2 Sunda Hamuleinid’a 32:27 - Bible azumeina

²⁷ Ezekiyas mi mbut sama ndjondjoîna, suma a nga suburum ngola mi. Mi min yima tchuk kawei ma hapma, yima tchuk lora, yima tchuk ahina d’a guzut kal teglesa teteng, yima vo mbul ma his ma afufuîna, yima tchuk mboriyona ki yima tchuk andjaf ahle suma djivi suma kal teglesâ teteng mi.

2 Sunda Hamuleinid’a 32:27 Referans Kwoze

Zla d’a d’ogolâ 10:22

B’e vuna hi Ma didinina nga mi mbut sana ma ndjondjoîna, wani nga mi hum hur ma wura kam kua hina nde d’i.

2 Sunda Hamuleinid’a 17:5

Ma didina mi siram leu mamba ngingring. Suma Juda-na pet a nga mbam ki he d’a hawad’a, mi mbut sama ndjondjoîna, mi mbut sama suma a suburum heîna mi.

2 Sunda Hamuleinid’a 9:27

Amulâ mi mbut kawei ma hapma ablaud’a avo Jerusalem ni d’igi gireina na, agu sedrena ablaud’a ni d’igi diyaga d’a deî yam andaga d’a kä ata yima ligitimid’a na mi.

2 Sunda Hamuleinid’a 1:12

ned’a ki wad’ud’a, an nga ni hangziya, an mba ni mbud’ung sama ndjondjoîna, sama fed’a, sama suma a suburuma mi. Sama tamula avorongâ d’oze sama mba mi tamula blogong ma kalangâ nga d’i.

2 Amuleina 20:13

Ezekiyas mi vazi atamu, mi tagazi aziyam ma mam nga mi ngom ahle mam suma guzuzi kal teglesâ kuana pet, nala, kawei ma hapma, lora, mbul ma his ma afufuîna ki mbul ma guzum kal teglesâ. Mi tagazi yima ahle mam suma dur ayîna a nga kuana kahlena pet suma a nga ata yi mam ma ngom ahlenina. Vama Ezekiyas arazizi bei taka ma kur aziyam ma amulina, d’oze ma kur leu mambina nga d’i.

2 Sunda Hamuleinid’a 32:26

Ata yi máma Ezekiyas mi hulong yam kä ki suma a nga kaka avo Jerusalem-ma, tala ata yima Ezekiyas mi nga ki irama, ar Ma didina hurum mi zal kazi d’uo d’a.

2 Sunda Hamuleinid’a 32:28

Mi min yima tchuk awuna ki yima vo süm guguzlud’a ki mbulâ, mi min gongîyona yam andjaf d’uwar mama teteng, mi ge kangâna yam tumiyô mama mi.

Ezekiyel 26:12

A mba yogi ndjondjoî magid’a, a mba hurumugi ahle magi suma agi mbud’ugi kabogina, a mba togi gulumun magina kä woyo, a mba togi aziyagi ma djivina kä woyo, a mba yogi ahuniyô magina, agu magina kandaga magi d’a gugud’upa, a mba tchuguzi woi aduk mbina.

1 Samuel 2:7

Ma didina nga mi mbut sana houd’a, nga mi mbut sana ma beged’a mi; nga mi hulong sana yam kä, nga mi hle sana yam akulo mi.

1 Sunda Hamuleinid’a 29:28

David mi le bizad’a ablaud’a, mi djeng mamara kikra, mi mit ki furîd’a. Mi ni sama ndjondjoîna, ni sama suma a suburum heîna. Goroma Salomon mi vrak tamula blangâmu.