2 Sunda Hamuleinid’a 29:32 - Bible azumeina

³² Ablau ahle suma a hazi á ngalina ba wana: Amuzleina dok kid’iziya, gamlâna kis, gro tumiyôna kikis mbà mi. Wan pet nahle suma a hazi he d’a hawa d’a ngala mi Ma didinina.

2 Sunda Hamuleinid’a 29:32 Referans Kwoze

Esdras 6:17

A hamuzlei suma andjofâ kis, gamlâna kikis mbà ki tumiyôna kikis fid’i he d’a hawad’a yam tin nda a tin gong nga kud’ora hAlonid’a irat vata. A he mbekmberena he d’a hawad’a dogo yam mbà ngad’a yam andjafâ hi Israel ma dogo yam mbàna á zlup yam tchod’a hi Israel-lîd’a avok Alona.

1 Sunda Hamuleinid’a 29:21

Tcha ndjivinda, a hahle suma ngat buzu suma zlap darigïd’a kahle suma ngat buzu suma ngala mi Ma didina, a hamuzleina dubu, gamlâna dubu ki tumiyôna dubu, zlapa ki he mazi d’a hawa d’a süm guguzlud’a kahle suma ngat buzu suma dingâ ablaud’a yam Israel-lâ pet mi.

1 Amuleina 8:63

Amulâ mi ngat amuzleina buzuna ni 22.000 kaho’â 120.000 á le darigïd’a ki Ma didina á tin gong nga kud’ora hi Ma didinid’a irat vat mi.

1 Amuleina 3:4

Bur tu amulâ Salomon mi i Gabawon á hahle suma ngat buzuna, kayam yi máma mi kal yima dingâ pet. Salomon mi hahle suma ngat buzu suma ngala dubu yam yima ngal ahle suma ngat buzuna ata yi máma.

2 Sunda Hamuleinid’a 29:31

Ata yi máma Ezekiyas mi de mi suma ala: Agi hagiya wa tagi mi Ma didina da’. Ki tchetchemba, agi hud’ugiya, agi mbeyegi kahle suma ngat buzu suma le mersid’a kur gong nga kud’ora hi Ma didinid’a. Ablau suma toka a mba kahle suma ngat buzu suma le mersid’a, suma pet suma huruzi min á hed’ina a hahle suma ngat buzu suma ngala mi.

2 Sunda Hamuleinid’a 29:33

A tin amuzleina irazi vazi mi Ma didina kikis karagaya, aho’â dudubud’a hindi mi.

2 Sunda Hamuleinid’a 29:35

Kayam ahle suma ngat buzu suma ngala a nga ngola ki mbulâ hahle suma ngat buzu suma zlap darigïd’a zlapa ki süm guguzlu d’a ngala. Ni hina ba, mi hulong tin kud’ora kur gonga hi Ma didinid’a.

Sunda hi suma hi Levi-nid’a 1:1

Ma didina mi yi Moise kur zlub’u d’a ngaf tad’a, mi dum ala:

Sunda hi suma hi Levi-nid’a 1:3

Le he d’a hawa mam mba ngala ni d’uwar ma ngolâ ni, ar mi he ni va mandjuf ma bei daka ba na, ar mi humî avun zlub’u d’a ngaf tad’a tala an Ma didina ni vum abomu d’a.

2 Sunda Hamuleinid’a 30:15

A ngat tumiyôna Pa’â kur bur ma dogo yam fid’ina hi til ma mbànina. Suma ngat buzuna ki suma hi Levi-na, zulona vaziya, a mbut tazi yed’et, a he he d’a hawa d’a ngala kur gong nga kud’ora hi Ma didinid’a mi.