2 Sunda Hamuleinid’a 33:12 - Bible azumeina

¹² Ata yima mi nga kur ndakina, mi tchen Ma didina Alo mama, mi hulong yam kä avok Alona habuyom ngolona.

2 Sunda Hamuleinid’a 33:12 Referans Kwoze

Sawal la giled’a 50:15

Ata yima agi nga kur ndakina, agi yanu. Hina wani, an mba ni sud’ugiya, agi mba suburun mi.

2 Sunda Hamuleinid’a 32:26

Ata yi máma Ezekiyas mi hulong yam kä ki suma a nga kaka avo Jerusalem-ma, tala ata yima Ezekiyas mi nga ki irama, ar Ma didina hurum mi zal kazi d’uo d’a.

Buzuk ka Abud’a 10:3

Moise azi ki Aron a i gen Faron, a dum ala: Ma didina Alona hi Hebre-nina mi dala: Ang mba noî á ge yang kä avok an Ma didina hina gak mindja ge? Ang ar sum mana a i á kud’uronu.

Jacques 4:10

Agi gagi yagi kä avok Salad’a, mam mba mi hlagi yagi akulo.

Sunda hi suma a sunuzinid’a 9:11

Salad’a mi dum ala: Ang tchol atogo, ang i kur palum mba a yat ala D’ingêra d’a. Ang i hal sama a yum ala Saul-lâ, ni sama Tarsis-sâ. Mi nga avo hi Judas, nga mi tchen Alona kua.

Mise 6:9

Ma didina nga mi de zlad’a mi suma a nga kur azì ma ngolîna. Sama ned’a ni sama ge yam kä ad’u ad’eng mambina. Agi suma ad’u andjafâ hi Juda-nina, agi suma pet suma nga toka kur azì ma ngolîna, agi humugiya.

Wana ni mbaktumba hi Oze-d’a 5:15

Ma didina mi dala: An mba ni iya, an mba ni hulong ata yan ma kaka gak azi we tcho mazid’a, gak azi mba mba á wan iranu. Fata azi nde kur ndakid’a, a mba halan ki hur ma hata.

2 Sunda Hamuleinid’a 33:23

Mi hulong nga yam kä avok Ma didina d’igi abum Manase mi hulong yam kä na d’i. Amon nga mi le tchod’a avogovogo, zlad’a nga kam avok Ma didina.

2 Sunda Hamuleinid’a 28:22

Amulâ Ahas kur ndaka hina pî, nga mi i avogovok ki sun nda ata yat tuo d’a avok Ma didina.

2 Sunda Hamuleinid’a 28:5

Kayam ndata, Ma didina Alo mama mi hum abo amul ma Siri-na. Suma Siri-na a kus kamu, a yo sum mama ablaud’a, a i ki sed’ezi Damas. Mi hum abo amul ma Israel-lâ mi, mi kus kam kus sa ngola.

Sawal la giled’a 118:5

Kid’a an nga kur ndakid’a, an yi Ma didina; Ma didina mi humunu, mi pad’an ndei kuru.

Sawal la giled’a 120:1

Ni sawal la suma a djak Jerusalem á lü vun tilîna a hlata. Kur ndak manda an yi Ma didina, mi hulongôn humba.

Sawal la giled’a 130:1

Ni sawal la suma a djak Jerusalem á lü vun tilîna a hlata. Ma didina, kur zul la yiyaka hi ndak man nda ngolid’a, an nga ni yangû.

Sawal la giled’a 130:2

Ma didina, ang humun delenu! Ang tin humang djivid’a á hum tchen manda!

Jeremi 13:18

Ang de mamulâ kasum mba amula ala: Agi bululugi kä andaga kayam avaval magi d’a amula ti nde wa kä woi kagi da’.

Jeremi 36:7

Dam tchen mazi d’a hud’a mba d’i i avok Ma didina, azi nge nge pî mba mi hulongî ar tit mam mba tchod’a woyo, kayam ayîna ki hur ma zala hi Ma didina ma mi zalam yam sum ndazinina mi kal ngola heî.

Daniel 4:36

Ata yi máma djib’er manda ti mba, ngola hi leu manda ki subur mata ki wile mat ta ngal wiwilika a hulongôndjiya. Man suma de d’alâ ki man suma nglo suma te yamba a halanu, a hulong a tinin yam zlam man nda amula, a han ngola kal la avoka mi.

2 Sunda Hamuleinid’a 12:7

Ata yima Ma didina mi we d’ala a hulong wa yazi kä d’a, mi hulong de mi Semaya ala: Sum ndazina a hulong wa yazi kä. Kayam ndata, an mba ni b’lagazi woi d’i, an mba ni le lovota á sut suma dingâ adigazi tcha, an mba ni i ki hur man ma zala gak ar Sisak mi b’lak Jerusalem mbei d’uo mi.

2 Sunda Hamuleinid’a 15:2

Mi nde mi i fe Asa, mi dum ala: Amulâ Asa, agi ki suma Juda-na ki suma Benjamin-na pet, agi humugiya! Ata yima agi nga ki Ma didinina, mam nga ki sed’egiya. Le agi halamu ni, agi mba fumu. Le agi aram mbeyo ni, mam mba mi aragi woi mi.

2 Sunda Hamuleinid’a 15:4

Wani kur ndak mazid’a azi hulong gen Ma didina Alona hi Israel-lîna, a halamu, mi arazi a fum mi.

2 Sunda Hamuleinid’a 34:27

Ang hum zla d’a an dat yam azì ma Jerusalem-ma ki suma a nga kaka kurumid’a woi tetet. Kayam ndata, ang mbut hurungû, ang ge yang kä avoronu, ang haû baru mang ma atangâ woyo, ang tchi ki simina irang mi. An pî ni, ni humungû. An Ma didina ni de na.

Jonas 2:2

Jonas mi nga kur kulufâ, mi tchen Ma didina Alo mama.