2 Sunda Hamuleinid’a 34:14 - Bible azumeina

¹⁴ Ata yima a yoï beged’a kur gonga hi Ma didinid’a woina, ma ngat buzuna Hilkiya mi fe mbaktum mba gata hi Ma didina d’a mi hat mi Moise-sa.

2 Sunda Hamuleinid’a 34:14 Referans Kwoze

Wana ni Zla d’a Djivi d’a Luc mi b’irita 2:39

Kid’a Jesus simiyêm a lahlena pet ndak yam gata hi Salad’id’a, a hulong Galile kur azì mazi ma ngol ma Nazarat-na.

Jeremi 8:8

Ma didina mi dala: Ni nana ba, agi ndak á dagi ala: Ami ni suma ned’a, ami ni suma gata hi Ma didinid’a nga abomina ata yima magi suma hat gat suma ka zlad’a a nga had’at ata lovod’ot tuo na ge?

Isai 30:9

Kayam sum ndazina a ni suma bei hum vuna, a ni gro suma ka zlad’a, a ni gro suma a nga hum gata hi an Ma didinid’a d’uo na mi.

Isai 5:24

Kayam ndata, a mba mbut ni d’igi asu ma sod’a ki kuzad’a na, sin akud’a mba d’i ngalazi woyo, sideyezi mba mi tchim mbeyo, b’ozi mba d’i galal kä woi andaga mi, kayam azi noî gata hi Ma didin ma ad’engêm kal petnid’a woyo, azi gol zlad’a hi Ma tin tam irat vat yam Israel-lîna is mi.

Esdras 7:10

Kayam Esdras mi he tam á wäd’u zlad’a hAlonid’a, á tit yam gata hAlonid’a, á hat Israel-lâ yam gata hAlonid’a ki vun ma he ma tetengâ mi.

2 Sunda Hamuleinid’a 35:26

Sunda hi Josiyas sa ara ki sun mam mba djivi d’a mi lat yam Alonid’a, ti ndjak ki zla d’a nga b’ira kä kur gata hi Ma didinid’a mi.

2 Sunda Hamuleinid’a 34:9

Sum ndazina a i gen ma ngol ma ngat buzuna Hilkiya. A hum bege d’a a yod’ï kur gonga hAlona d’a suma hi Levi suma a ngom vun gonga a i vat abo suma hi Manase-na, abo suma hi Efraim-ma kabo Israel suma dingîd’a, zlapa ki bege d’a a vat abo suma Juda-nid’a ki d’a a vat abo suma Benjamin-nid’a pet ki d’a a vat abo suma avo Jerusalem-mid’a mi.

2 Sunda Hamuleinid’a 31:4

Mi de mi suma Jerusalem-ma ala a hahlena mi suma ngat buzuna ki suma hi Levi-na, kayam a fad’enga á tit kur gata hi Ma didinid’a memet.

2 Sunda Hamuleinid’a 12:1

Ata yima Robowam leu mamba fad’enga mam tamba mi sira ngingi mi na, mi ar gata hi Ma didinid’a woyo. Israel-lâ pî a ar gata hi Ma didinid’a woi ki sed’em mi.

Josue 1:8

Ar ang wal lei ki mbaktumba hi gatid’a d’i, ang dugud’ot ndumba á djib’er kat andjege ki falei á ngomot á tit yam ahlena pet suma a b’irizi kuana. Hina wani, ang mba ndak vun ahlena pet suma ang mba lazina, ang mba fazi mi.

Sunda hi suma hi Levi-nid’a 26:46

Wana ni gata ki vun ma hed’a ki hata suma Ma didina mi tinizi adigam ki Israel-lâ abo Moise yam ahina d’a Sinai-d’ina.

Sunda hi suma hi Levi-nid’a 10:11

Agi had’agi Israel-lâ gat ta an Ma didina ni hazizi avunang ang Moise-sa.

Sunda hi suma hi Levi-nid’a 8:36

Aron azi ki groma a le sunda yam zla d’a Ma didina mi he vuna kat mi Moise-sa pet mi.

2 Amuleina 18:18

Azi yamulâ. Eliyakim Hilkiya gorom ma ngol ma yam azì ma amulina ki Sepna ma b’ir mbaktumba hamulîna ki Jowa Asaf gorom ma b’ir zla d’a led’a kä na, a buzugï woi kur azina, a mba geveziya.

2 Sunda Hamuleinid’a 34:15

Ata yi máma Hilkiya mi de mi ma b’ir mbaktumba Safan ala: An fe mbaktum mba Gata kur gong nga kud’ora hi Ma didinid’a. Hilkiya mi he mbaktum ndata mi Safan.