2 Sunda Hamuleinid’a 29:34 - Bible azumeina

³⁴ Wani suma ngat buzuna a nga ablau d’i, a ndak nga á ze ahle suma ngat buzu suma ngal ndazina pet ti. Wani b’oziyozi suma hi Levi-na a mba, a ndjunuziya, gak a dap sun ndata, gak suma ngat buzu suma dingâ a mbut tazi yed’et, kayam suma hi Levi-na, huruzi min a mbut tazi yed’et kal suma ngat buzu suma hiuna.

2 Sunda Hamuleinid’a 29:34 Referans Kwoze

2 Sunda Hamuleinid’a 35:11

A ngat ahle suma a hazi á Pa’îna, suma ngat buzuna a yam buzu ma a vum abo suma hi Levi-nina kä yam yima ngal ahle suma ngat buzuna. Suma hi Levi-na a nga ze ahle suma a tchazina woyo.

2 Sunda Hamuleinid’a 30:3

Kayam azi ndak á lum kur bur ma a ngama d’i, kayam suma ngat buzu suma a mbut tazi yed’etna a nga ngol li, suma a tok nga avo Jerusalem mbuo mi.

Sawal la giled’a 94:15

Ang mba hulong ka sariya d’a d’ingêra; suma huruzi tuna a mba le sunda kat mi.

Sawal la giled’a 26:6

An mbuza wa abon ndei á tak kei ala zla nga kan ndi. Ma didina, an nga ni ngui yi mang ma ngal ahle suma ngat buzuna

Sawal la giled’a 7:10

Ang b’lak sunda hi suma asa’atnid’a woyo, ang sira suma d’ingêrâ ngingring, kayam angî Alo ma d’ingêr ma fek hur suma ki djib’er mazid’ina.

2 Sunda Hamuleinid’a 29:5

mi dazi ala: Agi suma hi Levi-na, agi humunu! Ki tchetchemba, agi mbud’ugi tagi yed’et, agi mbud’ugi gong nga kud’ora hi Ma didina Alona habuyogi ngolonid’a yed’et mi, agi tchugugi ahle suma ndjendje suma a nga ata yima a tinim iram vama woi abua.

1 Sunda Hamuleinid’a 29:17

Ma didina Alo mana, an we, ni ang ba, nga fek hur sana, ang min ni d’ingêra. Wani an hang he d’a hawa ndata pet ni kur min manda ki d’ingêra ki hur ma tuna. Ki tchetchemba, an we sum mang suma a nga toka kä hina, a hang he d’a hawa d’a ni ki hur ma djivina ki furîd’a mi.

Ndumba 18:3

Azi ngom vun mang ma hed’a, a ngom ahlena hi zlub’ud’ina pet mi. Wani azi hut go kahle suma a tinizi irazi vazina d’oze ki yima ngal ahle suma ngat buzuna d’uo kayambala agi ki azi bogi woi d’uo d’a.

Ndumba 8:19

An ni he suma hi Levi-na ki zla tazi pet mi Aron azi ki groma aduk Israel-lâ, kayam azi le sunda kur zlub’u d’a ngaf tad’a mi Israel-lâ tala a zlubuzi yam tcho mazid’a d’a. Hina wani, tugud’ei d’a tchod’a mba d’i tum Israel-lâ ata yima azi mba hud’ï go ata yima a tinim iram vamina d’i.

Ndumba 8:15

Bugol ahle ndazina, suma hi Levi-na a kal kur zlub’u d’a ngaf tad’a á le sunda. Ni hina ba, ang tinizi irazi vaziya, ang tagazi akulo avogon an Ma didina mi.

2 Sunda Hamuleinid’a 29:33

A tin amuzleina irazi vazi mi Ma didina kikis karagaya, aho’â dudubud’a hindi mi.

2 Sunda Hamuleinid’a 30:15

A ngat tumiyôna Pa’â kur bur ma dogo yam fid’ina hi til ma mbànina. Suma ngat buzuna ki suma hi Levi-na, zulona vaziya, a mbut tazi yed’et, a he he d’a hawa d’a ngala kur gong nga kud’ora hi Ma didinid’a mi.

2 Sunda Hamuleinid’a 30:24

kayam Ezekiyas amul ma Juda-na mi hamuzleina mi suma toka 1000 kaho’â 7000, suma nglo suma sunda a hazi amuzleina 1000 kaho’â 10.000, suma ngat buzuna ablaud’a a mbut tazi yed’et mi.

Esdras 6:20

Suma ngat buzuna ki suma hi Levi-na djak a mbut tazi yed’et, azi pet a mbut yed’et. A ngat tumiyôna yam vun til ma Pa’â yam suma a yozi magomba adjeuna, yam b’oziyozi suma ngat buzuna, yam azi tazid’a mi.

Ezekiyel 44:11

A mba lan sunda, a mba kak ndjola avun agre’â hi gong man nda kud’orina teteng, a mba le sunda kurut teteng mi, a mba ngat d’uwar ma a mba hum vama ngat buzu ma ngalina ki vama a hum yam he d’a hawa d’a dingina, a mba ka’î suma ndjun suma avoron mi.

2 Amuleina 12:6

Wani kur biza mam mba dok mbà yam hindi d’a mam tamulid’a, suma ngat buzuna a min nga gonga hi Ma didinid’a yat ma b’lak keina akulo d’i.