2 Sunda Hamuleinid’a 3:8 - Bible azumeina

⁸ Mi min hur gong nga a yat ala Yima a tinim iram vam ma kal teglesâ na. Gong ndata bubuwat ni metred’a dogo d’igi bubud’a hi gongid’a na, fiyagat ni metred’a dogo mi. Lor ra a gulud’ut ki huruta ni tonna dok mbà, ni lor ra bei zozota ba d’a.

2 Sunda Hamuleinid’a 3:8 Referans Kwoze

Buzuk ka Abud’a 26:33

Agi djinigi baru d’a ka ir ndata kä ad’u kawei ma vunam gundina. Agi tinigi zanduk mana sä krovo bugol baru d’a ka ira. Baru ndata mba d’i wal ir yima a tinim iram vama ki yima a tinim iram vam ma kal teglesâ mi.

Hebre-na 10:19

Kayam ndata b’oziyona, ei ndak á kalei ata yima Alona mi tinim iram vam ma kal teglesâ bei mandarâ ba ni yam buzuna hi Jesus-na.

Hebre-na 9:9

Wana ni vama taka yam atchogoi d’a tchetchem wanda. Nala, suma a nga he he d’a hawad’a kahle suma ngat buzuna mAlona, wani ahle ndazina a ndak á mbut sama kud’or Alonina memet ki djib’er ra kurum krovod’a d’i.

Hebre-na 9:3

Bugol baru d’a ka ir mbàd’a, zlub’u d’a dinga nga. Hurut ma krovona, a yum ala Yima Alona mi tinim iram vam ma kal teglesâ.

1 Amuleina 6:16

Mi ndja agu sedrena huyok gong nga a minit sä a zut kur gong nga ngolid’a, agu máma fiyagam mba akulod’a ti ni metred’a dogo, mi minit hurut ma krovo ma a yum ala Yima a tinim iram vam ma kal teglesâ na.

Ezekiyel 41:4

Mi nga hur gong ndata. Fiyagat ni metred’a dogo, bubuwat ni metred’a dogo mi. Bugola, mi dan ala: Yi máma a yum ala Yima a tinim iram vam ma kal teglesâ.