2 Sunda Hamuleinid’a 29:36 - Bible azumeina

³⁶ Ezekiyas kablaud’a peta a le furîd’a ngola, kayam Alona mi ndjunuzi á dap sun ndata, kayam a hahle ndazina natogo zak.

2 Sunda Hamuleinid’a 29:36 Referans Kwoze

Sunda hi suma a sunuzinid’a 2:41

Suma a ve zla mambina, a lazi batemba. Kur bur máma a fe suma kazi kua d’igi dudubud’a hindi na.

Zla d’a d’ogolâ 16:1

Sana nga mi nga hurum á le va, wani ni Ma didina ba, mi ndak vun zla ndata.

Sawal la giled’a 10:17

Ma didina, ang nga hum zla d’a suma lulumana huruzi minita, ang nga hazi ad’enga, ang nga tin humang

Esdras 6:22

A lü vun til ma a lum kavungô ma bei angufina ki furîd’a gak burâ kid’iziya, kayam Ma didina mi lazi tazi djivid’a ata yima mi mal djib’era hamul ma Asiri-na á ndjunuzi kur sunda hi gong nga kud’ora hAlona hi Israel-lînid’a.

1 Sunda Hamuleinid’a 29:9

Suma a le furîd’a yam he d’a hawa d’a a hat kur min mazid’id’a, kayam a hat mi Ma didina ni ki hur ma tuna bei gigrita. Amulâ David pî mi le furîd’a ngola mi.

2 Sunda Hamuleinid’a 30:12

Alona mi le sunda ki suma Juda-na, mi hazi hur ma tuna á le sunda yam vun ma hed’a hamulîna ki ma hi mam suma nglo suma sundina d’igi Ma didina mi de na.

2 Sunda Hamuleinid’a 29:35

Kayam ahle suma ngat buzu suma ngala a nga ngola ki mbulâ hahle suma ngat buzu suma zlap darigïd’a zlapa ki süm guguzlu d’a ngala. Ni hina ba, mi hulong tin kud’ora kur gonga hi Ma didinid’a.

2 Sunda Hamuleinid’a 30:1

Ezekiyas mi tchuk sunda kur azì ma Israel-lâ kazì ma Juda-na pet, mi b’ir mbaktumba mi suma Efraim-ma ki suma hi Manase-na tala a mbeï kur gulumuna hi gong nga kud’ora hi Ma didinid’a avo Jerusalem á le vun til ma Pa’â á he ngola mi Ma didina Alona hi Israel-lîna d’a.