2 Sunda Hamuleinid’a 33:14 - Bible azumeina

¹⁴ Bugol ahle ndazina, mi min gulumun ma woi abu avun Azì ma ngolâ hi David-nina abo ma fladegena hi mbiyo ma lau ma Gihon-na kur hora gak mi mbaza avun agre’â hi kulufîna. Mi ngui Ofel lei d’uhl, mi minim akulo fiyaka dei, mi tin azigar suma nglona kur azì ma ad’eng ma ngungu ma kur Juda-na pepet mi.

2 Sunda Hamuleinid’a 33:14 Referans Kwoze

Nehemi 3:3

Andjafâ hi Sena-na a min vun agre’â hi kulufîna, a b’al aguna kua, a b’al bapma avunamu, a dugum akulo, a wat kaweina latana kua mi.

2 Sunda Hamuleinid’a 27:3

Ni mam ba, mi min vun agrek ma akulo nding ma avun gong nga kud’ora hi Ma didinid’ina, mi le sunda ngola yam gulumun ma yam yima a yum ala Ofel-lâ.

1 Amuleina 1:33

Mi dazi ala: Agi togogi azungeî man suma d’engzengâ, agi hlagi gorona Salomon, agi tinim yam koro ma nda amula, agi igi ki sed’em avun mbiyo ma lau ma Gihon-na.

Sofoni 1:10

An Ma didina nga ni dagiya: Kur bur máma a mba humï tchina avun agrek ma Kulufâ, a mba humï wulula ir palumba habo azì ma awilina hazì ma ngolîna. Ni b’lak ka ngol la yam yima ndingîd’a.

Nehemi 12:39

Bugola, ami mbamiza avun agre’â hi Efraim-ma, yam vun agrek ma adjeuna, yam vun agrek ma kulufâ, ata yima gong nga ndjola hi Hananel-la ki d’a hi Meya-d’ina gak mbamiza avun agre’â haho’îna, ami tcholomi avun agre’â hi azigar suma a ngom azina hamulîna.

2 Sunda Hamuleinid’a 32:30

Ezekiyas mi tozï ir mbiyo ma Gihon ma akulo ata yima ndingîna, mi ngomï iram djangâ kä ad’u andagad’a abo ma fladegena hAzì ma ngolâ hi David-na. Ezekiyas sun mamba ti labom djivid’a pet.

2 Sunda Hamuleinid’a 32:5

Ezekiyas mi ve tam ad’enga, mi min gulumuna iram mba b’lak keid’a akulo, mi min gong nga fiyak ka ndjola akulo, mi min gulumun ma ad’eng ma dingâ woi abua, mi hulong mi min Milo d’a kur Azì ma ngolâ hi David-nid’a ad’enga ngungu, mi zle ahle suma dur ayîna ablaud’a ki mboriyona mi.

2 Sunda Hamuleinid’a 17:19

Wana ni azigar suma sun suma hamulâ suma avo Jerusalem-ma. Suma ding suma a nga woi kur azì ma nglo ma ad’eng ma ngungu ma Juda-na a nga woi kua tua mi.

1 Amuleina 1:45

Ata yi máma Sadok azi ki Natan a vom mbulâ kam a tinim amula avun mbiyo ma lau ma Gihon-na. Bugola, suma pet suma a tcholï ata yi mámina a nga le furîd’a kamu. Suma kur azinina pet a tum akulo. Ni ndata ba, agi nga humugi siwela wana.

Isai 32:14

Kayam a ar azì ma amula kazì ma ngol ma suma a nga le vuna kua gandjauna woyo. Yima ndingâ ki gong nga fiyak ka ndjola, a mba mbut ni domi ma ngeid’a yam koro ma abageina ki iram fafat, a mba mbut ni yima pol d’uwarâ mi.