2 Sunda Hamuleinid’a 33:9 - Bible azumeina

⁹ Wani Manase mi zut suma Juda-na ki suma a nga kaka avo Jerusalem-ma á le tchod’a kal andjaf suma Ma didina mi dabazi woi tchid’a avok Israel-lîna.

2 Sunda Hamuleinid’a 33:9 Referans Kwoze

Zla d’a d’ogolâ 29:12

Le sama te yamba nga mi hum zla d’a kad’a ni, mam suma nglona pet a mba mbut ni suma ka zlad’a mi.

2 Sunda Hamuleinid’a 33:2

Mi le sun nda tchod’a avok Ma didina, mi tit ni yam sun nda ndjendje d’a lara ge pet ta andjaf suma Ma didina mi digizi woi adjeu avok yam andagad’a á ar yina mi Israel-lîna a lata.

Mise 6:16

Agi hlagi ni zlad’a hamulâ Omri-d’a ki zlad’a hi suma hi Ahap-mid’a, agi tid’igi ni yam d’al mazina. Ni kayam ndata ba, an nga ni mba ki b’laka yam azì magi ma ngolâ, an mba ni mbud’ugi agi suma kuruma vama lasa, agi mba zigi zulona hi sum manina mi.

2 Amuleina 23:26

Hina pet pî, Ma didina hurum mi zal ngola heî yam suma Juda-na, mi vat nga hurum mbei d’i, kayam ahle suma pet suma amulâ Manase mi lazina a zalam hurum ngola heî.

2 Amuleina 21:16

Manase mi tchi suma bei zlad’a kazina ngola, gak azì ma Jerusalem-ma mi oî ki buzuna, bei de zla d’a tcho d’a mam lat avo Juda-d’a ki sun nda tcho d’a mam lat avok Ma didinid’a ba.

1 Amuleina 15:26

Mi le nga vama djivi avok Ma didina d’i; tit mamba ni tchod’a d’igi abum na. Mi le tchod’a dedege d’igi abum mi zut Israel-lâ á le tchod’a na mi.

1 Amuleina 14:16

Mba mi arazi woyo, kayam Jerobowam mi zud’uzi á le tchod’a.

Josue 24:8

An tid’ï ki sed’egi yam ambasa hi suma Amor suma sä kaka abo alum ma Jurdê-na woi hî na. Azi ndagi ayîna, wani an hagizi abogiya, an b’lagazi woi avorogiya; agi hlagi ambas mazid’a.

Gat ta a hat á mbàd’id’a 2:21

Ni suma ad’eng suma ablauna, ni suma fuyogeid’a d’igi suma Ana’â na na. Wani Ma didina mi dabazi woi avok suma Amon-na, a digizi woyo, a kak blangâziya.

Sunda hi suma hi Levi-nid’a 18:24

Ar agi mbud’ugi tagi ndjendjed’a kahle ndazina d’i, kayam ni kahle ndazina ba, andjaf suma an nga ni digizi woi avorogina, a mbut ki tazi ndjendjed’a.

2 Sunda Hamuleinid’a 33:8

Le Israel-lâ a ngom vun ma he mana ki gat manda pet ta azong mana Moise mi dazizid’a ni, an mba ni walazi woi dei kandaga d’a an hat mabuyozi ngolod’a d’i.

2 Sunda Hamuleinid’a 33:10

Ma didina mi de mi Manase ki sum mama hina kö, wani azi nga hum mbi.

Ezekiyel 5:7

Ni kayam ndata ba, an Salad’a Ma didina nga ni dagiya: Agi lagi sun nda batranga kal andjaf suma a nguyugina, kayam agi tid’igi nga yam gat manda ki vun man ma hed’a d’i, agi tid’igi nga yam gata handjaf suma a nguyugina d’uo mi.

2 Sunda Hamuleinid’a 28:19

Ma didina mi hulong yam suma Juda-na kä, kayam Ahas amul ma Israel-lâ mi mba ki batranga aduk suma Juda-na, mi le sun nda ata yat tuo d’a avok Ma didina.