2 Sunda Hamuleinid’a 30:15 - Bible azumeina

¹⁵ A ngat tumiyôna Pa’â kur bur ma dogo yam fid’ina hi til ma mbànina. Suma ngat buzuna ki suma hi Levi-na, zulona vaziya, a mbut tazi yed’et, a he he d’a hawa d’a ngala kur gong nga kud’ora hi Ma didinid’a mi.

2 Sunda Hamuleinid’a 30:15 Referans Kwoze

2 Sunda Hamuleinid’a 29:34

Wani suma ngat buzuna a nga ablau d’i, a ndak nga á ze ahle suma ngat buzu suma ngal ndazina pet ti. Wani b’oziyozi suma hi Levi-na a mba, a ndjunuziya, gak a dap sun ndata, gak suma ngat buzu suma dingâ a mbut tazi yed’et, kayam suma hi Levi-na, huruzi min a mbut tazi yed’et kal suma ngat buzu suma hiuna.

2 Sunda Hamuleinid’a 31:18

A he mablau suma pet suma a ndumuzi zlapa ki grozi suma gureina kamiyôzina ki grozi suma andjofâ ki grozi suma aropma mi, kayam azi mbut tazi yed’et á le sunda ata yima a tinim iram vama.

2 Sunda Hamuleinid’a 30:24

kayam Ezekiyas amul ma Juda-na mi hamuzleina mi suma toka 1000 kaho’â 7000, suma nglo suma sunda a hazi amuzleina 1000 kaho’â 10.000, suma ngat buzuna ablaud’a a mbut tazi yed’et mi.

2 Sunda Hamuleinid’a 29:15

Azi tok andjaf tazi mud’ok, a mbut tazi yed’et. Bugola, a tchuk klavi kur gong nga kud’ora hi Ma didinid’a á mbud’ut yed’et yam vun ma hed’a hamulîna d’igi Ma didina mi min na mi.

2 Sunda Hamuleinid’a 5:11

Suma ngat buzuna pet suma a nga ata yi mámina, a buzuk kei ata yima a tinim iram vama. Sum ndazina pet a mbut ni tazi yed’et avok bei tit yam nguid’a hades mazinid’a.

Buzuk ka Abud’a 19:22

Ar suma ngat buzu suma nga mba avoron an Ma didinina a tin tazi irazi vazi mi tala an tchi suma adigazi d’uo mi d’a.

Buzuk ka Abud’a 19:10

Ma didina mi de mi Moise ala: Ang i gen Israel-lâ, ang tinizi irazi vazi ini kavini, ar azi mbus baru mazina woi yed’et mi.

Ndumba 9:11

A lumî kur til ma mbàna kur bur ma dogo yam fid’ina ki fladege d’a afata i nikid’a. Azi mba mut tumiyô suma a ngad’azi á Pa’îna kavungô ma a lum bei angufina, zlapa kahlap ma aglarâ.

2 Sunda Hamuleinid’a 30:2

Amulâ ki mam suma nglo suma sunda kablau suma toka pet, a ndjak vunazi avo Jerusalem ala a le vun til ma Pa’â kur til ma mbàna.

2 Sunda Hamuleinid’a 30:3

Kayam azi ndak á lum kur bur ma a ngama d’i, kayam suma ngat buzu suma a mbut tazi yed’etna a nga ngol li, suma a tok nga avo Jerusalem mbuo mi.

Esdras 6:20

Suma ngat buzuna ki suma hi Levi-na djak a mbut tazi yed’et, azi pet a mbut yed’et. A ngat tumiyôna yam vun til ma Pa’â yam suma a yozi magomba adjeuna, yam b’oziyozi suma ngat buzuna, yam azi tazid’a mi.

2 Sunda Hamuleinid’a 29:32

Ablau ahle suma a hazi á ngalina ba wana: Amuzleina dok kid’iziya, gamlâna kis, gro tumiyôna kikis mbà mi. Wan pet nahle suma a hazi he d’a hawa d’a ngala mi Ma didinina.

2 Sunda Hamuleinid’a 30:13

Kur til ma mbàna, suma ablaud’a a tok Jerusalem á le vun til ma a lum kavungô ma bei angufina. Suma a to’î tok ka ngola.

2 Sunda Hamuleinid’a 35:6

Agi mbud’ugi tagi yed’et, agi ngad’agi tumiyôna á Pa’â, agi minigi ahle mama yam b’oziyogi suma Israel-lâ, agi lagi ni d’igi zla d’a Ma didina mi dat avun Moise-sa na.