2 Sunda Hamuleinid’a 32:5 - Bible azumeina

⁵ Ezekiyas mi ve tam ad’enga, mi min gulumuna iram mba b’lak keid’a akulo, mi min gong nga fiyak ka ndjola akulo, mi min gulumun ma ad’eng ma dingâ woi abua, mi hulong mi min Milo d’a kur Azì ma ngolâ hi David-nid’a ad’enga ngungu, mi zle ahle suma dur ayîna ablaud’a ki mboriyona mi.

2 Sunda Hamuleinid’a 32:5 Referans Kwoze

2 Sunda Hamuleinid’a 25:23

Jowas amul ma Israel-lâ mi ve Amasiya amul ma Juda ma Jowas gorom ma Ahaziya gorom ngolonina avo Bet-Semes, mi i ki sed’em Jerusalem, mi to abo gulumun ma Jerusalem-ma kä woi ndak go ki metred’a kikis mbà go, tinï ad’ud’a avun agre’â hi suma Efraim-ma dei gak mba avun agrek ma gulumuna mi kong kuana.

1 Amuleina 9:24

Faron goromba ti tcholï kur Azì ma ngolâ hi David-na, ti i kur azì ma amul ma Salomon mi minittchina. Ata yi máma Salomon mi min yima a yum ala Milo-na.

2 Amuleina 25:4

Azigar suma Babilon-na a tcho ir gulumuna hazì ma ngolîna. Suma Juda suma dur ayîna a ring pet, a buzuk kei kur azì ma ngolâ kandjege dangâla ki lovot ta avun agrek ma aduk gulumun ma mbànina, go kasinena hamulîna, a hle lovot ta i Araba-d’a. Ata yi máma azigar suma Babilon-na a nga nguid’a yam azina.

2 Samuel 5:9

David mi ar kaka kur azì ma ad’eng ma ngungu máma, mi yum ala Azì ma ngolâ hi David-na. Mi nguyum mbei ki gulumun ma minda, tinï ad’ud’a bugol Milo dei gak krovo mi.

Jeremi 39:4

Ata yima Sedekiyas amul ma Juda-na ki suma dur ayîna a wazina, a yo ringâ, a buzuk kei kur azì ma ngolâ kandjege dangâla ki lovot ta kur asinena hamulâ d’a avun agrek ma aduk gulumun ma mbànina, a hle lovot ta i Araba-d’a.

2 Sunda Hamuleinid’a 26:8

Suma Amon-na a mbam ki he d’a hawad’a. Simiyêm mi nde yina ngola, gak mi i avun hagad’a hi Ezipte-d’a, kayam ad’eng mamba nga d’i i avogovok ngola.

2 Sunda Hamuleinid’a 23:1

Kur biza d’a kid’iziyad’a, ma ngat buzuna Jehojada mi ve tam ad’enga, mi djin vunam ki azigar suma nglo suma avok azigar suma kikisâ, nala, Azariya Jeroham goroma, Ismael Johanan goroma, Azariya Obed goroma, Mäseya Adaya goroma ki Elisafat Zikri goroma mi.

2 Sunda Hamuleinid’a 12:1

Ata yima Robowam leu mamba fad’enga mam tamba mi sira ngingi mi na, mi ar gata hi Ma didinid’a woyo. Israel-lâ pî a ar gata hi Ma didinid’a woi ki sed’em mi.

2 Amuleina 12:20

Mam suma nglona a ndjak vunazi á kak djangûna ki sed’emu. Suma dingâ mbà adigaziya, ma hina a yum ala Jozakar ni Simat goroma, ma hina a yum ala Jozabat ni Somer goroma, a tom a tchum avo Milo go ki lovot ta djak kä i Sila-d’a. Suma Juda-na a tozom gen simiyêm kur Azì ma ngolâ hi David-na. Goroma Amasiya mi vrak tamula blangâmu.

Suma ka sariyad’a 9:6

Suma avo Sikem-ma ki suma avo Milo-na pet a tok taziya, a mba tin Abimelek amula go kagu sen ma nga Sikem-ma.

Zla d’a d’ogolâ 25:28

Sama nga mi ve tam kei d’uo na, mi ni d’igi azì ma ngol ma gulumun mama mi to kä woina na.

2 Sunda Hamuleinid’a 33:14

Bugol ahle ndazina, mi min gulumun ma woi abu avun Azì ma ngolâ hi David-nina abo ma fladegena hi mbiyo ma lau ma Gihon-na kur hora gak mi mbaza avun agre’â hi kulufîna. Mi ngui Ofel lei d’uhl, mi minim akulo fiyaka dei, mi tin azigar suma nglona kur azì ma ad’eng ma ngungu ma kur Juda-na pepet mi.

Joel 2:8

Nge nge pî nga mi zut ndram mbi, nge nge pî mi hle ni lovot mamba, azi nga tchila yam ahle suma ayîna bei d’elezi ba.