2 Sunda Hamuleinid’a 29:10 - Bible azumeina

¹⁰ Ki tchetchemba, an nga ki djib’era kurun krovo á djin vunan ki Ma didina Alona hi Israel-lîna, kayambala kur ayî mam ma bibiliuna ar hurum b’leng ngei keya d’a.

2 Sunda Hamuleinid’a 29:10 Referans Kwoze

Jeremi 50:5

A mba djop yam lovot ta Siyon-nda, a mba mbut irazi yam lovot ndata, a mba dala: Mbeyegïya. Agi reyêgi tagi ki Ma didina yam vun ma djin ma didin ma bei mara ba na.

2 Sunda Hamuleinid’a 23:16

Jehojada mi djin vunam kablau d’a peta kamula, mi ala, ar azi ka’î suma hi Ma didinina.

Esdras 10:3

Ei i djini vunei kAlo meina á dik arop ndazina ki grozina d’igi ang salana ki suma pet suma a nga le mandara gata hAlo meinid’ina a de na, ar ei lei d’igi gata ti de na mi.

2 Korente-na 8:5

Azi he kal yam vama ami tinimi hurumi kama, kayam azi he tazi mi Salad’a avogo, bugola, a he tazi mi ami kur minda hAlonid’a mi.

Jeremi 34:18

An mba ni he suma a nga but vun man ma djinda kä suma a nga ndak vun vama azi djin vunazi kam avoron nduo suma a nga ngat gor amuhlâ aduk mbà a kal adigama abo mazi suma djangûna.

Jeremi 34:15

Wani agi hulongôgï ini á le sun nda djivid’a avoronu. Agi tchagi wala ala: Nge nge pî mi ge ndrama akulo, agi djinigi vunagi avoron kur gong nga a nga kud’uron kuad’a.

Nehemi 9:38

A de kua ala: Kayam ndata, ami hami tamiya, ami djinimi vunamiya, ami b’irim kä. Mami suma avok sumina, mami suma hi Levi-na ki mami suma ngat buzuna a tin simiyêzi kur mbaktumba, a tum tampongâ kua mi.

2 Amuleina 23:26

Hina pet pî, Ma didina hurum mi zal ngola heî yam suma Juda-na, mi vat nga hurum mbei d’i, kayam ahle suma pet suma amulâ Manase mi lazina a zalam hurum ngola heî.

2 Amuleina 23:3

Amulâ mi ar tchola akulo ata yam ata yima nding ma a minim á de zlad’ina, mi djin vunam ki Ma didina á tit yam vun ma he mama, yam gat mam mba tetenga ki hurun tu ki tam pet mi, á tit yam zlad’a hi vun ma djin mam ma a b’irim kur mbaktum ndatina mi. Suma pet a djin vunazi yam zla ndata mi.

2 Sunda Hamuleinid’a 30:8

Ki tchetchemba, ar agi lagi yam mba ad’enga d’igi abuyogi a lat na d’i, wani agi hagi tagi mi Ma didina, agi mbeyegi kur yi mam ma a tinim iram vam ma gak didina, agi lagi sunda mi Ma didina Alo magina tala kur ayî mam ma bibiliuna hurum vat tei kagiya d’a.

Esdras 10:14

Ar mei suma nglona a ar kä yam ablau d’a peta. Suma kur azì mei ma nglonina pet suma a vik andjaf arop suma dingîna, a mbei kur bur ma a ngama, zlapa ki suma nglona ki suma ka sariya suma kur azì ma ngol ma lara ge pet, gak hur ma zala hAlo meinina mi vat tei kei yam tcho ndata tua.

Josue 7:26

Bugola, a mol ahinad’a kamu; ahina ndata nga gak ini. Ni kayam ndata ba, a nga yi yi máma ini ala hor ra Akor-ra. Bugol ahle ndazina, Ma didina hurum b’lengâ.

Nehemi 8:6

Esdras mi subur Ma didina Alo ma ngolâ. Suma pet a yo abozi akulo, a hulong humba ala: Amin! Amin! A tchok yazi kä, a kud’or Ma didina ki irazi kulupa kä andaga.

Jeremi 3:5

Agi nga dagi tagi ala: Mam mba mi zal hurum kei hina baba zu? Mam mba mi vei kurum hina baba mi zu? Wana ni zla d’a agi nga data. Wan pî agi nga lagi tchod’a, agi nga igi avogovok á lagi min magid’a.

Jeremi 3:12

Ang i de woi yam zla ndata ki deleng akulo abo ma norâ ala: Ma didina mi dala: Agi Israel suma tchagi tatana, agi hulongôgïya. An mba ni d’us iran atagi d’i, kayam an ni sama od’a, an mba ni vagi kurun baba d’i. An Ma didina ni de na.