulâ Josiyas.

2 Sunda Hamuleinid’a 33:13

Mi tchenemu. Ma didina mi hum tchen mam mba hud’a, mi wum hohowomu, mi hulongôm avo Jerusalem kur leu mamba. Ata yi máma Manase mi wala Ma didina nAlo ma iratna.

Sawal la giled’a 6:9

Agi suma lagi tchod’ina pet, agi hud’ugi sä woi dei gevenu, kayam Ma didina mi humun wa delen nda tchina.

Isai 66:5

Agi suma nga humugi zlad’a hi Ma didinid’a ki mandarâ ki zlakina, agi humugi zla d’a b’oziyogi suma a noyôgi a aragi woi yam simiyêna a nga data. A nga dala: Ar Ma didina mi tak subur mamba woyo, ami wami furî magid’a mi. Wani ni azi ba, a mba mbut zulona.