2 Sunda Hamuleinid’a 32:31 - Bible azumeina

³¹ Kayam ndata, ata yima suma te yam suma Babilon-na a sunï suma gevem á wad’ud’a yam ahle suma yoyou suma a le kur ambas mambina, Alona mi aram mbei á kugum á we zla d’a kurumba.

2 Sunda Hamuleinid’a 32:31 Referans Kwoze

Gat ta a hat á mbàd’id’a 8:2

Agi djib’eregi yam tit ta fiyak ka Ma didina Alo magina mi tinizi kagi á tita abagei hur fulâ gak bizad’a dok fid’id’a á hulongôgi yagi kä, á kugugi á we djib’er magid’a, na ni agi mba ngomogi vun mam ma hed’a d’oze ngomom mbuo zi ge d’a.

Jean 15:5

An ni guguzlud’a, agi nabona. Sama nga kaka zlapa tu ki sed’ena, an nga kurum mi. Hina wani, mba mi vut ngola, kayam bei an ba ni, agi ndak á lagi va yam tagi d’i.

Zla d’a d’ogolâ 17:3

Deina ni vama a yor ki kawei ma hapmina, fürâ ni vama a yor ki lorina mi, wani Ma didina ni ma kuk hur sumina.

2 Sunda Hamuleinid’a 32:24

Kur atchogoi ndata Ezekiyas mi ve tugud’eid’a á matna. Mi tchen Ma didina. Ma didina mi hulongôm zla d’a ded’a, mi tagam vama simata.

Ad’u Tinda 22:1

Bugol ahle ndazina, Alona mi kuk Abraham, mi yum ala: Abraham! Abraham mi hulong dum ala: An huma!

Zakari 13:9

An mba ni tchuk suma kur abo ma hindi mámina akua, an mba ni yorozi d’igi a yor kawei ma hapma na, an mba ni kuguzi d’igi a kuk lora na, a mba tchenenu, an mba ni humuzi mi. An mba ni dala: Sum ndazina a ni sum mana; azi mba dala: Ma didina nAlo meina mi.

Gat ta a hat á mbàd’id’a 8:16

Ni mam ma mi hagi man ma abuyogi ngolo a wum nga yazi tu d’uo abagei hur fulâ á ted’a á hulongôgi yagi kä á lagi djivid’a bugolâ.

Jacques 1:13

Ata yima sana mi nga kur kukina, ar mi dala: nAlona ba, mi kugunu d’i, kayam tchod’a ndak á kuk Alona d’i. Mam tamba mi ndak á kuk sa d’uo mi.

1 Pierre 1:7

Hina, kuk ndata mba d’i tak djivid’a hi he gagazi magi d’a guzut kal lor ra b’lak kei d’a nga a kugut kakud’id’a woyo. Hina, he gagazi magi d’a guzut kal lorid’a a nga kugut hina á wad’eng mata. Hina wani, fata Jesus Christ mba mi nde woid’a, Alona mba mi gilegiya, mba mi suburugiya, mba mi hugi mi.

Suma ka sariyad’a 16:20

Ti dum ala: Samson, golï Filistê-na kang nga! Mi zlit akulo, mi dala: An nga ni nde woi d’igi avok deid’a na, an nga ni prut tan ndeyo. Wani mi we nga d’ala Ma didina mi wal lei ki sed’emu d’a d’i.

Gat ta a hat á mbàd’id’a 13:3

agi humugi zlad’a hi ma djok vun máma d’oze zlad’a hi ma vana nde tam mbei iram máma d’i. Kayam ni Ma didina Alo magina ba, mi kugugi ni mam á we na ni agi nga lagi ni kam ki hur ma tuna ki tagi pet ko zu ge d’a.

Sawal la giled’a 27:9

Ang ngei irang avoron ndi, ang zut azong mangâ woi kayîna d’i. Angî ma ndjununa, ang aran ndei d’i, ang gan ndei d’i, kayam angî Alo ma sud’una.

2 Sunda Hamuleinid’a 32:25

Wani Ezekiyas mi hulong nga djivid’a yam djivi d’a Alona mi lumzid’a d’i, wani mi hle yam akulo. Kayam ndata, Ma didina hurum zal kam ki suma Juda-na ki suma Jerusalem-ma mi.

2 Sunda Hamuleinid’a 32:32

Sunda hi Ezekiyas sa ara ki sun mam mba djivi d’a mi lat yam Alonid’a, a b’irit nga kä kur mbaktum mba a yat ala Vama ndum mbei mi ma djok vun Alona Isai Amot goromina d’a ki kur Mbaktumba hamulei suma Juda-na kamulei suma Israel-lîd’a.