2 Sunda Hamuleinid’a 34:13 - Bible azumeina

¹³ a ni suma yam suma zi ahlena yam suma a le sun nda lara ge petna. Suma hi Levi suma dingâ a ni suma b’ir mbaktumba, a ni suma nglo suma gol sunda ki suma a kak ndjolina mi.

2 Sunda Hamuleinid’a 34:13 Referans Kwoze

Nehemi 4:10

Wani suma Juda-na a dala: Suma yo ahlena ad’engêzi nga d’i. Kayam butna kal ngola heî, ei ndak á tewei gulumuna d’i.

2 Sunda Hamuleinid’a 2:18

Mi yo suma 70.000 á zi ahlena, suma 80.000 á tchet ahinad’a akulo yam ahinad’a ki suma 3600 á gol sunda abo suma mi.

Matiye 26:3

Ata yi máma, nglo suma ngat buzuna azi ki suma nglona hi Juif-fîna, a tok hur azina hi ma ngol ma ngat buzu ma a yum ala Kayif-fâ.

Jeremi 8:8

Ma didina mi dala: Ni nana ba, agi ndak á dagi ala: Ami ni suma ned’a, ami ni suma gata hi Ma didinid’a nga abomina ata yima magi suma hat gat suma ka zlad’a a nga had’at ata lovod’ot tuo na ge?

2 Sunda Hamuleinid’a 19:11

Gola! Ma ngol ma ngat buzuna Amariya ni ma ngol ma kagi yam ahlena hi Ma didina petna. Zebadiya Ismael gorom ma te yamba kur azì ma Juda-na ni ma yam ahlena hamulâ petna, suma hi Levi-na ni magi suma nglo suma ka sariyad’a. Agi kagagi ngingring, kagi sariya d’a d’ingêra! Ar Ma didina mi kak ki sama mba mi le djivid’ina!

2 Sunda Hamuleinid’a 8:14

Mi tinizi d’igi abum David mi tin suma ngat buzuna adesâ teteng kur sun mazid’a na. Mi tin suma hi Levi-na kur sun mazid’a á gile Ma didina, á le sun mazid’a avok suma ngat buzuna d’igi a he vuna á lat burâ ki burâ na. Mi tin suma ngom vun agre’â a i avun agre’â ad’u ades mazina ad’u ades mazina d’igi David sana hAlonina mi he vuna na mi.

2 Sunda Hamuleinid’a 8:10

Suma nglo suma Salomon mi tinizi yam sun mambina, a ni kikisâ mbà yam dok vahl, mi tinizi ná gol sun nda lara ge pet ta suma ablaud’a a nga lata.

2 Sunda Hamuleinid’a 2:10

An lut nga afut gemena tonna 6000, afut awu orsâ tonna 6000, süm guguzlud’a lidirâ 800.000, mbulâ lidirâ 800.000 yam azungeî mang suma ka aguna.

1 Sunda Hamuleinid’a 16:42

Heman azi ki Jedutun a nga bu adif fa nglod’a ki tchigiyeud’a kahle suma a buzi á hle ki sawala á he ngola mAlonina. Jedutun groma a ni suma ngom vun yima a tinim iram vam mi Ma didinina.

1 Sunda Hamuleinid’a 16:38

Mi tin Obet-Edom azi ki b’oziyoma dok karagaya yam klavandi á ngom vun gong nga zandu’â hi Ma didinina mi nga kuad’a, zlapa ki Obet-Edom Jedutun goroma ki Hosa mi.

1 Sunda Hamuleinid’a 15:18

B’oziyozi suma a ngom vun agre’â hi gong nga kud’ora hAlonid’a suma a ndjar kazi á mbàd’ina ni Zakari, Ben, Jäziyel, Semiramot, Jehiyel, Uni, Eliyap, Benaya, Mäseya, Matitiya, Elifele, Mikneya, Obet-Edom ki Jeyel.

1 Sunda Hamuleinid’a 9:17

Suma a ngom vun agre’â hi gong nga kud’ora hAlonid’ina ba wana: Salum, Akup, Talmon ki Ahiman zlapa ki b’oziyozina. Salum ni ma ngol mazina.

2 Amuleina 7:10

Kayam ndata, azi hulong a yï suma ndjol vun agrek ma ngolâ, a dazi ala: Ami imi kur kangâ hi suma Siri-na, wani ami fami nga sa tu d’i, ami humumi nga del sa d’uo mi. Arî akulumeina ki korona a nga ndjinda kä ni azi hol, a ar zlub’ud’a kä woi mumudjuk mi.