2 Sunda Hamuleinid’a 33:11 - Bible azumeina

¹¹ Ata yi máma Ma didina mi mba ki azigar suma nglo suma hamul ma Asiri-na atam á durâ. A vumu, a tchom atchinam ki kawei ma vunam gundina, a djinim ki kindjing ma hleuna, a mbam avo Babilon.

2 Sunda Hamuleinid’a 33:11 Referans Kwoze

Gat ta a hat á mbàd’id’a 28:36

Ma didina mba mi igi kamul ma agi mba tinigizi kagina aduk andjaf suma agi d’oze abuyogi ngolo a wazi nga yazi tu d’uo na. Ata yi máma agi mba kud’urogi alo ma ding ma ahinad’a ki ma aguna.

2 Sunda Hamuleinid’a 36:6

Nebukanezar amul ma Babilon-na mi mba dur ayîna atamu, mi djinim ki kindjing ma kawei ma hleuna, mi i ki sed’em Babilon.

Hor ma tchina 3:7

Mi nguyun kä ki gulumuna ala an nde woi d’i. Mi tchugun kindjingâ asen mi.

Isai 36:9

Le azigar mang ma ad’engâ mi ndak á dur ki azigar ma amangeî ma kal teglesâ hi salanina d’uo ni, ni nana ba, ang tin hurung yam pus ma dur ayîna kakulumeina hi Ezipte-na ge?

Isai 10:8

A dala: Mami suma nglona a ni d’igi amulei suma nglona na d’uo zu?

Nehemi 9:37

Nga d’i zul ahligiyet mamulei suma ang hazi ad’enga á te kamina kayam tcho mamid’a. A nga te kami ki d’uwar mamina kur min mazid’a. Ami nga kur ndak ka ngola mi.

Nehemi 9:32

Ki tchetchemba, ang Alo mamina, angî ma ngolâ, angî ma sib’ika, angî ma kal papana, angî ma nga ngom vun mang ma djindina, angî ma nga mi we hohowa sumina, ar ang gol ndak ka nga d’i lamid’a d’igi vama gor go hina d’i, nala, ndak mamid’a ki d’a amulei maminid’a ki d’a hi suma nglo maminid’a ki d’a hi suma ngat buzu maminid’a ki d’a hi suma djok vun maminid’a ki d’a habuyomi ki sum maminid’a pet ta ami fad’ï kur atchogoid’a hamulei suma Asiri-nid’a dei gak inid’a.

2 Amuleina 25:6

Suma Babilon-na a vumu, a im mamul ma Babilon-na avo Ribla. Mi kam sariyad’a kam ata yi máma.

2 Amuleina 23:33

Faron Neko mi vum mi djinim ki kindjingâ avo Ribla yam andaga d’a Hamat-ta, kayam mi tamula avo Jerusalem mbuo d’a. Ata yi máma Faron Neko mi tin tara yam suma kur ambasina kawei ma hapma tonna hindi, lora kilona dok hindi mi.

1 Samuel 13:6

Israel-lâ a wala azi navun bad’a, kayam suma Filistê-na a hebezi ped’et. Kayam ndata, nge nge pî mi hal yi mam ma ngei tama, suma dingâ aduk ahuniyôna, suma dingâ aduk azlupa, suma dingâ kur golongeî suma adjeuna, suma dingâ kur yima ngeid’a teteng mi.

2 Amuleina 20:18

Azi mba yo grong suma kurung suma ding suma ang mba vud’uzina, a mba mbud’uzi suma ngom aropma hur azina hamul ma Babilon-nina.

2 Amuleina 21:17

Sunda hi Manase d’a ara kahle suma mi lazina pet ki tcho d’a mi he tam kat á lata mi a b’irizi nga kä kur Mbaktum mba de zlad’a yam Sunda hAmulei suma Juda-nid’a.

2 Sunda Hamuleinid’a 21:16

Ma didina mi zut suma Filistê-na ki suma Arap suma go ki suma Etiyopi-na á dur ayîna ki Joram.

2 Sunda Hamuleinid’a 15:2

Mi nde mi i fe Asa, mi dum ala: Amulâ Asa, agi ki suma Juda-na ki suma Benjamin-na pet, agi humugiya! Ata yima agi nga ki Ma didinina, mam nga ki sed’egiya. Le agi halamu ni, agi mba fumu. Le agi aram mbeyo ni, mam mba mi aragi woi mi.

Wana ni mbaktumba hi Job-pa 12:18

Nga mi but d’i’â hamuleinina woyo, nga mi tchuguzi ziyona furuziya.