Biblia Todo Logo
Bib sou entènèt

- Piblisite -




2 Sunda Hamuleinid’a 30:21 - Bible azumeina

21 Israel suma a nga toka avo Jerusalem-ma a le vun til ma a lum kavungô ma bei angufina ki furîd’a ngola gak burâ kid’iziya. Burâ ki burâ suma hi Levi-na ki suma ngat buzuna a nga he ngola mi Ma didina kahle mazi suma bu suma a tchi heîna á suburumu.

Gade chapit la Kopi




2 Sunda Hamuleinid’a 30:21
22 Referans Kwoze  

Agi mba tagi avungô ma bei angufina gak burâ kid’iziya. Dabid’a hi bur ma kid’iziya máma agi mba lagi vun til ma he ngola mi Ma didina.


Ma didina mi de kua ala: Agi tagi avungô ma bei angufina burâ kid’iziya. Tin ad’ud’a kur bur ma avo’â, agi aragi angufa avo hatagi d’i, kayam sama lara ma tavungô ma a lum kangufa kur bur ma avo’â gak bur ma kid’iziya mámina, a mba pad’am mbei aduk Israel-lâ.


Ar agi lagi furîd’a yam Salad’a. An nga ni dagi kua: Agi lagi furîd’a.


Burâ ki burâ a nga toka kur gong nga kud’ora hAlonid’a, azi nga mbruk avungôna avo hataziya, a nga te te mazina ki furîd’a ki hur ma tuna,


Ata yima bur ma vun til ma lum kavungô ma bei angufina nda’â, ni yima azi ngat tumiyôna Pa’â kuana,


Vun til ma lum kavungô ma bei angufa ma a yum ala Pa’â na mi ar go.


Esdras mi dazi ala: Agi mud’ugi hliu ma mbulâ, agi tchagi süm ma ab’lengâ, agi i sunugi hliuna mi suma a nga ki va d’uo na, kayam bur ma inina ni bur ma a tinim iram vam yam Salad’ina. Agi yorogi tagi d’i, kayam furîd’a hi Ma didinid’a mba d’i mbut nad’eng magid’a.


Suma a le furîd’a ngola avo Jerusalem. Kur atchogoid’a hi Salomon David goroma amul ma Israel-lîd’a ei dedei pî, a le nga furîd’a hina d’a avo Jerusalem yazi tu d’i.


Bugola, mi ndjak vunam ki suma, mi tin suma hle sawal suma a tchuk ahle suma djif suma a tinizi irazi vazina atazi a nga tit avok azigarâ á gile Ma didina ala: Agi gilegi Ma didina, kayam o mamba nga d’i dap pi!


Kur bur ma dok mbà yam hindina hi til ma kid’iziyanina, Salomon mi tchuk suma avo hataziya. Azi le furîd’a, tazi lazi djivid’a yam djivi d’a Ma didina mi lat ki David ki Salomon ki mam suma Israel-lîd’a mi.


Agi ki grogi suma andjofâ ki grogi suma aropma kazungeî magina ki yugunei magina ki ma hi Levi-na kangeina ki ma hokuyod’a katcha d’a modonod’a suma a mba kak avo hatagina, agi lagi furîd’a kur vun til máma.


Agi ki grogi suma andjofâ ki grogi suma aropma kazungeî magina ki yugunei magina, agi mba lagi furîd’a avok Ma didina Alo magina zlapa ki ma hi Levi ma mba mi kak avo hatagina, kayam mam nga ki b’raud’a d’oze djo ma te ki sed’egi d’i.


Ni kua kolâ ba, agi ki sum magina mba tagi ahle suma djivi suma Ma didina Alo magina mba mi b’e vunam kagi agi mba fagizi kur sun magi d’a led’ina, agi mba lagi furîd’a kazi mi.


Kur bur ma dogo yam vahlâ hi til mámina ni vun til ma a lum kavungô ma bei angufa á kud’uron an Ma didinina. Agi tagi avungô ma a lum bei angufina gak burâ kid’iziya.


Wani suma dingâ aduk suma hi Aser-râ, aduk suma hi Manase-na ki suma hi Zabulon-na a hulong yazi kä, a mbeï avo Jerusalem.


Israel suma a nga ata yi máma kur bur mámina a le vun til ma Pa’â ki vun til ma a lum kavungô ma bei angufina gak burâ kid’iziya mi.


Suma pet suma a tcholï ata yima magomba a mbana, a kak kur zlub’u ndata. Ei kur atchogoid’a hi Josue Nun goromid’a dei gak kur bur máma Israel-lâ a le nga hina yazi tu d’i. A le hur ma hapma ngola kur bur máma.


Amulâ Ezekiyas ki suma nglo suma sunda a de mi suma hi Levi-na ala a subur Ma didina ki sawal la David azi ki Asaf ma djok vun Alona a hlata. A hlat ki furîd’a. Bugola, a grif kä andaga a kud’or Ma didina.


Kid’a vun tilâ dap dad’a, a hulongâ. Gor máma, nala Jesus, mi ar nga Jerusalem, wani simiyêm a we nga d’i,


Swiv nou:

Piblisite


Piblisite